Josué 7:11 - CHUYA QELLQA La Biblia en Quechua de Ayacucho 2012

¹¹ Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.

Quechua Ayacucho Bible 1987

¹¹ Israel casta runakunaqa huchallikurunmi. Kamachisqay contratoytapas manam kasukunkuchu. Hapikurunkutaqmi chinkachisqa kananpaq ñoqapaq rakisqa kaqkunatapas, suwakuruspam llullakurunku hinaspataqmi tukuy imankuwan kuskata pakarunku.

Chuya Qellqa 1992

¹¹ Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.

Josué 7:11 Iomraidhean Croise

2~Reyes 18:12

Chaykunaqa pasakurqa Tayta Diospa nisqanta mana kasukusqankuraykum chaynataq pacto ruwasqantapas mana cumplisqankuraykum. Tayta Diospa serviqnin Moisespa kamachisqankunatam mana kasukurqakuchu nitaqmi ruwaymanpas churarqakuchu.

2~Reyes 5:24

Moqoman chayaruptinkum, apaysiqnin runakunamanta chaskiykuspan wasinman churaykamurqa, hinaspam apaysiqnin runakunata kutikunankupaq aviarurqa.

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Levítico 5:15

Sichum pipas mana yachastin ñoqapaq chuya kaqkunata mana qowaqniy runaqa ñoqa Tayta Diospa contraypim huchallikurun, sayachipuwananpaqmi sano carnero ofrendata apamuwanqa. Chay carneropa preciontam santuariopi pesoman hina churankichik.

Habacuc 2:6

Ichaqa huk punchawmi ñakarichisqan llaqtakuna asikuspanku watuchita hinaraq kaynata ninqaku: “¡Imallapiraq rikukunqaku! mana kikinkupa kaqta huñuspa apuyaqkuna, ¿haykapikamataq mana qamkunapa kaqta huñuypaq-huñukunkichik?” nispanku.

Zacarías 5:4

Tukuy Atiyniyuq Tayta Diosmi kaynata nin: Ñoqam ñakayniyta kacharini, suwakuqpa chaynallataq sutiypi yanqamanta juramentaqpa wasinman chayananpaq. Chay ñakaymi chayna runapa wasinpi takyanqa qerunkunatapas, ruminkunatapas chinkachinankama, nispa.

Mateo 22:21

Paykunañataqmi nirqaku: Rey Cesarpam, nispanku. Hinaptinmi Jesusñataq nirqa: Cesarpa kaqtaqa paymanyá qoychik, Diospa kaqtañataq Diosman, nispa.

Hechos 5:9

Pedroñataqmi nirqa: ¿Imanasqamá tanteanakururqankichik Señorpa Espiritunta pruebanaykichikpaqqa? Waqaya qosayki pampamuq runakuna kutimuchkankuña, kunanñataqmi qamtapas apasunki, nispa.

Deuteronomio 17:2

Sichum Señornikichik Tayta Diospa qosusqaykichik hukkaqnin llaqtapi tariruwaqchik qaritapas otaq warmitapas Señornikichik Tayta Diospa mana munasqanta ruwachkaqta, pactontapas qepanchachkaqta,

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Josué 23:16

Sichum Señornikichik Tayta Diospa kamachisusqaykichik pactonta mana kasukuspa idolokunataña qonqorakuspa yupaychanaykichikpaq pasakuptikichikqa, Tayta Diosmi contraykichikpi piñakuspan kay qosusqaykichik sumaq allpamanta chaylla chinkarachisunkichik, nispa.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:10

Chaymi Josueyta Tayta Dios nirqa: ¿Imanasqataq pampapi qonqoraspa kachkanki? Hatariy.

Jueces 2:20

Chaymi Israel runakunapa contranpi Tayta Dios piñakuruspan nirqa: Kay runakunaqa ñawpaq taytankuwan pacto ruwasqayta qepanchaspam nisqaykunatapas mana kasukunkuchu,

1~Samuel 14:38

Chayraykum Saúl nirqa: Lliw tropakunapa kamachiqninkuna kayman asuykamuychik, pim huchayuq kasqanta kunan tapukusun.