Juan 1:49 - CHUYA QELLQA La Biblia en Quechua de Ayacucho 2012

⁴⁹ Chaymi Natanaelñataq nirqa: Yachachikuq, qamqa Diospa Churinmi kanki, Israel runakunapa reyninmi kanki, nispa.

Quechua Ayacucho Bible 1987

⁴⁹ Chaymi Natanael nirqa: —Yachachikuq, qamqa kanki Diospa Churinmi, qamqa kanki Israel runakunapa reyninmi —nispa.

Chuya Qellqa 1992

⁴⁹ Chaymi Natanaelñataq nirqa: Yachachikuq, qamqa Diospa Churinmi kanki, Israel runakunapa reyninmi kanki, nispa.

Juan 1:49 Iomraidhean Croise

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Sofonías 3:15

Tayta Diosmi castigasunaykipaq rimarisqanta suchurachin, enemigoykikunatam qarqorun. Israel llaqta, reyniki Tayta Diosmi chawpikipi tarikun, manañam imamantapas manchakunkiñachu.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Mateo 14:33

Chaymi barcapi kaqkuna, Jesuspa ñawpaqninpi qonqoraspanku nirqaku: ¡Cheqaptapunim qamqa Diospa Churin kasqanki! nispanku.

Mateo 2:2

kaynata tapukurqaku: ¿Maypitaq kachkan judiokunapa reynin nacemuq? Intipa qespimunan lawpim chaskanta rikumurqaniku, chaymi payta hatunchanaykupaq hamurqaniku, nispanku.

Mateo 21:5

Paymi kaynata qellqarqa: Sión llaqtata niychik: “Reynikim qanman hamuchkan, asnopi silladam humildella hamuchkan, carga asnopa wawanpi silladam hamuchkan”, nispaykichik.

Mateo 23:7

Plazakunapipas hatun respetowan rimaykuspa “ya-chachikuq” ninankutaraqmi munanku.

Mateo 23:8

Qamkunaqa amayá “yachachikuq” nispaqa sutichachikuychikchu. Qamkunaqa wawqentin hinallam kankichik, hukllataqmi Yachachiqnikichikpas.

Mateo 27:11

Jesustam gobernador Pilatopa qay-llanman pusarurqaku, hinaptinmi ta-purqa: ¿Qamchu kachkanki judiokunapa Rey-nin? nispa. Chaymi Jesusñataq nirqa: Qanmi nirunki, nispa.

Mateo 27:42

Wakinkunatam librarqa kikinmi ichaqa mana librakuyta atinchu. Israelpa Reynin kaspaqa cruzmanta uraykamuchun, chayta qawaspa paypi iñinanchikpaq.

Mateo 4:3

Hinaptinmi diabloñataq Jesusta tentananpaq asuykuspan nirqa: Sichum Diospa Churin kaspaykiqa kay rumikunatayá kamachiy tantayarunanpaq, nispan.

Marcos 15:32

¡Israelpa reynin Cristo kaspaqa kunanyá cruzmanta uraykamuchun, chayta qawaspa iñinanchikpaq! nispanku. Jesuswan kuska chakatasqa kaqkunapunipas kamirqakum.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Lucas 19:38

kaynata nirqaku: ¡Señorpa sutinpi hamuq Reyqa qapaqchasqayá kachun! ¡Hanaq pachapi hawkayay kachun! ¡Alto-altopiyá hatunchay kachun! nispanku.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 1:34

Kunanqa rikuykuniñam, chayraykum Diospa Churin kasqanta willakuni, nispa.

Juan 1:38

Jesusñataqmi muyuriykuspan, paykuna qatimusqanta qawarispan kaynata nirqa: ¿Imatataq maskachkankichik? nispa. Paykunañataqmi nirqaku: Yachachikuq, ¿maypitaq yachanki? nispanku.

Juan 1:50

Jesusñataqmi nirqa: ¿Higospa sikinpim rikurqayki nisqayraykuchu creerunki? Chaymantapas aswan mas hatun kaqkunataraqmi rikunki.

Juan 18:37

Hinaptinmi Pilato nirqa: Chaynaqa, ¿qamchu rey kachkanki? nispa. Jesusñataqmi nirqa: Qanmi rey kasqaytaqa nichkanki. Chay-paqmi ñoqaqa nacerqani, chaypaqtaqmi kay pachamanpas hamurqani, chaynapi cheqapmanta rimanaypaq. Cheqap kasukuqkunaqa nisqaykunatam uyarin, nispa.

Juan 4:31

Chay-kamam discipulonkunañataq Jesusta ruegarqaku: Yachachikuq mikuykuy, nispanku.