Juan 11:55 - CHUYA QELLQA La Biblia en Quechua de Ayacucho 2012

⁵⁵ Judiokunapa Pascua fiestanmi hichpamuchkarqaña, chaymi llapa runakuna tukuy hinastin llaqtakunamanta manaraq Pascua fiesta chayamuchkaptin Jerusalenman rirqaku chuyanchakuq.

Quechua Ayacucho Bible 1987

⁵⁵ Judiokunapa *f**Pascua Fiestanmi ña hichpamuchkarqaña, chaymi llapa runakuna enteron llaqtamanta rirqaku Jerusalenman Diosta adoranankupaq *f**chuyanchakuq.

Chuya Qellqa 1992

⁵⁵ Judiokunapa Pascua fiestanmi hichpamuchkarqaña, chaymi llapa runakuna tukuy hinastin llaqtakunamanta manaraq Pascua fiesta chayamuchkaptin Jerusalenman rirqaku chuyanchakuq.

Juan 11:55 Iomraidhean Croise

Génesis 35:2

Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

Jobwan Sutichasqa Libro 1:5

Sapa convido tukuytam, Jobqa churinkunata qayachimuspan chuyanchaq. Tutapayta hatarispanmi sapa churinpaq huchankumanta mayllasqa kanankupaq animalta wañuchispa Diosman lliw kañana sacrificiota ofreceq. Sapa kutillam chaynata ruwaq sonqonpi kaynata nispan: Ichapas churiykunaqa imawanpas huchallikurunku, ichapas paykunaqa Diosta. sonqonkupi kamirunku, nispa.

Éxodo 19:10

Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Números 9:6

Wakin runakunañataqmi wañuqpa ayanman asuykusqankurayku millakuypaq kachkarqaku, chayraykum chay punchawqa Pascua fiesta ruwaytaqa mana atirqakuchu, hinaspam Moisesmanwan Aaronman asuykuspanku

Mateo 26:1

Kaykunata rimayta tukuruspanmi discipulonkunata Jesús nirqa:

Mateo 26:2

Yachasqaykichikpi hinam iskay punchawmanta Pascua fiesta kanqa, hinaptinmi runapa Churin entregasqa kanqa chakatasqa kananpaq, nispa.

Marcos 14:1

Iskay punchawllañam Pascua fiestapaq otaq mana levadurayuq tanta mikunanku fiestapaq faltachkarqa. Llapa Sacerdotekunapa kamachiqninkunawan Diospa leynin yachachiqkunañataqmi Jesusta engañollawan hapiruspa wañurachinankupaq tanteanakurqaku.

Lucas 22:1

Mana levadurayuq tantata mikunanku fiestam otaq Pascua fiestam hichpamuchkarqaña.

Juan 12:1

Pascua fiestapaq soqta punchawllaña faltachkaptinmi Jesús rirqa Lazaropa yachasqan Betania llaqtaman. Paytam wañusqamantaña Jesús kawsarirachirqa.

Juan 13:1

Pascua fiestapa ñawpaqnintaraqmi Jesusqa yacharqaña kay pachamanta Taytanpa kasqanman kutinanta. Kay pachapi paypa kaqkunatam kuyarqa, tukupaykamam kuyarqa.

Juan 18:28

Caifaspa wasinmantam Jesusta pusarqaku gobernador Pilatopa pala-cionman. Achikyaramuptinmi judiokunaqa manaña palaciomanqa yaykurqakuchu. Chayman yaykuspaqa manañam Pascua carnerotaqa mikuyta atinmankuñachu karqa.

Juan 2:13

Judiokunapa Pascua fiestanku hichpamuptinmi, Jerusalenman Jesús rirqa.

Juan 2:6

Chaypim rumimanta ruwasqa soqta urpukuna kachkarqa, chayna urpu-kunapim judiokuna yakuta waqaychaq chuyanchakunankupaq. Sapa urpumanmi yaqa qanchis chunka litro yaku huntaq.

Juan 5:1

Chaykunapa qepantam, judiokunapa fiestan karqa, chaymi Jerusalenman Jesús rirqa.

Juan 6:4

Ñam judiokunapa Pascua fiestan hichpamuchkarqaña.

Hechos 21:24

Templomanyá paykunawan kuska rispayki costumbrenchikman hina chuyanchakamuychik, paykunapa gastonta pagaspayá chukchankuta rutuchimuy. Chaynapim lliw yachanqaku qanmanta tukuy ima rimasqankuqa mana cheqapchu kasqanta, aswanqa Moisespa leynin kasukusqaykita.

Hechos 21:26

Chaymi Pabloqa chay tawa runakunata pusarikuspan paqarinnintin punchaw chuyanchakurqaku, hinaspam temploman yaykurqa chuyanchakusqanku punchawkuna tukusqanta willakunanpaq, chaynataq haykapim ofrendankuta sapakama Diosman ofrecenankuta yachamunanpaq.

Hechos 24:18

Chayta ruwachkaptiymi Asia lawmanta hamuq judiokuna, templopi rikuruwarqaku. Chay ratopiqa costumbreykuman hinam chuyanchakuspay kachkarqani, ichaqa manam chaqwata ruwaspaychu nitaq achka runakunawanchu.

1~Corintios 11:28

Chaynaqa, sapakamayá sonqonta tapukuchun manaraq tantata mikuchkaspa hinaspa copamantapas manaraq tomachkaspa.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

1~Samuel 16:5

Samuelñataqmi nirqa: Arí, Tayta Diosman sacrificio qoqmi hamuchkani, chaynaqa qamkunapas chuyanchakuychik sacrificiota Diosman qonanchikpaq, nispa. Chaymantam Isaitawan churinkunata chuyancharuspa sacrificiota ofrecenankupaq qayarqa.