Josué 7:13 - CHUYA QELLQA La Biblia en Quechua de Ayacucho 2012

¹³ Hatarispayki runakunata chuyanchay hinaspa paqarinpaq chuyanchakamunankupaq kamachiy. Ñoqa Tayta Diosmi, Israelpa Diosninmi kaynata nini: Chinkachisqa kananpaq ñakasqa kaqkunam Israel ukupi kachkan. Chaykuna chawpikichikmanta chinkachisqa kanankamam enemigoykichikta mana venceyta atinkichikchu.

Quechua Ayacucho Bible 1987

¹³ Hatarispaykiyá runakunata ñoqapaq sapaqchay, niyá paqarinpaq ñoqallapaqña sapaqchakunankupaq. Israelpa yupaychasqan ñoqa Tayta Diosmi kaynata nini: Israel castakuna chinkachisqa kananpaq ñoqapaq rakisqa kaqmi qamkunapi kachkan. Qamkunamanta rakisqa kaqta horqonaykichikkamam enemigoykichikwan churanakuspa mana vencenkichikchu.

Chuya Qellqa 1992

¹³ Hatarispayki runakunata chuyanchay hinaspa paqarinpaq chuyanchakamunankupaq kamachiy. Ñoqa Tayta Diosmi, Israelpa Diosninmi kaynata nini: Chinkachisqa kananpaq ñakasqa kaqkunam Israel ukupi kachkan. Chaykuna chawpikichikmanta chinkachisqa kanankamam enemigoykichikta mana venceyta atinkichikchu.

Josué 7:13 Iomraidhean Croise

Génesis 34:27

Jacobpa wakin churinkunañataqmi llaqtaman rispanku wañuchisqanku runakunapa tukuy imankuta apakurqaku, paninku penqayman churasqa kasqanrayku.

2~Crónicas 28:10

Kunanmi Judá runakunapas chaynataq Jerusalén llaqtapi yachaqkunapas esclavoykichik kanankupaq tanteanakurunkichik, ichaqa ¿manachum chaykunata ruwaspa qam-kunapas Tayta Diospa contranpi hucha-llikuchkanchik?

Mateo 7:5

¡Yaw, iskay uya! Puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.

Deuteronomio 13:6

Sichum wawqekipas, qari churikipas, warmi churikipas, kuyay yanaykipas, llumpay kuyanakusqayki amistadnikipas, pakasqallapi nisunkiman idolonkunata ñawpaq taytaykikunapa mana servisqankunata yupaychanaykipaq, hinaptinqa amam kasunkichu, nitaqmi uyarinkichu. Chay idolokuna muyuriqnikipi kaq runakunapa diosnin kaptinpas otaq huklaw runakunapa diosnin kaptinpas amam kasunkichu nitaq uyarinkichu. Chay hikutasuqniki runataqa amam llakipayankichu, wañuchinankumantapas amam harkakunkichu nitaqmi pakankichikchu.

Josué 3:5

Hinaptinmi runakunata Josué nirqa: Chuyanchakuychik, paqarinmi qayllaykichikpi admirakuypaq kaqkunata Tayta Dios ruwanqa, nispa.

Josué 6:18

Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.

Josué 7:11

Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.