Josué 6:24 - CHUYA QELLQA La Biblia en Quechua de Ayacucho 2012

²⁴ Chaymantam llaqtata kañaykurqaku chaypi tukuy ima kaqkunatawan kuskata. Qorita, qollqeta hinaspa broncemanta chaynataq fierromanta ruwasqa kaqkunatam ichaqa apaspanku Tayta Diospa kapuqninkunawan kuskata churarqaku.

Quechua Ayacucho Bible 1987

²⁴ Llaqtatam kañaykurqaku tukuy chaypi kaqkunatawan. Qorimanta, qollqemanta, broncemanta chaynataq fierromanta kaqkunatam ichaqa horqoramuspanku Tayta Diospa templonpi tesoroman yaparqaku.

Chuya Qellqa 1992

²⁴ Chaymantam llaqtata kañaykurqaku chaypi tukuy ima kaqkunatawan kuskata. Qorita, qollqeta hinaspa broncemanta chaynataq fierromanta ruwasqa kaqkunatam ichaqa apaspanku Tayta Diospa kapuqninkunawan kuskata churarqaku.

Josué 6:24 Iomraidhean Croise

2~Samuel 10:5

Paykuna sinchita penqakusqankuraykum, chayta yacharuspan runankunata David taripachispan kaynata nichimurqa: Jericó llaqtapiyá kaychik barbaykichik wiñamunankama, chayñam kutimunkichik, nispa.

2~Reyes 25:9

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa wasinkunatapas.

1~Crónicas 18:11

Tukuy chaykunatawan kuskatam rey Davidqa Tayta Diospaq sapaqcharqa, Edommanta, Moabmanta, Amonmanta, Filisteamanta hinaspa Amalecmanta qechumusqan qoritapas qollqetapas.

Números 31:10

Yachasqanku llaqtakunatawan llapa campamentonkunatapas kañaykurqakum.

Deuteronomio 13:16

Chay llaqtapa llapa kapuqnintam plazapa chawpinpi huñuruspaykichik llaqtantinta kañaykunkichik, Señornikichik Tayta Diospaq lliw kañana ofrendata hina. Chaynapim chay llaqta wiñaypaq purmachisqa kanqa, manaña huktawanqa hatarichisqa kanankama.

Deuteronomio 13:17

Chay pasaypaq chinkachisqa kaq-kunamantaqa amam imatapas hapikuykunkichikchu, chaynapim Tayta Diospas qamkunawan mana piñakunqachu, aswanqa kuyasuspaykichikmi achkallataña mirachisunkichik, imaynam ñawpaq taytaykichikkunaman prometesqanman hina.

Deuteronomio 20:16

Señornikichik Tayta Diospa qosusqaykichik llaqtakunapim ichaqa llapa-llan runakunata wañuchinkichik.

Josué 11:11

Hazorpi yachaqkunatam espadawan wañurachirqaku. Pasaypaqta purmarachispankum kañaykurqaku.

Josué 6:19

Qorimanta, qollqemanta, broncemanta, fierromanta ruwasqa kaqkunam ichaqa Tayta Diospaq sapaqchasqa kanqa, hinaspam Tayta Diospa kaqninkunawan kuska churasqa kanqa, nispa.

Josué 6:25

Rahabtapas wasinpi kaqkunatawan kuskatam Josué salvarqa, chaynapim paykunaqa Israel castakunawanña kunankama yachachkanku. Rahabtaqa salvarqa Jericó llaqta wateqamuqkunata pakaykusqanraykum.

Josué 8:28

Josueymi Hai llaqtata kañaruspa pasaypaqta tuñirachirqa. Chay llaqtaqa kunankamapas hinam purmachkan.

Apocalipsis 17:16

Mancha-kuypaq animalpi chunka waqrakuna rikusqaykiqa chunka reykunam, paykunaqa manchakuypaq animalpiwanmi chuchumikata cheqninqaku, hinaspam wischurayachkaqta qalallata saqerunqaku. Aychanta mikuruspankum kañaykunqaku.

Apocalipsis 18:8

Chayraykum huk punchawllapi kay sasachakuykuna hamunqa: Wañuywan, waqay hinaspa yarqaypas. Chay llaqtaqa kañasqam kanqa, Señor Diosqa Tukuy Atiyniyuqmi, paymi juzganqa.