Josué 6:18 - CHUYA QELLQA La Biblia en Quechua de Ayacucho 2012

¹⁸ Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.

Quechua Ayacucho Bible 1987

¹⁸ Qamkunaqa amam munapayankichikchu nitaqmi hapinkichikchu chinkachisqa kananpaq Tayta Diospaq rakisqa kaqkunataqa, chayta ruraspaqa Tayta Diospaq rakisqa campamentonchiktapas hatun desgraciamanmi churawaqchik.

Chuya Qellqa 1992

¹⁸ Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.

Josué 6:18 Iomraidhean Croise

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

Eclesiastés 9:18

Guerrapaq armakunamanta aswan allinqa yachaymi; ichaqa imapipas pantaruyllam ima allin kaqtapas tuñirachin.

Jonás 1:12

Chaymi Jonás nirqa: Lamar qochaman wischuykuwaychik, hinaptinqa hawkayarunqam. Yachanim ñoqarayku kay wayra-para contraykichikpi hatarisqanta, nispa.

Romanos 12:9

Cheqaptapuni kuyanakuychik, mana allin kaqkunata cheqnispa, allin kaqkunata ruwaychik.

2~Corintios 6:17

Señorqa nintaqmi: “Paykuna ukumantayá lloqsiychik, paykunamantayá sapaqchakuychik, amayá millakuypaq kaqkunataqa hapiychikchu. Hinaptinqa qamkunataqa chaskisqaykichikmi.

Efesios 5:11

Tutayaypi kawsaqkunapa mana allinkuna ruwasqankutaqa amayá ruwaychikchu, aswanqa mana allin ruwasqankumantayá qaqchaychik.

Deuteronomio 13:17

Chay pasaypaq chinkachisqa kaq-kunamantaqa amam imatapas hapikuykunkichikchu, chaynapim Tayta Diospas qamkunawan mana piñakunqachu, aswanqa kuyasuspaykichikmi achkallataña mirachisunkichik, imaynam ñawpaq taytaykichikkunaman prometesqanman hina.

Deuteronomio 23:10

Sichum tuta puñunankama qari kayninmanta muhun kikillanmanta lloqsiruptinqa, chay runaqa millakuypaqmi kanqa, payqa campamentomanta lloqsispam tukuy punchaw hawapi kamunqa.

Deuteronomio 7:26

Milla-kuypaq kaqkunataqa amam wasiki-chikman apankichikchu, yanqam qam-kunapas chinkachisqa kawaqchik. Chay millakuypaq kaqkunaqa chinkachisqa kananpaqmi churasqa kachkan, chayraykum chaykunataqa millakuypaqtaña qawankichik.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:13

Hatarispayki runakunata chuyanchay hinaspa paqarinpaq chuyanchakamunankupaq kamachiy. Ñoqa Tayta Diosmi, Israelpa Diosninmi kaynata nini: Chinkachisqa kananpaq ñakasqa kaqkunam Israel ukupi kachkan. Chaykuna chawpikichikmanta chinkachisqa kanankamam enemigoykichikta mana venceyta atinkichikchu.

Josué 7:15

Chinkachisqa kananpaq kaqkunata aparuqñataqmi aylluntin chaynataq tukuy ima hatallisqanwan kuska kañasqa kanqaku, pacto ruwasqayta mana kasukuspan Israel ukupi millakuypaq huchata ruwasqanrayku, nispa.

Josué 7:25

Chaypim Josué nirqa: ¿Imanasqataq kay sasachakuyta aparamuwarqankiku? Kunanyá chay sasachakuy apamuwasqaykikuta qanman Tayta Dios chayachisunki, nispa. Hinaptinmi Israelpa mirayninkuna rumiwan chamqaparuspanku kañaykurqaku.

1~Juan 5:21

Churillaykuna, idolokunamantaqa karun-chakuychikyá. Amén.

1~Samuel 15:9

Ichaqa Saulmi tropankunapiwan rey Agagta mana wañuchirqakuchu, nitaqmi allinnin ovejakunatawan poqosqa malta torokunatapas hinaspa poqosqa carnerokunatapas. Manataqmi chinkachirqakuchu allinnin kaqkunatapas. Mana valeq kaqkunatam ichaqa wañuchispanku chinkachirqaku.