Juan 12:48 - CHUYA QELLQA La Biblia en Quechua de Ayacucho 2012

⁴⁸ Pipas ñoqata wischupakuwaspa palabraykunata ma-na chaskiqpaqqa ñam juzgaqnin kach-kanña, ñoqapa palabraykunam paytaqa tukupay punchawpi juzganqa.

Quechua Ayacucho Bible 1987

⁴⁸ Pipas despreciawaspan nisqaykunata mana kasukuqpaqa ñam kanña juzgaqnin, ñoqapa nisqaykunam paytaqa tukupay punchawpi juzganqa.

Chuya Qellqa 1992

⁴⁸ Pipas ñoqata wischupakuwaspa palabraykunata mana chaskiqpaqqa ñam juzgaqnin kachkanña, ñoqapa palabraykunam paytaqa tukupay punchawpi juzganqa.

Juan 12:48 Iomraidhean Croise

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Mateo 10:15

Cheqaptapunim nikichik, chay llaqtaqa juicio punchawpim Sodoma hinaspa Gomorra llaqtakunamantapas aswan castigasqa kanqa.

Mateo 21:42

Jesusñataqmi nirqa: ¿Manachu Qellqapi leerqankichik: “Wasi perqaqkunapa wischupakusqanku rumim cimientopa esquinan hapiq rumiña rikurirun. Kaytaqa Diosmi ruwarun, chayraykum anchata admirakunchik nisqanta?” nispa.

Mateo 25:31

Runapa Churinmi kanchariyninpi llapa angelninkunawan kuska hamuspan kancharichkaq trononpi tiyaykunqa,

Marcos 12:10

¿Manachu Qellqapi leerqankichik: “Perqaqkunapa wischupakusqanku rumim cimientopa esquinan hapiq rumiña rikurirun.

Marcos 16:16

Pipas iñispa bautizasqa kaqmi salvasqa kanqa, mana iñiqñataqmi condenasqa kanqa.

Marcos 8:31

Chaymantam Jesusqa yachachiyta qallaykurqa, runapa Churinqa llumpayta ñakarichisqa kananmanta, an-cianokunapa, sacerdotekunapa kama-chiqninkunapa, Diospa leynin yacha-chiqkunapa cheqnisqan kananmanta. Chaynataq wañuchisqa kananmanta-wan, kimsa punchawman kawsari-munanmantapas.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Lucas 17:25

Ichaqa puntatam llumpayta ñakarinan, hinaspam kay miraykunapa wischupakusqan kanan.

Lucas 20:17

Jesusmi ichaqa paykunata qawarispan nirqa: Chaynaqa, ¿ima ninantataq Qellqa nichkan: “Perqaqkunapa wischupakusqanku rumim cimientopa esquinan hapiq rumiña rikurirun”, nispaqa?

Lucas 7:30

Fariseokunawan Diospa leynin yachachiqkunam ichaqa mana Juanwan bautizachikurqakuchu, chaynatam paykunapaq Diospa imam munasqanta wischupakurqaku.

Lucas 9:22

Chaymantam discipulonkunata nirqa: Runapa Churinqa llumpaytam ñakarinqa, llapa ancianokunawan sacerdotekunapa kamachiqninkunam hinaspa Diospa leynin yachachiqkunam qepanchaspanku wañuchinqaku, ichaqa kimsa punchawmanmi kawsarimunqa, nispa.

Lucas 9:26

Pipas ñoqamanta chaynataq palabraykunamanta penqakuqtaqa, runapa Churinpas paymantam penqakunqa, chaynataqa ruwanqa angelninkunawan kuska Taytanpa atiyninpi kutimuspanmi.

Juan 11:24

Chaymi Marta nirqa: Arí, tukupay punchawpi wañuqkunawan kawsarimunantaqa yachanim, nispa.

Juan 5:45

Qamkunaqa amayá piensaychikchu Taytapa qayllanpi acusanaytaqa, aswanqa hapipakusqaykichik Moisesmi acusasunkichikqa.

Juan 6:39

Kachamuwaqniypa munasqanqa kaymi: Paypa qowasqanta mana mayqannintapas chinkachispay tukupay punchawpi kawsarichiyniymi.

Juan 8:47

Diospaq kaqkunaqa Diospa nisqankunatam uyarin, qamkunam ichaqa mana Diospa kasqaykichikrayku mana uyarinkichikchu, nispa.

Hechos 17:31

Diosmi huk runata akllarun, paymi akllasqan punchawpi mana pimanpas sayapakuspa kay pachata juzganqa. Chayta llapa runakuna creenankupaqmi chay akllasqan Jesusta wañusqanmanta Dios kawsarichimurqa, nispa.

Hechos 3:23

Pipas chay profetapa nisqanta mana kasukuqtaqa Diosmi llaqtanmanta pasaypaqta chinkachinqa”, nispa.

Romanos 2:16

Chaynataqa ruwanqa Jesucris-tontakama llapallan runakunata Dios juzganan punchawpim. Chay punchawpim runapa sonqonpi pakasqa kaqkunatapas Dios juzganqa, imaynam kay allin noticia willakusqayman hina.

2~Corintios 4:3

Sichum kay allin noticia willakusqayku velowan tapasqa hina kachkan, chaynaqa kachkan chinkasqa kaqkunallapaqmi.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

Hebreos 10:25

Wakinkunapa costumbrenman hinaqa amayá huñunakuyman riytaqa saqesunchu, aswanqa Señorpa chaylla kutimunanta yachachkaspaqa kallpanchanakusunyá.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Hebreos 4:12

Diospa palabranqa kawsay qokuqmi hinaspa atiyniyuqmi. Iskay lawnin filoyuq espadamantapas aswan kuchukuqraqmi. Runamanqa yaykun almankamaraqmi, espiritunkamaraqmi, tullunpa piezankunakamaraqmi, chilinankamaraqmi, hinaspam piensasqankunatawan sonqonpa munapayasqankunata reqsichin.

1~Pedro 1:5

Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.

2~Pedro 3:3

Tukuymanta llalliriqtaqa kaytayá yachaychik: Qepa punchawkunatam hamunqaku burlakuqkuna hinaspa aychankupa munasqallanpi purikuq runakuna,

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

1~Samuel 10:19

Diosmi imaymana sasachakuynikichikpipas, llakikuynikichikpipas yanapasurqankichik, ichaqa qamkunam qepanchakuruspa ninkichik: “Reyta qowayku ñoqaykuta kamachiwanankupaq”, nispaykichik. Chaynaqa, Diospa qayllanman hamuychik aylluntin hinaspa castantin, nispa.

1~Samuel 8:7

Hinaptinmi Samuelta Tayta Dios nirqa: Uyariy runakunapa tukuy ima mañakususqaykita, manam qamtachu qepan-chakusunkiqa, aswanqa ñoqatam, manam paykunaqa reynin kanayta munankuchu.