Josué 8:33 - CHUYA QELLQA La Biblia en Quechua de Ayacucho 2012

³³ Israelpa mirayninkunañataqmi, paykunawan yachaq huklaw llaqtayuqkunawan, ancianokunawan, juezkunawan, kamachikuqkunawan kuska, Tayta Diospa Arcanpa kaylawninpi waklawninpi sayarqaku, Diospa Arcan apaq sacerdotekunapa ñawpaqninpi. Wakinmi Gerizim orqo lawman sayarqaku, wakinñataqmi Ebal orqo lawman. Chaykunatam ruwarqaku Tayta Diospa serviqnin Moisespa kamachisqanman hina. Chaypim sacer-dotekuna Israelpa mirayninkunata chayllaraq bendecirqaku.

Quechua Ayacucho Bible 1987

³³ Israel casta llapallan runakunam sayarurqaku baulpa kaylaw-waklawninpi otaq Tayta Diospa contrato baulnin apaq Leviy casta sacerdotekunapa ñawpaqninpi. Chaypitaqmi sayachkarqaku ancianokunapas, kamachikuqkunapas, juezkunapas chaynataq forasterokunapas. Wakinmi sayarqaku Gerezim Moqo lawpi, wakinñataqmi sayarqa Ebal Moqo lawpi, chaynataqa rurarqaku Tayta Diospa serviqnin Moises ñawpaqmantaraq kamachisqanpi hinam chaynapi Israel runakunapaq Diospa bendicioninta mañakunankupaq.

Chuya Qellqa 1992

³³ Israelpa mirayninkunañataqmi, paykunawan yachaq huklaw llaqtayuqkunawan, ancianokunawan, juezkunawan, kamachikuqkunawan kuska, Tayta Diospa Arcanpa kaylawninpi waklawninpi sayarqaku, Diospa Arcan apaq sacerdotekunapa ñawpaqninpi. Wakinmi Gerizim orqo lawman sayarqaku, wakinñataqmi Ebal orqo lawman. Chaykunatam ruwarqaku Tayta Diospa serviqnin Moisespa kamachisqanman hina. Chaypim sacerdotekuna Israelpa mirayninkunata chayllaraq bendecirqaku.

Josué 8:33 Iomraidhean Croise

Éxodo 12:49

Hina chay yachachikuyllam kanqa qamkunapaqpas chaynataq qamkunawan yachaq huklaw llaqtayuq runakunapaqpas, nispa.

Levítico 24:22

Hina chayna kamachikuyllam kanqa huklaw llaqtayuq runakunapaqpas chaynataq hinapi naceqpaqpas. Ñoqa Tayta Diosmi Diosniki kani, nispa.

Números 15:15

Hina chay kamachikuyllam kanqa qamkunapaqpas chaynataq huklaw llaqtayuqkunapaqpas. Chay kamachikuyllam llapallan miraynikichikpaq wiñaypaq kanqa. Ñoqa Tayta Diospa qayllaypiqa paykunapas qamkuna hinallam kanqaku.

Números 15:16

Hina chay kamachikuywan hina chay yachachikuyllam qamkunapaqpas chaynataq qamkunawan yachaq huklaw llaqtayuqkunapaqpas kanqa, nispa.

Números 15:29

Mana yachaywan huchallikuptikichikqa hina chay kamachikuyllam kanqa qamkunapaqpas chaynataq qamkunawan yachaq huklaw llaqtayuqkunapaqpas.

Juan 4:20

Ñawpaq taytaykum Diosta kay moqopi yupaycharqaku, llapa judiokunañataqmi ninkichik Jerusalenpim yupaychanaqa, nispaykichik, nispa.

Deuteronomio 11:29

Qosunaykichik allpaman Señor-nikichik Tayta Dios pusaykusuptikichikqa, Diospa bendecisqan kanamantam Gerizim orqopi rimankichik, Ebal orqopiñataqmi ñakasqa kanamanta rimankichik.

Deuteronomio 31:12

Llapallan runakunatam huñunkichik: Qaritapas, warmitapas, wawakunatapas chaynataq qamkunawan yachaq huklaw llaqtayuqkunatapas; chaynapi leesqanku yachachikuykunata uyarispanku Tayta Diosta manchakunankupaq hinaspa kay yachachikuykunata kasukunankupaq.

Deuteronomio 31:25

Tayta Diospa pacton waqaychana Arca apaq Levita-kunata nirqa:

Deuteronomio 31:9

Moisesmi kay yachachikuykunata qellqarqa, hinaspam Tayta Diospa pacton waqaychana Arca apaq Leví ayllu sacerdotekunaman chaynataq Israelpa llapallan ancianonkunaman qorqa.

Josué 23:2

Israelpa mirayninkunata, ancianonkunata, kamachiqninkunata, juezninkunata chaynataq capitanninkunatapas qayachispan nirqa: Ñoqaqa llumpay yuyaqñam kani.

Josué 24:1

Josueymi Israelpa mirayninkunata Siquem llaqtaman qayachispan llapa ancianokunata, kamachikuqkunata, juezkunata chaynataq capitankunatapas Tayta Diospa qayllanman huñururqa.

Josué 3:14

Chaymi Jordán mayuta chimpanankupaq carpankumanta lloqsiptinku, Diospa Arcan apaq sacerdotekunañataq ñawpaqninkuta rirqaku.

Josué 3:3

Israelpa mirayninkunata kaynata kamachirqaku: Tayta Diospa pacto ruwasqan Arcata Leví ayllu sacerdotekunapa apasqanta rikuspaykichikmi qamkunapas maymi kasqaykichikmanta lloqsispa qatinkichik,

Josué 3:6

Sacerdotekunatapas kaynatam kamachirqa: Diospa pacto ruwasqan Arcata hoqarispa runakunapa ñawpaqninta chimpaychik, nispa. Chaymi paykuna, Diospa pacto ruwas-qan Arcata hoqarispanku runakunapa ñawpaqninta rirqaku.

Josué 4:10

Diospa Arcanta apaq sacerdotekunañataqmi Jordán mayupa chawpinpi sayarurqaku, llapa runakuna ruwananpaq Josueyman Tayta Diospa kamachisqanta ruway tukunankukama. Josueyman Moisespa kamachisqanman hinam imapas ruwasqa karqa. Chaymi llapa runa utqayllamanña chimparurqaku.

Josué 4:18

Tayta Diospa Arcan apaq sacerdotekuna Jordán mayumanta chaki allpaman lloqsiramuptinkum, Jordán mayuqa manaraq chakichkaspan kallpasqanta hina, kaqllamanta kuchun-kuchun kallpayta qallaykurqa.

Josué 6:6

Chaymi sacerdotekunata qayaykuspan Nunpa churin Josué nirqa: Diospa Arcanta apaychik, qanchis sacerdotekunañataqyá carnerokunapa waqranmanta cornetayuqkama, Tayta Diospa Arcanpa ñawpaqninta richunku, nispa.