Josué 6:17 - CHUYA QELLQA La Biblia en Quechua de Ayacucho 2012

¹⁷ Tayta Diospa ñakasqan kasqanraykum kay llaqtaqa tukuy ima kaqninkunawan kuska chinkachisqa kanqa. Rahabllañam wasinpi kaqkunapiwan kawsanqa, wateqanankupaq kachamusqanchikkunata pakaykusqanrayku.

Quechua Ayacucho Bible 1987

¹⁷ Llaqtam chinkachisqa kananpaq Tayta Diospaq rakisqa kanqa chay llaqtapi kaq tukuy imakunapiwan. Ichaqa chuchumika Rahab sutiyoq warmiqa kawsanqam chaynataq wasinpi lliw kaqkunapas, payqa manam wañunqachu kachamusqanchik runakunata pakaykusqanrayku.

Chuya Qellqa 1992

¹⁷ Tayta Diospa ñakasqan kasqanraykum kay llaqtaqa tukuy ima kaqninkunawan kuska chinkachisqa kanqa. Rahabllañam wasinpi kaqkunapiwan kawsanqa, wateqanankupaq kachamusqanchikkunata pakaykusqanrayku.

Josué 6:17 Iomraidhean Croise

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Esdras 10:8

pipas kimsa punchawkama mana hamuqtaqa, tukuy kapuqninkunata qechuspam preso risqankumanta kutimuqkuna ukumanta qarqonqaku, chaynataqa ruwanqaku kamachikuqkunapa hinaspa ancianokunapa nisqanman hinam”, nispa.

Isaías 34:6

Tayta Diospa espadanmi yawarwan chaynataq wirawan chapukunqa, chapukunqaqa imaynam malta carnerokunata chaynataq cabrakunatapas sacrificiopaq nakasqankupi hinam. Señormi Bosra llaqtapi sacrificiota ruwanqa, Edom llaqtapiñataqmi nana-nanaqta wañuchinqa.

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Ezequiel 39:17

Runapa churin, alton pawaq animalkunaman hinaspa purun animalkunaman ñoqa Tayta Diospa nisqayta kaynata nimuy: Tukuy hinastinmanta huñunakamuychik, Israel nacionpa orqonkunaman hamuychik, chaypim sacrificiota ruwasaq, chaypim aychata mikunkichik hinaspa yawarta tomankichik.

Levítico 27:21

Sichum jubileo watapi chay chakra libre kaspaqa ñoqallapaqñam kanqa hinaptinmi sacerdotepaqña kanqa.

Miqueas 4:13

Sión llaqta, hatarispayki trillay, waqraykikunatapas fierromantam ruwasaq, silluykikunatapas broncemantam ruwasaq, achkallaña nacionkunamanta qechusqaykikunatapas Tayta Diospaqñam sapaqchanki, kay pachapi munaychakuq Señormanmi ofrecenki.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

1~Corintios 16:22

Pipas Señor Jesucristota mana kuyaqqa ñakasqayá kachun. ¡Maranatha!

1~Corintios 2:7

Rimanikuqa Diospa waqaychaspa pakasqan yachay-mantam, chaytaqa manaraqpas kay pacha unanchasqa kachkaptinmi Diosqa tantearqaña, chaynapi ñoqanchik kancharinanchikpaq.

Gálatas 3:10

Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Gálatas 3:12

Leyqa manam iñiymantachu qallarimurqa, aswanqa kaynatam nin: “Pipas leyta cumpliqqa, chayraykum kawsanqa”, nispa.

Deuteronomio 20:17

Heteokunata, amorreokunata, cananeokunata, ferezeokunata, heveokunata chaynataq jebuseokunatapas pasaypaqtam chinkachinkichik; Señornikichik Tayta Diospa kamachisusqaykichikman hinam chaynataqa ruwankichik,

Hebreos 11:31

Iñiyllawantaqmi Rahab sutiyuq chuchumika warmipas llaqta wateqaq riq runakunata allinllata samaykachirqa, chayraykum mana kasukuq runakunawan kuskaqa mana wañururqachu.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

Santiago 2:25

Chaynataqmi Rahab sutiyuq chuchumika warmipas llaqtan wateqaq runakunata pakaykurqa, hinaspam ayqekunankupaq yanapaykurqa, chaynapim allin ruwasqanwan mana huchayuqpaqña chaskisqa karqa.

Josué 2:1

Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa: Jericó llaqtatawan muyuriqninpi allpakunata qawaramuychik, nispa. Chaymi rispanku Rahab sutiyuq chuchumika warmipa wasinman chayaruspanku chaypi samarurqaku.

Josué 2:22

Chay iskay wateqaqkunam orqoman chayaruspanku, qatimuqninku runakuna kutimunankukama kimsa punchaw chaypi pakakurqaku. Chay runakunam tukuy hinastinpi maskarqaku, ichaqa manam tarimurqakuchu.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.

1~Samuel 15:6

Hinaspam chaypi yachaq Ceneo runakunata Saúl nirqa: Kaymanta karuman ripukuychik, yanqañataqmi Amalec runakunawan kuskata chinkarachikikuman. Qamkunaqa Israelpa mirayninkuna Egipto nacionmanta hamuptinkum llakipayarirqankichik, nispa. Chaynapim Ceneo runakunaqa Amalec runakunamanta rakikururqaku.