Josué 7:24 - CHUYA QELLQA La Biblia en Quechua de Ayacucho 2012

²⁴ Chaymi Josueywan Israelpa mirayninkuna, Zerapa churin Acanta, churinkunatawan, vacankunatawan, asnonkunatawan, ovejankunatawan kuskata, Acor sutiyuq qechwaman pusarqaku. Aparqakutaqmi suwakusqan qollqeta, capata, qorita, carpanta hinaspa tukuy ima kapuqninkunatapas.

Quechua Ayacucho Bible 1987

²⁴ Josueymi Israelpa mirayninkunapiwan pusachirqaku Zarapa miraynin Acan runata, churinkunata, vacankunata, asnonkunata, ovejankunata. Aparqakutaqmi qollqeta, capata, trozo qorita, carpanta hinaspa tukuy kapuqninkunatapas Acor sutiyoq qechwaman.

Chuya Qellqa 1992

²⁴ Chaymi Josueywan Israelpa mirayninkuna, Zerapa churin Acanta, churinkunatawan, vacankunatawan, asnonkunatawan, ovejankunatawan kuskata, Acor sutiyuq qechwaman pusarqaku. Aparqakutaqmi suwakusqan qollqeta, capata, qorita, carpanta hinaspa tukuy ima kapuqninkunatapas.

Josué 7:24 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

Jobwan Sutichasqa Libro 20:15

Payqa qori-qollqe rakrasqantam atqorunqa, Diospunim wiksanmanta atqochinqa.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Proverbios 15:27

Apuyayllata maskaq runaqa wasintam tuñichin, sobornachikuyta cheqniqmi ichaqa kawsakunqa.

Eclesiastés 5:13

Huk manchakuypaq mana allintam kay pachapi rikurqani: Qori-qollqella taqeq runaqa kikinpa sasachakuyllanpaqmi taqen.

Isaías 65:10

Sarón pampapas ovejakunapa huntasqanñam kanqa, Acor qechwapas uywakunapa mikunanñam kanqa, maskaqniy runakunapaqmi chayna kanqa.

Oseas 2:15

Chaypim uvas chakrankunatapas kutichipusaq, hinaspaymi Acor qechwatapas kusikuy punkumanña tikrarusaq. Chaypim sipas kayninpi hinaraq kuyaykuwanqa, Egiptomanta lloqsimusqan punchawpi hinaraqmi kuyaykuwanqa.

Josué 15:7

Chaymantam Acor qechwanta rispan Debir lawman qespirqa, hinaspam norte lawninta wayqopa sur lawninpi Adumín wichaypa chimpan Gilgalman muyumurqa, hinaspam En-semes pukyunta rispan Rogel pukyuman lloqsirqa,

Josué 22:20

Zerapa churin Acán sutiyuq runapa huchallikusqantayá yuyariychik. Paymi chinkachisqa kananpaq rakisqa kaqkunata hapikuykuspan huchallikururqa. Chayraykum Israelpa mirayninkunapa contranpi Tayta Dios piñakurqa. Chay runaqa manam sapallanchu huchallikusqanmantaqa wañurqa, nispa.

Josué 6:18

Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.

Josué 6:21

Llaqtapi kaqtaqa lliwtam espadawan wañuchirqaku, qaritapas, warmitapas, warmatapas machutapas hinaspa payatapas; wañuchirqakutaqmi vacakunatapas, ovejakunatapas, asnokunatapas.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:23

Carpamanta hurqoramuspankum Josueyman chaynallataq Israelpa mirayninkunapa qayllanman apamurqaku, hinaspam Tayta Diospa ñawpaqninpi churaykurqaku.

Josué 7:26

Chaymantam hawanman rumikunata montorurqaku. Chay monton rumikunaqa hinallam kunankamapas kachkan. Chayraykum chay sitioqa Acor qechwawan sutichasqa kunankamapas kachkan. Chayñam Tayta Diospa piñakuynin tanirurqa.