Josué 7:25 - CHUYA QELLQA La Biblia en Quechua de Ayacucho 2012

²⁵ Chaypim Josué nirqa: ¿Imanasqataq kay sasachakuyta aparamuwarqankiku? Kunanyá chay sasachakuy apamuwasqaykikuta qanman Tayta Dios chayachisunki, nispa. Hinaptinmi Israelpa mirayninkuna rumiwan chamqaparuspanku kañaykurqaku.

Quechua Ayacucho Bible 1987

²⁵ Josueymi chay Acan sutiyoq runata nirqa: —¿Imanasqataq kay desgraciata apamuwarqankiku? Tayta Diosyá qanmanpas kunan punchaw desgraciata apamusunki —nispa. Chaymi Israelpa llapallan mirayninkuna rumiwan choqaparurqaku.

Chuya Qellqa 1992

²⁵ Chaypim Josué nirqa: ¿Imanasqataq kay sasachakuyta aparamuwarqankiku? Kunanyá chay sasachakuy apamuwasqaykikuta qanman Tayta Dios chayachisunki, nispa. Hinaptinmi Israelpa mirayninkuna rumiwan chamqaparuspanku kañaykurqaku.

Josué 7:25 Iomraidhean Croise

Génesis 34:30

Jacobñataqmi Leviytawan Simeonta nirqa: Cananeokunawan hinaspa ferezeokunawanmi cheqninarachiwankichik, hinaspam penqayman churaruwankichik; chaynaqa huñunakuruspankuchá atacaramuwanqaku, asllataq runaykunapas kachkan, hinaspachá wañurachiwanqaku, aylluykunatapas wañurachinqakuchá, nispa.

Génesis 38:24

Kimsa killa pasaruptinmi Judaman kaynata willaykurqaku: Llumchuyniki Tamarmi huchapakuruspa wiksayuq rikurirun, nispanku. Chaymi Judá nirqa: Hurqomuspa kañaychik, nispa.

1~Crónicas 2:7

Carmipa churinmi karqa Acán. Paymi Israelpa mirayninkunaman hatun sasachakuyta apamurqa; “pasaypaqtam chinkachinkichik” nispa Tayta Dios nichkaptin aparamusqanwan.

Proverbios 1:19

Chaynam tukuy imayuq karuyta munaq runaqa, chay munaynillanmi wañuymanpas apanqa.

Proverbios 15:27

Apuyayllata maskaq runaqa wasintam tuñichin, sobornachikuyta cheqniqmi ichaqa kawsakunqa.

Levítico 20:14

Sichum pipas huk warmita casaranqa mamantinta hinaspaqa millarikuypaqtam ruwachkan, chayna ruwaqtaqa kawsachkaqllatam kimsankuta kañanqaku, chaynapi chay millakuypaq ruway qamkuna ukupi mana kananpaq.

Levítico 21:9

Sacerdotepa warmi churin penqayman churakuspan chuchumikaña rikuriruspanqa taytantam penqayman churachkan, paytaqa kawsachkaqtam kañanqaku.

Levítico 24:14

Chay ñakaqniy runatam campamentomanta hurqonki, hinaptinmi llapallan uyariqninkuna paypa umanman makinkuta churanqaku, hinaptinmi llapallan huñunasqa runakuna rumiwan chamqaparunqaku.

Gálatas 5:12

Aswanqa “qari-kaynikichikpi señalakuychik” nispa yachachiqkunaqa ojalataqya hukllatañapas lliwta kuchurachikunmanku.

Deuteronomio 13:10

Egipto nacionpi esclavo kasqaykimanta hurqomusuqniki Señornikichik Tayta Diosmanta rakiy munasusqaykimantam wañunankama rumiwan chamqapanki.

Deuteronomio 13:11

Chayta qawas-pankum Israelpa llapallan mirayninkuna manchakunqaku, amaña yapamanta huchallikunankupaq.

Deuteronomio 17:5

chay ruwaqtam qari kaptin otaq warmi kaptinpas llaqtapa punkunpi kamachikuqkunaman pusaspaykichik rumiwan choqapaspa wañuchinkichik.

Deuteronomio 21:21

Chaymi llaqtanpi llapallan qarikuna rumiwan choqapaspa wañuchinqaku. Chaynata ruwaspaykichikmi mana allin ruwaqkunata qamkunamanta chinkachinkichik. Chayta yachaspankum Israelpa mirayninkuna manchakunqaku.

2~Tesalonicenses 1:6

Diosqa justom, haykam ñakarichisuqnikichiktaqa paymi ñakarichinqa,

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

Josué 6:18

Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.

Josué 7:15

Chinkachisqa kananpaq kaqkunata aparuqñataqmi aylluntin chaynataq tukuy ima hatallisqanwan kuska kañasqa kanqaku, pacto ruwasqayta mana kasukuspan Israel ukupi millakuypaq huchata ruwasqanrayku, nispa.

1~Samuel 14:29

Hinaptinmi Jonatán nirqa: Taytayqa nacionninchiktam sasachakuyman churarun. Qawawasqaykiman hinam kay mielta mikuykuptiy ñawillaypas allintaraq qawarikurun.