Josué 8:1 - CHUYA QELLQA La Biblia en Quechua de Ayacucho 2012

¹ Josueytam Tayta Dios nirqa: Ama manchakuychu nitaq hukmanyaychu. Guerrapaq llapallan solda-dokunata pusaspayki Hai llaqtaman qespiy. Ñoqam Hai llaqtata, reyninta, runankunata chaynataq allpantapas qanman qosqayki.

Quechua Ayacucho Bible 1987

¹ Tayta Diosmi nirqa Josueyta: —Ama manchakuychu nitaq hukmanyaychu. Guerrapaq llapallan soldadokunata pusaspayki riy Hai llaqtaman. Ñoqam Hai llaqtapi reyta, runankunata, llaqtanta chaynataq allpantapas qanman qosqayki.

Chuya Qellqa 1992

¹ Josueytam Tayta Dios nirqa: Ama manchakuychu nitaq hukmanyaychu. Guerrapaq llapallan soldadokunata pusaspayki Hai llaqtaman qespiy. Ñoqam Hai llaqtata, reyninta, runankunata chaynataq allpantapas qanman qosqayki.

Josué 8:1 Iomraidhean Croise

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 43:2

Yakunta riptikipas, qanwanmi kasaq, mayunta chimpaptikipas, manam apasunkichu, nina ukunta pasaptikipas, manam rupasunkichu, lenwachkaq ninapas manam kañasunkichu.

Jeremías 46:27

Serviqniy Jacob, qamqa amayá manchakuychu. Qamtaqa miraynikikunatawan kuskatam karu nacionkunamanta libramusqayki, preso risqayki nacionkunamantam libramusqayki, hinaptinmi hawkalla kawsakunki, manañam pipas manchachisunkiñachu.

Jeremías 49:3

¡Hesbón llaqta, Hai llaqta tuñirusqanrayku waqay! ¡Rabá llaqtapi warmikuna qaparispa waqaychik, qachqa pachawan pachakuspa qasqoykichikta takakuychik! ¡Loca hinaña kallpakachaspa aychaykichikta kuchupakuychik! Milcom idolotam sacerdotentawan ancha reqsisqa runakunatawan kuskata huklaw nacionman presota aparunku.

Daniel 2:21

Payllam tiempokunatawan punchawkunatapas tikran, payllam reykunata hurqon hinaspa churan, payllam yachayniyuqkunaman yachayta qon, payllataqmi yuyayniyuqmanpas yuyayta qon.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Mateo 8:26

Jesusñataqmi nirqa: Pisi iñiyniyuq runakuna, ¿imanasqataq mancharisqallaña kachkankichik? nispan. Chaymi hatarispan wayratawan lamar qochata qaqcharqa, hinaptinmi hawkayarurqa.

Deuteronomio 1:21

Señornikichik Tayta Diosmi kay allpata qoykusunkichik, chaynaqa ñawpaq taytanchikkunapa yupaychasqan Tayta Diospa nisqanman hinayá rispaykichik hapimuychik. Amayá manchakuychikchu nitaq hukmanyaychikchu”, nispa.

Deuteronomio 31:8

Tayta Diosmi ñawpaqnikita rispan qanwan kanqa. Manam saqesunkichu nitaqmi qonqasunkichu, chaynaqa ama manchakuychu nitaq hukmanyaychu, nispa.

Deuteronomio 7:18

Chaywanpas amam paykunataqa manchakunkichikchu. Rey Faraonwan chaynataq Egipto runakunawan Señor-nikichik Tayta Diospa tukuy ima ruwasqantam yuyarinkichik.

Deuteronomio 7:21

Paykunapa qayllanpiqa ama katkatataychikchu. Qamkunawan kaq Señornikichik Tayta Diosmi manchakuypaq hatu-hatun Diosqa.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Josué 10:7

Chaymi Josueyqa, llapallan allinnin qari-qari soldadonkunawan Gilgal lawmanta lloqsirqaku.

Josué 10:8

Hinaptinmi Josueyta Tayta Dios nirqa: Ama manchakuychu, paykunataqa ñoqam makikiman churasaq. Manam mayqanninpas qanwan peleaytaqa atinqakuchu, nispa.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 6:2

Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.

Josué 7:9

Canaán castakunawan kay allpapi yachaqkunachiki uyariruspanku muyuruwanqaku, hinaspachiki sutiykutapas kay pachamanta chinkarachinqaku. Hinaptinqa, ¿imatataq ruwanki ancha reqsisqa sutiki mana penqaypi kananpaq? nispa.