Juan 11:19 - CHUYA QELLQA La Biblia en Quechua de Ayacucho 2012

¹⁹ Chaymi achkaq judiokuna rirqaku Martapatawan Mariapata turinku wañukuptin llakis-qa kasqankumanta consuelamunankupaq.

Quechua Ayacucho Bible 1987

¹⁹ Chaymi achkaq judiokuna rirqa Martapatawan Mariapata consuelaq turinkumanta llakisqa kaptinku.

Chuya Qellqa 1992

¹⁹ Chaymi achkaq judiokuna rirqaku Martapatawan Mariapata turinku wañukuptin llakisqa kasqankumanta consuelamunankupaq.

Juan 11:19 Iomraidhean Croise

Génesis 37:35

Chaymi llapallan churinkuna consuelanankupaq asuykurqaku, ichaqa paymi consuelanankuta mana munaspan nirqa: Churiymantaqa wañukunaykamam llakikusaq, nispa. Chaynata nispanmi waqallarqa.

2~Samuel 10:2

Chaymi David nirqa: Nahaspa churin Hanuntaqa kuyapayarisaqyá imaynam taytanpas ñoqawan ruwasqanta hina, nispa. Chaymi taytanpa wañukusqanmanta Hanunta consuelananpaq serviqninkunata David kacharqa. Amonpa mirayninkunapa allpanman Davidpa serviqninkuna chayaruptinkum

1~Crónicas 10:12

llapallan allinnin qari-qari runakuna pasaspanku Saulpa chaynataq churinkunapa ayanta hurqoramuspanku Jabes llaqtaman apamurqaku, hinaspam tullunkunata Jabes llaqtapi kaq encina sachapa sikinpi pamparuspanku qanchis punchaw ayunarqaku.

Jobwan Sutichasqa Libro 2:11

Jobpam kimsa amigonkuna karqa: Temán llaqtayuq Elifaz, Súah llaqtayuq Bildad hinaspa Naamat llaqtayuq Zofar. Paykunam Jobpa sasachakuyninta yacharuspanku sonqonta tiyaykachinankupaq watukuq rirqaku.

Jobwan Sutichasqa Libro 42:11

Hinaptinmi paninkunapas, wawqenkunapas, lliw reqsiqninkunapas Jobta watukurqaku, hinaspam wasinpi convidota ruwaspanku paywan mikurqaku. Tayta Diospa sasachakuykuna qosqanmantapas llakipayaykuspankum sonqonta tiyachirqaku. Sapakamam qori-qollqetawan huk qori anillota qoykurqaku.

Eclesiastés 7:2

Convido wasiman rinamantaqa wañuchikuqpa wasinman riymi aswan allinqa, runakunapa tukupayninqa wañuymi chaytam kawsaqkunaqa yuyarinanku.

Isaías 51:19

Kay iskay sasachakuymi hayparamusunki: Guerrawan purmachisqa kaspa yarqaymanta ñakariy. ¿Pitaq llakipayasunkiman? ¿Pitaq hawkayayta qosunkiman?

Lamentaciones 1:16

Chayraykum waqachkani, paray mayum weqellaypas suturichkan, manam piniypas consuelawaqniy kanchu, manam kallpanchaqniypas kanchu. Enemigoykunam venceruwaspa wawaykunata lliw wañurachin.

Lamentaciones 1:2

Tutan tutanmi paray mayuta waqallachkan, weqenkunapas yaku hinam uyanta paqchaykuchkan. Kuyaqninkunamantapas manam hukllapas consuelaqnin kanchu, amistadninkunapas qepancharuspam enemigonña rikurirun.

Lamentaciones 1:21

Runakunam ñakakusqayta uyarinku, ichaqa manam pipas sonqollayta tiyaykachiq kanchu. Enemigoykunam ñakarisqayta yacharurqaku, chay ruwasqaykimantam paykuna kusikurqaku. Nisqayki punchawta chayachimuyña, ñoqa hina paykunapas ñakarinankupaq.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Lamentaciones 2:13

Jerusalén llaqta, ¿pitaq qampa rantikipi rimarinman? ¿Pimantaq rikchanachikiman sonqoykita tiyachinaypaq? Sión llaqta lamar qocha hina hatunmi llakikuynikiqa, ¿pitaq hampiykusunkiman?

Lucas 10:39

Martapa ñañanmi karqa María, paymi Jesuspa ñawpaqninpi tiyaykurqa rimasqanta uyarinanpaq.

Lucas 10:42

Hukllam ruwanaykiqa, ñañayki Mariaqa allin kaqtam akllakurun, chaytaqa manam pipas qechunqachu, nispa.

Juan 1:19

Kaynatam Juan willakurqa, Judio-kunapa kamachiqninkunam Jerusa-lenmanta sacerdotekunata hinaspa levitakunata kacharqaku: ¿Pitaq kanki? nispa Juanta tapumunankupaq.

Juan 11:1

Betania llaqtayuq Lázaro sutiyuq runam onqochkarqa, payqa yacharqa panin Mariawan hinaspa panin Martawanmi.

Juan 11:31

Consuelaqnin judiokunañataqmi María chaylla hatariruspan lloqsiramuptin qatimurqaku: “Sepulturatachiki waqaq richkan”, nispanku.

Juan 11:33

Jesusñataqmi Mariapa waqasqan-tawan chaynataq hamuqmasin judiokunapa waqasqanta qawaykuspan sonqonpi sinchita llakirikurqa.

Juan 11:36

Judiokunañataqmi ninakurqaku: Qawaychik maynatam kuyasqa, nispanku.

Juan 11:45

Mariawan riq achkaq judiokuna-ñataqmi Lazarota kawsarirachisqanta qawaykuspanku Jesusman iñikuykurqaku.

Juan 11:8

Discipulonkunañataqmi nirqaku: Yachachikuq, qayninpallataq llapa judiokunaqa rumiwan wañurachiyta munasurqanki, ¿chaychu kutiytaraq munachkanki? nispanku.

Romanos 12:15

Kusikuqkunawan kusikuychik, waqaq-kunawan waqaychik.

2~Corintios 1:4

Paymi tukuy sasachakuyninchikpi kallpanchawanchik, chaynapi ñoqanchikpas sasachakuypi kaqkunata Diospa kallpanchawasqanchikman hina kallpanchananchikpaq.

1~Tesalonicenses 4:18

Kay palabrakunawanyá kallpan-chanakuychik.

1~Tesalonicenses 5:11

Chaynaqa, kunan ruwasqaykichikpi hinayá kallpanchanakuychik hinaspa yanapanakuychik.

1~Samuel 31:13

Tullunku-natañataqmi Jabes llaqtapi huk sachapa sikinpi pamparurqaku, hinaspam qanchis punchaw ayunarqaku.