Josué 7:7 - CHUYA QELLQA La Biblia en Quechua de Ayacucho 2012

⁷ Chaymi Josué nirqa: ¡Dios Taytalláy! ¿Imapaqtaq kay llaq-tata Jordán mayuta chimpachimurqanki amorreokunaman qoykuwaptikiku chinkarachiwanankupaq? ¡Ima allinchá kanman karqa Jordán mayupa waklaw chimpanpi qepakamuyniykuqa!

Quechua Ayacucho Bible 1987

⁷ Chaymi Josuey nirqa: —¡Ay Señor Dioslláy! ¿Imapaqtaq kay runakunata Jordan Mayuta chimpachimurqanki chaynapi Amor casta runakunaman qoykuwaspaykiku chinkarachiwanaykikupaq? ¡Aswan allinchá kanman karqa Jordan Mayupa waklaw chimpanpi hawka quedakamuyniyku!

Chuya Qellqa 1992

⁷ Chaymi Josué nirqa: ¡Dios Taytalláy! ¿Imapaqtaq kay llaqtata Jordán mayuta chimpachimurqanki amorreokunaman qoykuwaptikiku chinkarachiwanankupaq? ¡Ima allinchá kanman karqa Jordán mayupa waklaw chimpanpi qepakamuyniykuqa!

Josué 7:7 Iomraidhean Croise

2~Reyes 3:10

Hinaptinmi Israelpa reynin nirqa: ¡Imallapitaq rikukunchik! Tayta Diosmi kimsanchikta huñuramuwanchik moabitakunaman qoykuwananchikpaq, nispa.

Éxodo 16:3

Hinaspam nirqaku: Allinchá kanman karqa Egipto na-cionpi Tayta Dios wañurachiwaptin-kuqa, chay nacionpiqa aychayuq man-kakunapa ladonpim tiyarqaniku, tantatapas saksanaykukamam mikuq kaniku; kunanñataqmi kay chunniqman pusaramuwankiku yarqaymanta wañuchiwanaykikupaq, nispanku.

Éxodo 17:3

Ichaqa runakunam yakumanta kaspanku Moisespa contranpi kaynata nirqaku: ¿Imapaqtaq Egipto nacionmanta hur-qomuwarqankiku, churiykutawan ani-malniykutapas yakumanta wañuchiwanaykikupaq? nispanku.

Números 14:16

“Tayta Diosqa prometesqan allpaman mana chayachiyta atispanmi chunniqpi wañurachin”, nispanku.

Números 14:3

¿Imapaqtaq Tayta Dios kay allpaman pusamuwarqanchik guerrapi wañunanchikpaq? ¿Warminchikkunatapas chaynataq churinchikkunatapas enemigonchik qechuwananchikpaq? ¡Egipto nacionman kutikuyninchikmi allinqa kanman! nispanku.

Mateo 17:17

Chaymi Jesusñataq nirqa: ¡Mana iñiyniyuq huchasapa miraykuna! ¿Haykapikamataq qamkunawan kasaq? ¿Haykapikamataq aguantasqaykichik? Chay warmata kayman apamuychik, nispa.

Mateo 17:20

Chaymi Jesusñataq nirqa: Pisi iñiyniyuq kasqaykichikraykum. Cheqaptapunim nikichik, sichum iñiyni-kichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan.

Hebreos 12:5

Qamkunaqa churinkunaman hina Diospa kayna rimapayasusqaykichiktapas qonqarunkichikñam. Qellqam kaynata nin: “Churilláy, Señorpa castigontaqa amayá despreciaychu.

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.

Josué 7:8

¡Señorlláy! ¿Ima nisaqtaq Israelpa mirayninkuna enemigonkumanta kunan ayqechkaptinqa?

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

1~Samuel 4:3

Chaymi Israelpa tropankuna campamentoman kutiykuptinku ancianokuna nirqaku: ¿Imanasqataq Tayta Diosqa filisteokunawan vencerachiwanchik? Rispanchik Silo llaqtamanta aparamusunchik Diospa contrato ruwasqan Arcata, chaynapi chawpinchikta rispan enemigonchikkunamanta salvawananchikpaq, nispanku.