Juan 12:46 - CHUYA QELLQA La Biblia en Quechua de Ayacucho 2012

⁴⁶ Ñoqa achkiymi kay pachaman hamurqani, chaynapi pipas ñoqapi iñiqqa manaña tutayaypi kananpaq.

Quechua Ayacucho Bible 1987

⁴⁶ Ñoqaqa achkiy hinam hamurqani kay pachamanqa, pipas ñoqapi iñiqqa manañam tutayaypiñachu kanqa.

Chuya Qellqa 1992

⁴⁶ Ñoqa achkiymi kay pachaman hamurqani, chaynapi pipas ñoqapi iñiqqa manaña tutayaypi kananpaq.

Juan 12:46 Iomraidhean Croise

Isaías 40:1

Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Isaías 42:15

Orqokunatawan moqokunatam purmachisaq, sachankunatawan pastonkunatam chakirachisaq, mayukunatam aqo pampata ruwarusaq, qochakunatam chakirachisaq.

Isaías 42:7

Ñawsakunapa ñawinta kichanaykipaq, carcelpi kaqkunata hurqonaykipaq, tutayay calabozopi tiyaqkunata hurqonaykipaq, nispa.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Mateo 4:16

Tutayaypi kawsaq llaqtam hatun achkiyta rikurun, wañuypa llantuyninpi kawsaqkunatam achkiy kanchaykun!” nispa.

Lucas 2:32

Paymi llapa nacionkunapaq achkiy kanqa, llaqtayki Israelpaqñataqmi hatunchakunan kanqa, nispa.

Juan 1:9

Llapa runakunata kanchariq cheqap achkiymi kay pachaman hamurqa.

Juan 3:19

Condenasqaqa kachkanku, kay pachaman achkiy hamuchkaptin, tukuy mana allinkunata ruwaspanku tutayaytaraq kuyasqankuraykum.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Juan 9:39

Jesusñataqmi nirqa: Ñoqam kay pachaman juzganaypaq hamurqani, chaynapi ñawsakuna qawakunankupaq, qawakuqkunañataq ñawsayanankupaq, nispa.

Juan 9:5

Kay pachapiraq kanaykamaqa runakuna achkiqmi kasaq, nispa.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.