Juan 1:14 - CHUYA QELLQA La Biblia en Quechua de Ayacucho 2012

¹⁴ Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Quechua Ayacucho Bible 1987

¹⁴ Chay Simim runayaruspan *f**yacharqa ñoqanchikwan Diospa cheqap kuyakuyninta qawachiwaspanchik. Qawarqanikum achkiynintapas, paymi qawachiwarqaku Taytapa sapallan Churin kasqanta.

Chuya Qellqa 1992

¹⁴ Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 1:14 Iomraidhean Croise

Isaías 40:5

Hinaptinmi atiyninta Tayta Dios qawachikunqa, llapallan runakunam chayta rikunqaku”. Tayta Diosmi chaynata nin.

Isaías 53:2

Serviqninmi chaki allpapi sapichakuq plantapa ikllipan hina Diospa qayllanpi wiñanqa. Rikchayninpas sumaq kayninpas manam kuyayllapaqñachu karqa, qawariptinchikqa rikchayninpas manam munayllapaqñachu karqa, chaynapi kuyananchikpaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Ezequiel 37:27

Chaynapim paykunawan yachaspa Diosninku kasaq, paykunañataqmi llaqtay kanqaku.

Mateo 1:16

Jacobpa churinmi karqa Mariapa qosan José, Mariam karqa Cristowan sutichasqa Jesuspa maman.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Lucas 2:7

hinaptinmi piwi qari wawanta wachakururqa, hinaspanmi pañalkunawan maytuykuspan animalman qarana artesapi siriykachirqa. Chaynataqa ruwarqa samapakuna wasipi manaña sitio kasqanraykum.

Lucas 9:32

Pedrowan riqmasinkunañataqmi puñuymanta kachkaspankupas rikcharqaku, hinaspam Jesuspa achkiriynintawan chay iskay runakunata rikurqaku.

Juan 1:1

Tukuy imapa qallariyninpiqa Simiqa karqañam, chay Simiqa Dioswanmi karqa, chay Simiqa Diosmi.

Juan 11:40

Jesusñataqmi nirqa: ¿Manachu nirqayki: “Creespaykiqa rikunkim Diospa atiyninta”, nispay?

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 14:9

Jesusñataqmi nirqa: Felipe, unayñam qamkunawanqa kachkani. ¿Manaraqchu reqsiwanki? Ñoqata rikuwaqniyqa Taytatapas rikuykunñam. ¿Imanasqamá niwanki “Taytata rikuykachiwayku”, nispaykiqa?

Juan 17:22

Hatunchawasqaykiman hi-nam ñoqapas paykunata hatuncharqani, chaynapi qanwan huklla kasqanchikpi hina paykunapas huklla kanankupaq.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Juan 18:37

Hinaptinmi Pilato nirqa: Chaynaqa, ¿qamchu rey kachkanki? nispa. Jesusñataqmi nirqa: Qanmi rey kasqaytaqa nichkanki. Chay-paqmi ñoqaqa nacerqani, chaypaqtaqmi kay pachamanpas hamurqani, chaynapi cheqapmanta rimanaypaq. Cheqap kasukuqkunaqa nisqaykunatam uyarin, nispa.

Juan 2:11

Kay punta kaq milagrotam Jesús ruwarqa Galilea law Caná llaqtapi. Chaywanmi atiyninta qawachikurqa, hinaptinmi discipulonkuna paypi creerqaku.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Juan 3:18

Diospa Churinpi iñiqqa manam condenasqachu kanqa, mana iñiqmi ichaqa Diospa sapallan Churinpi mana iñisqanrayku condenasqaña kachkan.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Juan 8:32

hinaspam cheqap kaqta reqsinkichik, chay cheqapmi libreta ruwasunkichik, nispa.

Hechos 13:33

Ñoqanchik paykunapa miraynin kaptinchikmi prometewasqanchikman hina Jesusta Dios kawsarirachimurqa, iskay kaq Salmopipas kaynam qellqasqa kachkan: “Qamqa Churiymi kanki, ñoqam churyaqniki kani” niq.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.

Romanos 9:5

Paykunaqa ñawpa taytanchikkunapa mirayninmi, paykunapa mirayninmantam Cristopas runa kayninpi nacemurqa, Cristoqa Tukuy imapa hawanpi munaychakuq Diosmi. ¡Wiña-wiñaypaq yupaychasqayá kachun! Amén.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

2~Corintios 12:9

Hinaptinmi Señor niwarqa: Kuyakuyniypiyá contentakuy, atiyniyqa mana kallpayuq runakunapim qawachikun, nispa. Chaymi mana kallpayuq kasqaymanta kusikuywan alabakuni, chaynapi Cristopa atiynin ñoqapi takyananpaq.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Colosenses 1:19

Dios Taytam munarqa paypi tukuy ima tarikuq Cristopi kananta.

Colosenses 2:3

Payllapim pakasqa kachkan qori-qollqe hina tukuy yachayniyuq hinaspa yuyayniyuq kaypas.

Colosenses 2:9

Diospa pim kayninqa Cristopa runa kayninpim kachkan.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

Hebreos 1:5

¿Mayqannin angeltataq Diosqa nirqa: Qanmi Churiy kanki, kunanmi ñoqa Taytayki kani, nispa? Nirqataqmi: Ñoqam paypaq Taytan kasaq. Payña-taqmi ñoqapaq Churiy kanqa, nispapas.

Hebreos 10:5

Chayraykum kay pachaman Cristo hamuspan Diosta nirqa: “Sacrificiotawan ofrendataqa manam munarqankichu, aswanqa huk cuerpotam qoykuwarqanki.

Hebreos 2:11

Diosllapaqña runakunata sapaqchaq Jesuspas chaynataq sapaqchasqan runakunapas Diospa churillanmi kanku. Chayraykum Diospa Churin Jesuspas mana penqakunchu sapaqchasqankunataqa “wawqeykuna” niyta.

Hebreos 5:5

Cristopas manam kikillanchu Sumo sacerdote kananpaq churakururqa aswanqa Diosmi nirqa: “Qanmi Churiy kanki, kunanmi ñoqa taytayki kani”, nispa.

1~Juan 4:14

Ñoqaykum rikurqaniku hinaspam willakuniku, Dios Taytam Churinta kachamurqa runakunata salvananpaq.

1~Juan 4:9

Dios-ninchikmi sapallan Churinta kay pachaman kachamurqa payrayku wiñay kawsayniyuq kananchikpaq, chaynatam Diosninchikqa kuyawasqanchikta qawachiwarqanchik.

2~Juan 1:7

Achkaq pantachikuqkunam kay pachapi purichkanku, paykunaqa Jesucristopa runa kayninpi hamusqantapas negankum, chayna yachachiqkunaqa pantachikuqmi hinaspa anticristom.

Apocalipsis 19:13

Payqa yawarwan chapusqa pachayuqmi kachkasqa, sutinñataqmi kasqa “Diospa Simin” niq.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.