Josué 7:12 - CHUYA QELLQA La Biblia en Quechua de Ayacucho 2012

¹² Chayraykum Israelpa mirayninkunaqa enemigonkuna venceyta manaña atinqakuchu, aswanqa enemigonkupa ñawpaqninmantam ayqenqaku, paykunapas chinkachisqa kanankupaq ñakasqaña kasqankurayku. Sichum qamkuna chay ñakasqa kaqkunata mana chinkachiptikichikqa manam yanapasqaykichikñachu.

Quechua Ayacucho Bible 1987

¹² Chayraykum Israelpa mirayninkunaqa enemigonkuwan churanakuspa venceyta manaña atinqakuchu. Enemigonkupa ñawpaqninmantam ayqenqaku chinkachisqa kananpaq ñakasqa karusqankurayku. Qamkunamanta chay chinkachisqa kananpaq ñoqapaq rakisqa kaqta mana chinkachiptikichikqa manañam ñoqapas qamkunata yanapasqaykichikchu.

Chuya Qellqa 1992

¹² Chayraykum Israelpa mirayninkunaqa enemigonkuna venceyta manaña atinqakuchu, aswanqa enemigonkupa ñawpaqninmantam ayqenqaku, paykunapas chinkachisqa kanankupaq ñakasqaña kasqankurayku. Sichum qamkuna chay ñakasqa kaqkunata mana chinkachiptikichikqa manam yanapasqaykichikñachu.

Josué 7:12 Iomraidhean Croise

Proverbios 28:1

Mana allin runaqa mana pipa qatisqallanmi ayqen, allin ruwaq runam ichaqa león hina hawka kawsakunqa.

Isaías 59:2

Ichaqa mana allinkuna ruwasqaykichikmi Diosmanta rakirusunkichik, huchaykichikraykum mana uyarisunkichikchu.

Jeremías 23:33

Jeremías, sichum kay runakuna, llapa profetakuna otaq sacerdotekunapas tapusunkiman: ¿Imatataq Tayta Dios nisurqanki? nispanku, hinaptinqa paykunatam ninki, Tayta Diosmi kaynata nin: Qamkunaqa llasaq qepi hinam ñoqapaq kankichik, chayraykum saqerusqaykichik, nispa.

Jeremías 6:8

¡Jerusalén llaqta, wanakuyña, qanmanta mana karunchakunaypaq! Yanqañataq chunniqman tikraruykiman, yanqañataq mana pipa yachananman tikraruykiman.

Oseas 9:12

Wachakuruspanku uywachkaptinkupas qechuruspaymi wañurachisaq. ¡Ay, imaynaraq kanqaku saqeruptiyqa!

Habacuc 1:13

Qamqa chuyay-chuyaymi kanki mana allin ruwayta qawanaykipaqqa, daño ruwayta qawanaykipaqqa. Chaynaqa, ¿imanasqataq runamasin wañuchiqta qawaylla-qawakunki? ¿Imanasqataq allin ruwaq runata mana allin runa tuñichiptin upallalla qawakunki?

Números 14:39

Tayta Diospa nisqanta Israelpa mirayninkunaman Moisés willaykuptinmi anchallataña llakikurqaku.

Números 14:42

Amaña orqomanqa riychikchu, Tayta Diosqa manañam qamkunawanchu kachkan, yanqañataq enemigoykichik venceramusunkichikman.

Números 14:43

Amalecitakunawan cananeokunam ñawpaqnikichikpi kachkanku peleaspa wañuchisunaykichikpaq. Tayta Diosta manaña qatisqaykichikraykum payqa mana yanapasunkichikñachu, nispa.

Números 14:45

Hinaptinmi orqopi yachaq amalecitakunawan cananeokuna lloqsiramuspanku chay orqoman riq runakunata pasaypaqta venceramurqaku hinaspam Horma lawkama qatiramurqaku.

Deuteronomio 7:26

Milla-kuypaq kaqkunataqa amam wasiki-chikman apankichikchu, yanqam qam-kunapas chinkachisqa kawaqchik. Chay millakuypaq kaqkunaqa chinkachisqa kananpaqmi churasqa kachkan, chayraykum chaykunataqa millakuypaqtaña qawankichik.

Josué 6:18

Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.

Jueces 16:20

nirqa: ¡Sansón, filisteokuna hawaykipiña! nispa. Sansonñataqmi puñusqanmanta rikchariruspan yuyaymanarqa: Kunanpas wakin kutipi hinam librakurusaq, nispa. Ichaqa manam yacharqachu paymanta Tayta Dios karunchakurusqantaqa.

Jueces 2:14

Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu.

Jueces 2:4

Tayta Diospa angelnin chaynata niruptinmi Israelpa mirayninkuna qaparispa waqarqaku.

1~Samuel 14:38

Chayraykum Saúl nirqa: Lliw tropakunapa kamachiqninkuna kayman asuykamuychik, pim huchayuq kasqanta kunan tapukusun.