Juan 1:45 - CHUYA QELLQA La Biblia en Quechua de Ayacucho 2012

⁴⁵ Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Quechua Ayacucho Bible 1987

⁴⁵ Felipem Natanaelta maskamuspan nirqa: —Tariramunikum huk runata, paymantam Moisespas chaynataq Diosmanta willakuqkunapas qellqarqa. Payqariki Joseypa churin Nazaret llaqtayoq Jesusmi —nispa.

Chuya Qellqa 1992

⁴⁵ Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Juan 1:45 Iomraidhean Croise

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 53:2

Serviqninmi chaki allpapi sapichakuq plantapa ikllipan hina Diospa qayllanpi wiñanqa. Rikchayninpas sumaq kayninpas manam kuyayllapaqñachu karqa, qawariptinchikqa rikchayninpas manam munayllapaqñachu karqa, chaynapi kuyananchikpaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Zacarías 6:12

Hinaspam Josueyta ninki, Tukuy Atiyniyuq Tayta Diosmi kaynata nin: Kaymi chay “Ikllirimuq” nispa sutichasqa runa, paymi sapinmanta ikllimuspan Tayta Diospa templonta musoqmanta hatarichinqa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Mateo 10:3

Felipe, Bartolomé, Tomás, impuesto cobraq Mateo, Alfeopa churin Jacobo, Tadeo;

Mateo 13:55

¿Manachum kay runaqa carpinteropa churin hinaspa Mariapa wawan? ¿Manachum wawqenkunapas Jacobo, José, Simón hinaspa Judas?

Mateo 2:23

Chayman chayaruspanmi Nazaret llaqtapi yacharqa. Chaynapi profetakunapa “Nazaret llaqtayuqwanmi sutichanqaku” nisqanku cumplikunanpaq.

Mateo 21:11

Hinaptinmi runakunañataq nirqaku: Payqa Galilea law Nazaret llaqtayuq profeta Jesusmi, nispanku.

Marcos 14:67

hinaspanmi nirqa: Qampas Nazaretmanta kaq Jesuswan puriqmi kachkanki, nispan.

Marcos 6:3

¿Manachum kay runaqa Mariapa wawan carpintero? ¿Manachum wawqenkunapas Jacobowan, José, Judas hinaspa Simón? ¿Manachum paninkunapas ñoqanchikwan kachkanku? nispanku. Chaynata nispankum Jesusta mana kaqpaqpas hapirqakuchu.

Lucas 18:37

Chaymi Nazaretmanta kaq Jesuspa chayninta pasasqanta willaykurqaku.

Lucas 2:4

Chaymi Davidpa mirayninmanta kaq Joseypas rirqa Galilea lawpi Nazaret llaqtamanta Judea lawpi Belén llaqtaman. Chay llaqtatam “Davidpa Llaqtan” nispa suticharqaku.

Lucas 2:48

Tayta-mamanñataqmi tariruspanku admirakurqaku. Chaymi maman nirqa: Wawalláy, ¿imanasqataq kayta ruwa-ruwankiku? Taytaykiwan ñoqam llakis-qallaña maskamuchkaykiku, nispa.

Lucas 24:27

Hinaspam Moisespa qellqasqan-manta qallarispa profetakunapa qellqasqankama, paymanta llapallan Qellqapa nisqanta paykunaman entien-dechirqa.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Lucas 3:23

Jesusqa yaqa kimsa chunka watanpiña kachkaspanmi ministerionta qallaykurqa. Runakunapa qawasqanman hinaqa Joseypa churinmi karqa. Joseymi karqa Eliypa churin.

Lucas 4:22

Jesusmanta allinta rimaspankum sumaqllaña yachachikuyninkunata uyarispanku admirasqallaña karqaku, hinaspam ninakurqaku: ¿Payqa manachum Joseypa churin? nispanku.

Juan 1:44

Felipeqa karqa Betsaida llaqtayuqmi, hina chay llaqtayuqtaqmi karqaku Andreswan Pedropas.

Juan 12:21

Paykunam Felipeman asuykurqaku, Felipeqa yacharqa Galilea lawpi Betsaida llaqtapim. Paytam ruegakurqaku: Señor, reqsiykuytam munaniku Jesusta, nispanku.

Juan 14:8

Felipeñataqmi nirqa: Señorlláy, Taytata qawaykachiwaptikikuqa chayllapaqñam kaniku, nispa.

Juan 18:5

Paykunañataqmi nirqaku: Nazaretmanta kaq Jesustam, nispanku. Jesusñataqmi nirqa: Ñoqam kani, nispa. Traicionaqnin Judaspas paykunawanmi kachkarqa.

Juan 18:7

Jesusmi musoqmanta tapurqa: ¿Pitataq maskachkankichik? nispa. Paykunañataqmi nirqaku: Nazaretmanta kaq Jesustam, nispanku.

Juan 19:19

Pilatom cruzpa umanpi qellqachirqa: “JUDIOKUNAPA REYNIN NAZARETMANTA KAQ JESÚS” niqta.

Juan 21:2

Simón Pedrowanmi kachkarqa mellizowan sutichasqa Tomás, Galilea law Caná llaqtayuq Natanael, Zebedeopa churinkuna hinaspa iskay discipulonkunapas.

Juan 6:42

¿Manachum kay Jesusqa Joseypa churin? Tayta-mamantapas reqsinchikmi, ¿imaynamá hanaq pachamantam uraykamurqani nichkanqa? nispanku.

Juan 6:5

Achkallaña runakuna qatimusqanta qawarispanmi Felipeta nirqa: ¿Maymantataq kaynaña runapaqqa mikuyta rantimusun? nispa.

Juan 6:7

Chaymi Jesusta Felipe nirqa: Iskay pachak jornalpa chanin tantapas manachá haypanmanchu sapakama asninkallaña mikuptinkupas, nispa.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Hechos 22:8

Chaymi ta-purqani: “¿Pitaq kanki Señor?”, nispay. Hinaptinmi nimuwarqa: “Ñoqaqa qatikachasqayki Nazaretmanta kaq Jesusmi kani”, nispan.

Hechos 26:9

Ñawpaqtaqa kikiypunim piensar-qani Nazaretmanta kaq Jesuspa contranpi tukuy mana allinkuna ruwayta.

Hechos 3:6

Pedroñataqmi nirqa: Manam kanchu qoriypas nitaq qollqeypas, aswanqa kapuqllaytam qosqayki: Nazaretmanta kaq Jesucristopa sutinpiyá hatarispayki puriy, nispa.