Juan 10:27 - CHUYA QELLQA La Biblia en Quechua de Ayacucho 2012

²⁷ Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Quechua Ayacucho Bible 1987

²⁷ Ovejaykunaqa vozniytam uyarin, ñoqapas paykunataqa reqsinim, chaymi paykunaqa qatiwanku.

Chuya Qellqa 1992

²⁷ Ovejaykunaqa vozniytam uyarin, ñoqapas paykunataqa reqsinim, chaymi paykunaqa qatiwanku.

Juan 10:27 Iomraidhean Croise

1~Reyes 18:21

Eliasmi llapa runakunaman asuykuspan nirqa: ¿Haykapikamataq iskayrayaspa kankichik? Sichum Tayta Dios cheqap Dios kaptinqa paytayá qatiychik, sichum Baal dios kaptinqa paytañayá qatiychik, nispa. Hinaptinmi runakunaqa mana imatapas rimarirqakuchu.

Isaías 66:22

Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Mateo 16:24

Chaymantam discipulonkunata nirqa: Pipas qatiwayta munaspaqa amaña kikillanpaq kawsaspayá cruzninta qepikuykuspa qatiwachun.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Mateo 25:12

Payñataqmi nimurqa: “Qamkunataqa manam reqsikichikchu”, nispa.

Mateo 7:23

Hinaptinmi nisaq: “Manam reqsikichikchu. ¡Mana allin ruwaqkuna, qayllaymanta anchuychik!”, nispay.

Marcos 10:21

Jesusñataqmi kuyakuywan qawarispan nirqa: Chaywanpas kayraqmi faltasunki: Kutispaykiyá tukuy kapuqnikita rantikaramuy hinaspa wakchakunaman qoykamuy, chaynapim hanaq pachapi kapuqniyuq kanki; hinaspaykiyá cruznikita qepikuykuspa qatiway, nispa.

Marcos 8:34

Chaymantam discipulonkunatawan runakunata qayaykuspan nirqa: Pipas qatiwayta munaspaqa, amaña kikillanpaq kawsaspayá cruzninta qepikuykuspa qatiwachun.

Lucas 13:27

Hinaptinmi payñataq nimusunkichik: “Manam reqsikichikchu, maylawcha kankichikpas, qayllaymanta asuychik mana allin ruwaqkuna”, nispa.

Lucas 9:23

Chaymantam llapallankutaña nirqa: Pipas qatiwayta munaspaqa, kikinpa munasqanman hina amaña kawsaspayá cruzninta qepikuykuspa qatiwachun.

Juan 10:14

Ñoqaqa allin michiqmi kani. Imaynam Taytay ñoqata reqsiwan chaynam ñoqapas Taytayta reqsini, ovejaykunatapas reqsinim, paykunapas reqsiwantaqmi. Ñoqaqa ovejakunaraykum vidayta qoni.

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 10:8

Ñoqamanta ñawpaqta hamuqkunaqa suwakunawan salteaqkunam karqaku, chaymi ovejakunaqa mana kasurqachu.

Juan 12:26

Pipas serviwayta munaspaqa qatiwachunyá, payqa ñoqapa kasqaypim kanqa, serviwaqniytaqa Taytaymi ancha reqsisqata ruwanqa.

Juan 21:22

Chaymi Jesusñataq nirqa: Munaptiyqa payqa kawsanmanmi kutimunaykamapas, ¿imataq qamtaqa qokusunki? Qatiway, nispa.

Juan 5:25

Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Juan 8:43

¿Imanasqataq rimasqaykunataqa mana entiendenkichikchu? Palabray-kunata mana uyariy munasqaykichikrayku.

Hechos 3:23

Pipas chay profetapa nisqanta mana kasukuqtaqa Diosmi llaqtanmanta pasaypaqta chinkachinqa”, nispa.

1~Corintios 8:3

Dios kuyaq runaqa Diospa reqsisqanmi.

Gálatas 4:9

Kunanmi ichaqa cheqap Diostaña reqsirunkichik otaqmi payña reqsirusunkichik, hinaptinqa, ¿imaynampimá kay pachapi ñawpaq yachachikuykuna kasukuqqa kutiriwaqchik? ¿Huktawanchu esclavo kayta munankichik?

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

Hebreos 3:7

Chaynaqa, imaynam chuya Espiritupa nisqanman hina: Sichum kunan, Diospa nisqanta uyarispaqa,

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.

Apocalipsis 3:20

Qawarimuway, ñoqaqa qayakuspaymi punkupi kachkani. Pipas qayakuyniyta uyarispan punkuta kichaykuwaptinqa yaykuspaymi paywan mikusaq, paypas ñoqawanmi mikunqa.