Juan 12:40 - CHUYA QELLQA La Biblia en Quechua de Ayacucho 2012

⁴⁰ Runakunatam Dios ñawsayarachirqa, paykunapa sonqontam rumiyachirqa, chaynapi mana rikukunankupaq, chaynapi mana entiendenankupaq, chaynapi mana kutirikamuwanankupaq, chaynapi mana sanoyachinaypaq, nispa.

Quechua Ayacucho Bible 1987

⁴⁰ Runakunatam Dios ñawsayarachirqa. Paykunapa sonqontam rumiyachirqa chaynapi mana rikukunankupaq, chaynapi mana entiendenankupaq, chaynapi mana kutirikamuwanankupaq, chaynapi mana sanoyachinaypaq.

Chuya Qellqa 1992

⁴⁰ Runakunatam Dios ñawsayarachirqa, paykunapa sonqontam rumiyachirqa chaynapi mana rikukunankupaq, chaynapi mana entiendenankupaq, chaynapi mana kutirikamuwanankupaq, chaynapi mana sanoyachinaypaq, nispa.

Juan 12:40 Iomraidhean Croise

1~Reyes 22:20

Chaymi Tayta Dios nirqa: “¿Pitaq pantarachimunman Galaad lawpi Ramot llaqtata atacamuspa chaypi Acab wañuramunanpaq?” nispa. Chaymi serviqninkunamanta huknin hukta nirqa, hukninpas huktataq.

Éxodo 10:1

Tayta Diosmi Moisesta nirqa: Faraonpa qayllanman yaykuy, paypa sonqontawan serviqninkunapa sonqontam rumiyarachini, chaynataqa ruwaruni paykunaman señalniykunata qawachinaypaqmi.

Éxodo 11:10

Moiseswan Aaronmi tukuy kay admirakuypaq kaqkunata Faraonpa ñawpaqninpi ruwarqaku. Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunata Egipto nacionmanta mana kacharirqachu.

Éxodo 14:17

Ñoqam Egipto runakunapa sonqonta rumiyarachisaq qepaykichikta qatiykamusunaykichikpaq, chaynapim Faraonpi, lliw tropankunapi, carretankunapi hinaspa caballopi riqkunapi atiyniyta qawachikuspay hatunchasqa kasaq. Chayraqmi Egipto runakuna yachanqaku ñoqa Tayta Dios kasqayta.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 14:8

Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Éxodo 4:21

Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 7:13

Chaywanpas Tayta Diospa nisqanman hinam Faraonpa sonqon rumiyarurqa, chaymi paykunata mana kasurqachu.

Éxodo 7:3

Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Éxodo 9:12

Ichaqa Tayta Diosmi Moisesman nisqanpi hina Faraonpa sonqonta rumiyarachirqa, hinaptinmi paykunata mana kasurqachu.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 29:10

Tayta Diosmi qamkunaman sinchi puñunayayta kachaykamusunkichik. Profetakunapa ñawintapas wichqarunmi, visión rikuqkunapa umantapas velowanmi wankurun.

Isaías 53:5

Mana kasukusqanchikmantam tuksipasqa karqa, huchanchikkunaraykum chamchapasqa karqa, hawkayayta qowananchikpaqmi ñakarichisqa karqa, heridasqa kasqanwanmi hampisqa karqanchik.

Isaías 6:10

Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

Isaías 6:9

Chaymi niwarqa: Rispaykiyá kay llaqtaman kaynata nimuy: Uyarichkaspapas manam entiendenqakuchu, qawachkaspapas manam yachanqakuchu.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 5:21

Yaw, mana yachayniyuq runakuna, yaw, mana yuyaymanayniyuq runakuna, kayta uyariychik: Qawakuchkaspapas manam rikukunkichikchu, uyarichkaspapas manam kasukunkichikchu.

Ezequiel 12:2

Runapa churin, qamqa mana kasukuq runakunapa chawpinpim yachachkanki, paykunaqa ñawiyuq kaspapas manam rikukunkuchu, rinriyuq kaspapas manam uyarikunkuchu, paykunaqa mana kasukuq miraykunam.

Ezequiel 14:9

Sichum hukkaqnin profeta engañarachikuspa llullata rimaptinqa, paytaqa ñoqam pantarachini; chaynaqa castigaspaymi paytapas llaqtaypa chawpinmanta chinkarachisaq.

Oseas 14:4

Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Marcos 4:12

qawachkaspankupas mana rikunankupaq, uyarichkaspankupas mana entiendenankupaq, chaynapi Diosman mana kutirikunankupaq hinaspa huchan-kumantapas mana pampachasqa kanankupaq, nispa.

Marcos 6:52

Paykunaqa rumi sonqo kasqankuraykum tantakuna mirachisqantapas mana entienderqakuchu.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Lucas 8:10

chaymi Jesusñataq nirqa: Qamkunamanqa Diosmi munaycha-kuyninpi pakasqa kaqkunata yachachisunkichik. Wakin runakunatam ichaqa rikchanachiykunawan yachachini, chay-napi qawakuchkaspapas mana rikunankupaq, uyarichkaspapas mana entiendenankupaq.

Juan 12:39

Manam pipas creeyta atirqachu. Isaiasqa qellqarqataqmi:

Juan 9:39

Jesusñataqmi nirqa: Ñoqam kay pachaman juzganaypaq hamurqani, chaynapi ñawsakuna qawakunankupaq, qawakuqkunañataq ñawsayanankupaq, nispa.

Hechos 15:3

Antioquía llaqtapi kaq iñiqkunapa kachasqanmi Jerusalén llaqtaman rirqaku, chaymi Fenicia lawninta hinaspa Samaria lawninta rispanku, mana judío kaqkunapas Diosman iñikusqankuta willakurqaku. Hinaptinmi lliw iñiqkuna chay willakuywan llumpayta kusikurqaku.

Hechos 28:26

“Rispayki wak llaqtata kaynata nimuy: Uyarispapas manam entiendenkichikchu, qawakuspapas manam rikunkichikchu.

Hechos 3:19

Chay-naqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.

Deuteronomio 29:4

Chaywanpas Tayta Diosqa kunan-kamam yachayta manaraq qosurqankichikchu, chaynapi qawachkaspapas hinaspa uyarichkaspapas mana entiendenaykichikpaq.

Josué 11:20

Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.