Juan 10:11 - CHUYA QELLQA La Biblia en Quechua de Ayacucho 2012

¹¹ Ñoqaqa allin michiqmi kani. Allin michiqqa ovejankunaraykum vidanta qon.

Quechua Ayacucho Bible 1987

¹¹ Ñoqaqa kani allin michiqmi. Allin michiqqa vidantam qon ovejankunarayku.

Chuya Qellqa 1992

¹¹ Ñoqaqa allin michiqmi kani. Allin michiqqa ovejankunaraykum vidanta qon.

Juan 10:11 Iomraidhean Croise

2~Samuel 24:17

Llaqta wañuchiq angelta rikuruspanmi Tayta Diosta David nirqa: ¡Ñoqam huchayuqqa kani! ¡Ñoqam kay mana allintaqa ruwaruni! ¿Ima huchayuqtaq kay runakunaqa? Chaynaqa, ruegakuykim ñoqatawan aylluykunata castigawanaykikupaq, nispa.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Ezequiel 34:2

Runapa churin, Israelpa michiqninkunapa contranpi ñoqa Tayta Diospa nisqayta kaynata niy: ¡Israelpa michiqninkuna, kikillaykichikta michikuqkuna, imallapiraq rikukunkichik! Michiqkunaqa ovejakunatam michinanku.

Ezequiel 34:23

Ñoqam ovejaykuna michiqta hatarichisaq, payñam ovejaykunata michinqa. Payqa serviqniy Davidmi, payñam michiqninku kaspa ovejaykunata nanachikunqa.

Ezequiel 37:24

Serviqniy Davidmi paykunapa reynin kanqa, payllaña llapankupa michiqnin kaptinmi decretoykunaman hina kawsaspa kamachikuyniykunata kasukunqaku.

Miqueas 5:4

Hinaptinmi chay rey hatarispan Tayta Diospa atiyninwan paykunata michinqa, paykunañataqmi hawka kawsakunqaku, Tukuy Atiyniyuq Tayta Dios kay pachapa patankama hatunchasqa kasqanrayku.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Juan 10:2

Punkun yaykuqmi ichaqa ovejakunapa michiqnin.

Juan 15:13

Pipas hatun kuyakuyniyuqqa amistadninkunapa rantinpi wañuqmi.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

1~Pedro 5:4

Chaynapim, michiqkunapa Kamachiqnin hamuptinqa, kancharichkaq mana tukuq coronata chaskinkichik.

1~Juan 3:16

Kaywanmi yachanchik imaynam kuyakuy kasqanta, Jesucristom vidanta qorqa ñoqanchikrayku, chaynam ñoqanchikpas runamasinchikrayku vidanchikta qonanchik.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.