Juan 1:38 - CHUYA QELLQA La Biblia en Quechua de Ayacucho 2012

³⁸ Jesusñataqmi muyuriykuspan, paykuna qatimusqanta qawarispan kaynata nirqa: ¿Imatataq maskachkankichik? nispa. Paykunañataqmi nirqaku: Yachachikuq, ¿maypitaq yachanki? nispanku.

Quechua Ayacucho Bible 1987

³⁸ Jesus qepanta qawariykuptinmi paykuna hamuchkasqa, paykunatam Jesus nirqa: —¿Imatataq munankichik? —nispa. Paykunañataqmi nirqa: —Yachachikuq ¿maypitaq *f**yachanki? —nispa.

Chuya Qellqa 1992

³⁸ Jesusñataqmi muyuriykuspan, paykuna qatimusqanta qawarispan kaynata nirqa: ¿Imatataq maskachkankichik? nispa. Paykunañataqmi nirqaku: Yachachikuq ¿maypitaq yachanki? nispanku.

Juan 1:38 Iomraidhean Croise

1~Reyes 10:8

¡Mayna kusisqam warmikikunaqa chaynataq ñawpaqnikipi tukuy tiempo yachayniki uyariq serviqnikikunaqa!

Proverbios 13:20

Yachayniyuqkunawan hukllawakuqqa yachayniyuqmi kanqa, mana yachayniyuqkunawan hukllawakuqmi ichaqa sasachakuypi tarikunqa.

Proverbios 3:18

Yachayqa kawsaymi pipas tariruqninpaqqa. ¡Mayna kusisqam tariruspa waqaychaqkunaqa!

Proverbios 8:34

Mayna kusisqam kanqa uyariwaqniy runaqa, wasiy punkukunapi sapa punchaw rikchan-rikchanlla maskawaqniy runaqa.

Lamentaciones 5:19

Dios Taytalláy, qanmi ichaqa wiñaypaq munaychakunki, munaychakuynikiqa wiña-wiñaypaqmi takyanqa.

Lucas 10:39

Martapa ñañanmi karqa María, paymi Jesuspa ñawpaqninpi tiyaykurqa rimasqanta uyarinanpaq.

Lucas 14:25

Achkallaña runakuna Jesuswan riptinmi paykuna lawman muyuriykuspan nirqa:

Lucas 15:20

Hinaspanmi hatarispan taytanpa kasqanman kutirqa. Taytanñataqmi karullataraq hamuchkaqta rikuruspan sinchita paymanta llakirikuspan chaskiqnin kallparqa, hinaspam muchaykuspan abrazaykurqa.

Lucas 19:5

Jesusñataqmi chay sitioman chayaruspan altota qawarispan Zaqueota nirqa: Zaqueo, chaylla uraykamuy, wasikipim kunan samasaq, nispa.

Lucas 22:61

Chaymi Jesusñataq muyuriykuspan Pedrota qawariykurqa, Pedroñataqmi Señorpa kayna nisqanta yuyarirurqa, paymi nirqa: “Kunanpunim manaraqpas utulu waqachkaptin reqsiwasqaykita kimsa kutikama negawanki” nispa.

Lucas 8:38

Demoniopa huntasqanmanta sanoyaruq runam Jesusta ruegarqa payta qatinanpaq, ichaqa Jesusmi mana munaspan kaynata nispan aviarurqa:

Juan 1:37

Chaymi Juanpa iskay discipulonkuna chayta uyariykuspanku Jesusta qatikurqaku.

Juan 1:39

Hinaptinmi Jesusñataq nirqa: Hakuchik qawamunaykichikpaq, nispa. Chaymi rispanku Jesuspa maypim yachasqanta qawamurqaku, hinaspankum tawa hora tardeykuyña kasqanrayku paywan chay punchaw qeparqaku.

Juan 1:49

Chaymi Natanaelñataq nirqa: Yachachikuq, qamqa Diospa Churinmi kanki, Israel runakunapa reyninmi kanki, nispa.

Juan 12:21

Paykunam Felipeman asuykurqaku, Felipeqa yacharqa Galilea lawpi Betsaida llaqtapim. Paytam ruegakurqaku: Señor, reqsiykuytam munaniku Jesusta, nispanku.

Juan 18:4

Jesusqa yacharqañam tukuy ima pasananta chaymi asuykuspa tapurqa: ¿Pitataq maskachkankichik? nispa.

Juan 18:7

Jesusmi musoqmanta tapurqa: ¿Pitataq maskachkankichik? nispa. Paykunañataqmi nirqaku: Nazaretmanta kaq Jesustam, nispanku.

Juan 3:2

Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Juan 3:26

Chaymi Juanman rispa nirqaku: Yachachikuq, Jordán mayupa wak-lawninpi qanwan kaq runapas bautizachkanmi, hinaptinmi llapa runakuna payman richkanku. Paymantaqa allintam willakurqanki, nispanku.

Juan 4:31

Chay-kamam discipulonkunañataq Jesusta ruegarqaku: Yachachikuq mikuykuy, nispanku.

Juan 6:25

Chimparuspankum Jesusta lamar qochapa waklaw patanpi tarirurqaku, hinaspam nirqaku: Yachachikuq, ¿haykapitaq kayman hamurqanki? nispanku.

Hechos 10:21

Chaymi Corneliopa runankunaman uraykuspan Pedro nirqa: Ñoqam kani maskasqaykichikqa. ¿Imamantaq hamurqankichik? nispa.

Hechos 10:29

Chayraykum qayarachimuwaptikichik mana iskayrayaspay chaypunilla pasamurqani. Chaynaqa, yachaykuytam munani, ¿imapaqtaq qayachimuwarqankichik? nispa.

Rutwan Sutichasqa Libro 1:16

Rutmi ichaqa nirqa: Ama ruegawaychu qanmanta rakikuspa kutikunaypaqqa. Maymi risqaykimanmi ñoqapas risaq, maymi yachasqaykipim yachasaq, llaqtaykim kanqa llaqtay, Diosnikim kanqa Diosniy.