Josué 6:2 - CHUYA QELLQA La Biblia en Quechua de Ayacucho 2012

² Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.

Quechua Ayacucho Bible 1987

² Aswanqa Tayta Diosmi Josueyta nirqa: —Kunanmi Jerico llaqtata entregasqayki, entregasqaykitaqmi reynintapas chaynataq soldadonkunatapas.

Chuya Qellqa 1992

² Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.

Josué 6:2 Iomraidhean Croise

2~Samuel 5:19

Hinaptinmi Tayta Diosta David tapurqa: ¿Risaqchu filisteokunapa contranpi? ¿Paykunataqa vencechimuwankichu? nispa. Chaymi Tayta Dios nirqa: Riypuni, filisteokunataqa makikimanmi churamusaq, nispa.

Nehemías 9:24

Paykunam Canaán allpaman yaykuspanku hapikuykurqaku, chay allpapi yachaqkunatam paykunapa qayllanpi uchuycharqanki, reyninkunatawan runankunatam paykunapa makinman churarqanki, chaynapi paykunawan munasqankuta ruwanankupaq.

Daniel 2:21

Payllam tiempokunatawan punchawkunatapas tikran, payllam reykunata hurqon hinaspa churan, payllam yachayniyuqkunaman yachayta qon, payllataqmi yuyayniyuqmanpas yuyayta qon.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 4:17

Kay sentenciataqa angelkunam qomurqaku, angelkunam chaynata tantearqaku, chaynapi llapa runakunapa kamachikuyninpiqa tukuy imapa hawanpi kaq Dioslla munaychakuq kasqanta yachanankupaq, chay kamachikuytaqa paymi munasqanman hina pimanpas qon, humilde runatapas huk nacionpa kamachiqnin kananpaqmi churan.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Deuteronomio 7:24

Reyninkunatapas makikichikman churaykamuptinmi paykunapi munaychakunkichik. Wañuchispaykichikmi sutinkutapas chinkachinkichik kay pachapi manaña pipas yuyanankama. Manam pipas qamkunawan peleaspaqa vencesunkichikchu, aswanqa qamkunam chinkachinkichik.

Josué 12:9

Vencesqanku reykunam kaykuna: Jericopa reynin, Bet-elpa hichpanpi kaq Haipa reynin,

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 2:9

Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku.

Josué 20:1

Josueytam Tayta Dios nirqa:

Josué 6:1

Jericó llaqtapa punkunkunatam Israelpa mirayninkuna mana yayku-nankupaq suma-sumaqta wichqarurqaku. Manam pipas lloqsirqachu nitaq yaykurqachu.

Josué 6:3

Chaynaqa, qanmi tropaykikunapiwan kay llaqtata sapa punchaw huk kutita muyunkichik. Soqta punchawmi chaynata ruwankichik.

Josué 8:1

Josueytam Tayta Dios nirqa: Ama manchakuychu nitaq hukmanyaychu. Guerrapaq llapallan solda-dokunata pusaspayki Hai llaqtaman qespiy. Ñoqam Hai llaqtata, reyninta, runankunata chaynataq allpantapas qanman qosqayki.

Jueces 11:21

Ichaqa Israelpa Diosninmi, rey Sehonta llapallan runankunatawan Israel miraykunaman qoykurqa, hinaptinmi paykunata wañurachispanku chay nacionpi yachaq llapallan amorreokunapa allpanta hapikuykurqaku.

Jueces 11:24

Quemos diosnikipa qosusqaykiqa, ¿manachum qampaña? Chaynam ñoqaykuman Tayta Diospa qowasqankupas ñoqaykupaña.