Juan 10:10 - CHUYA QELLQA La Biblia en Quechua de Ayacucho 2012

¹⁰ Suwaqa hamun suwakuqmi, wañuchiqmi hinaspa purmachiqmi. Ñoqam ichaqa hamurqani kawsanaykichikpaq hinaspa kawsaypa huntasqan kanaykichikpaq.

Quechua Ayacucho Bible 1987

¹⁰ —Suwaqa yaykun suwakuruspa wañurachinallanpaqmi hinaspa purmachinanpaqmi. Ñoqam ichaqa hamurqani kawsanaykichikpaq hinaspa kawsaywan huntasqa kanaykichikpaq.

Chuya Qellqa 1992

¹⁰ Suwaqa hamun suwakuqmi, wañuchiqmi hinaspa purmachiqmi. Ñoqam ichaqa hamurqani kawsanaykichikpaq hinaspa kawsaypa huntasqan kanaykichikpaq.

Juan 10:10 Iomraidhean Croise

Isaías 56:11

Paykunaqa mikuspapas mana saksaq allqokunam, mana imatapas musyaq michiqkunam; sapakama munasqankuman hina kawsaqkunam, kikillankupaq chaskikuy munaqkunam.

Oseas 7:1

Israelta hampichkaptiymi Efrainpa chaynataq Samariapa mana allin ruwasqankuna rikuriramun. Paykunaqa llapallankum llullakuspa suwakunku, punchawpacham wasikunaman suwakuq yaykunku, callepi purikuqkunatam imantapas suwanku.

Mateo 18:10

Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku.

Mateo 18:11

[Runapa Churinqa chinkasqakunata salvaqmi hamurqa]

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Mateo 21:13

Hinaspam nirqa: Chuya Qellqapim nichkan: “Temployqa mañakuna wasiwan sutichasqam kanqa”, nispa; qamkunam ichaqa suwakunapa machayninta hinaña ruwarunkichik, nispa.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Marcos 11:17

Chaypim Jesús kaynata yachachirqa: ¿Manachu Qellqapi nichkan: “Wasiyqa llapallan nacionkunapaqmi mañakuwananku wasiwan sutichasqa kanqa”, nispa? Qamkunam ichaqa suwakunapa machayninta hinaña ruwarunkichik.

Lucas 19:10

Runapa Churinqa chinkasqakunata maskaspa salvaqmi hamurqa, nispa.

Juan 10:1

Cheqaptapunim nikichik: Pipas ovejapa corralninman mana punkunta yaykuspa huklawnin yaykuqqa suwam hinaspa salteaqmi.

Juan 10:11

Ñoqaqa allin michiqmi kani. Allin michiqqa ovejankunaraykum vidanta qon.

Juan 12:47

Pipas palabraykunata uyarispan mana kasukuqtaqa manam ñoqachu juzgasaq, ñoqaqa hamurqani manam runakunata juzganaypaqchu, aswanqa salvanaypaqmi.

Juan 12:6

Judasqa chaynataqa nirqa manam wakchakunata llakipayasqanraykuchu, aswanqa suwa kaspanmi, paymi qollqe waqaychaq karqa, hinaspanmi qollqe qosqankumanta hurqokuq.

Juan 3:17

Diosqa manam churintaqa kay pachamanqa kachamurqa runakunata condenananpaqchu, aswanqa salvananpaqmi.

Juan 5:40

Chaywanpas wiñay kawsayniyuq kanaykichikpaqqa manam ñoqaman hamuyta munankichikchu.

Juan 6:33

Diospa qosqan tantanqa hanaq pachamanta uraykamuqmi, chay tantaqa runakunamanmi kawsayta qon, nispa.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Romanos 2:21

Chaynaqa, wakinkunata yacha-chichkaspaykiqa, ¿imanasqataq kiki-kitaqa mana yachachikunkichu? “Amam suwakunkichu” nichkaspaykiqa, ¿imanasqataq suwakunki?

1~Timoteo 1:15

Kay palabraqa cheqapmi, lliwmi chaskispa iñinanchik, Jesucristom kay pachaman hamurqa huchasapakuna salvananpaq, paykunamantaqa aswan huchallikuqmi kani.

Hebreos 6:17

Chaynapunim Diospas tanteasqanmanta qepamanqa mana kutinmanchu. Chayraykum prometesqankunataqa herencia qosqan chaskiqkunaman juraspan cheqap kasqanta qawachirqa.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

2~Pedro 1:11

Chaynapim Diosninchikqa hatun kuyakuywan chaskisunkichik Salvakuq Señorninchik Jesucristopa wiña-wiñaypaq munaychakuyninpi.