Josué 9:1 - CHUYA QELLQA La Biblia en Quechua de Ayacucho 2012

¹ Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.

Quechua Ayacucho Bible 1987

¹ Jordan Mayupa kaylaw chimpanpi *f**yachaq llapallan reykunam chay guerrakunamanta uyarirurqaku. Chay reykunam karqaku orqo lawpi *f**yachaqkuna, waqtakunapi yachaqkuna, Mediterraneo sutiyoq hatun lamar qochapa patanpi yachaqkuna chaynataq Libano Orqo lawkama yachaqkuna. Paykunamá karqa Het casta runakuna, Amor casta runakuna, Canaan casta runakuna, Ferez casta runakuna, Hiv casta runakuna chaynataq Jebus casta runakuna.

Chuya Qellqa 1992

¹ Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.

Josué 9:1 Iomraidhean Croise

2~Samuel 24:7

Chaymantam Tiro llaqtapa cerconkunakama, Hev lawkama chaynataq Canaán lawkama rirqaku, hinaspam Neguev lawpi Judá ayllukunapa allpanpi Beerseba llaqtakama chayarurqaku.

Éxodo 23:23

Angelniymi puntaykita rispa amorreokunapa, heteokunapa, ferezeokunapa, cananeokunapa, hititakunapa hinaspa jebuseokunapa kasqanman pusasunki. Paykunataqa ñoqam puchukachisaq.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 34:11

Kunan kamachisqayta kasukuychik, ñoqam ñawpaqnikichikmanta wischusaq amorreokunata, cananeokunata, heteokunata, ferezeokunata, heveokunata hinaspa jebuseokunata.

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Números 34:6

Intipa seqaykunan lawmanñataqmi Mediterráneo lamar qochakama chayanqa.

Deuteronomio 1:7

Chaynaqa, muyurispa riychik amorreokunapa yachanan orqokunaman, Arabá lawkunaman, orqokunaman, qechwakunaman, Neguev lawman, lamar qocha lawman, cananeokunapa yachanan lawman, Líbano lawman hinaspa Eufrates hatun mayuman chayanaykichikkama.

Deuteronomio 3:25

Ama hina kaspayá Jordán mayuta chimparachiway, chay sumaq allpata, orqokunata hinaspa Líbano monteta qawaykunaypaq”, nispa.

Deuteronomio 4:49

hinaspa Jordán mayupa chimpan intipa qespimunan lawpi kaq Pisga orqopa sikinpi Arabá lamar qochakamam otaq Puchqo lamar qochakamam karqa.

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Josué 1:15

chaynapi imaynam qamkunaman qosusqaykichikta hina paykunamanpas hawkayayta Tayta Dios qoptin, Diospa qosqan allpata hapinankupaq. Chayñam Jordán mayupa kaylawninpi, intipa qespimunan lawpi allpaykichikman kutimuspa munaychakunkichik. Chay allpatam Tayta Diospa serviqnin Moisés qosurqankichik, nispa.

Josué 1:4

Allpaykichikmi kanqa sur lawpi chunniqmanta qallarispa norte lawman Líbano lawpi orqonkunakama, intipa qespimunan lawpi hatun Eufrates mayumanta qallarispa intipa seqaykunan lawpi Mediterráneo lamar qochakama. Qoykichiktaqmi Het castakunapa allpantapas.

Josué 10:23

Chaynata ruwaspankum machaymanta hurqomurqaku: Jerusalenpa, Hebronpa, Jarmutpa, Laquispa chaynataq Eglonpa reyninkunata.

Josué 11:17

Seir lawman riq Halac orqomanta Hermón orqopa uraynin Líbano law pampapi Baal-gad llaqtakamam Josué venceruspan reyninkunatapas wañurachirqa.

Josué 13:5

Puchuchkanraqmi giblitakunapa allpanpas chaynataq intipa qespimunan lawpi Líbano orqopi allpakunapas, Hermón orqopa patanpi kaq Baal-gadmanta qallarispa Hamatpa hichpankama.

Josué 15:12

Intipa seqaykunan lawmanñataqmi Mediterráneo lamar qochapi tukurqa. Kaykunam karqa Judá ayllupa allpankupa linderonkuna, chaytam ayllunkupi haykam kasqankuman hina partenakurqaku.

Josué 22:4

Kayqaya Tayta Diosqa prometesqanman hina wakin aylluykichikmanpas hawkayayta qoykunña. Kunanqa Jordán mayupa intipa qespimunan lawninpi, Tayta Diospa serviqnin Moisespa qosusqaykichik allpaykichikman chaynataq carpaykichikmanñayá kutikuychik.

Josué 22:7

Manasespa wakin ayllumanmi Basán lawpi allpata Moisés qorqa; wakiqninkumanñataqmi Josué qorqa, Jordán mayupa intipa seqaykunan lawninpi. Paykunatapas bendeciykuspanmi wasinkuman aviaspan

Josué 23:4

Ñoqam sorteaspay kay allpakunata sapa ayllukunaman qorqaykichik. Manam vencesqanchik kaqkunallatachu qorqaykichikqa aswanqa manaraq vencesqanchik kaqkunatawanmi, Jordán mayumanta qallarispa intipa seqaykunan lawpi Mediterráneo lamar qochakama.

Josué 24:11

Chaymantam Jordán mayuta chimpamuspa Jericó llaqtaman chayamurqankichik. Hinaptinmi chay llaqtapi yachaq amorreokuna, ferezeokuna, cananeokuna, heteokuna, gergeseokuna, heveokuna chaynataq jebuseokunapas qamkunawan pelearqaku. Ñoqam ichaqa paykunata makikichikman churarqani.

Josué 3:10

Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

Josué 3:17

Tayta Diospa Arcanta apaq sacerdotekunañataqmi, Jordán mayupa chawpinpi, chaki allpapi hina sayarqaku, Israelpa mirayninkuna mayuta chimpay tukunankukama.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Josué 6:27

Tayta Dios yanapasqanraykum Josueyqa tukuy hinastinpi ancha reqsisqa karqa.

Josué 9:7

Israelpa mirayninkunam ichaqa chay heveokunata nirqaku: Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.