Josué 6:1 - CHUYA QELLQA La Biblia en Quechua de Ayacucho 2012

¹ Jericó llaqtapa punkunkunatam Israelpa mirayninkuna mana yayku-nankupaq suma-sumaqta wichqarurqaku. Manam pipas lloqsirqachu nitaq yaykurqachu.

Quechua Ayacucho Bible 1987

¹ Jerico llaqtaqa kachkarqa suma-sumaq wichqasqam Israelpa mirayninkuna mana yaykunanpaq. Manam pipas lloqsirqachu nitaqmi yaykurqachu.

Chuya Qellqa 1992

¹ Jericó llaqtapa punkunkunatam Israelpa mirayninkuna mana yaykunankupaq suma-sumaqta wichqarurqaku. Manam pipas lloqsirqachu nitaq yaykurqachu.

Josué 6:1 Iomraidhean Croise

2~Samuel 10:5

Paykuna sinchita penqakusqankuraykum, chayta yacharuspan runankunata David taripachispan kaynata nichimurqa: Jericó llaqtapiyá kaychik barbaykichik wiñamunankama, chayñam kutimunkichik, nispa.

2~Reyes 17:4

Ichaqa rey Oseasmi Asiria nacionpa reynin Salmanasarpa contranpi hoqarikunanpaq Egiptopa reynin So sutiyuq runaman comisionta kacharqa; Asiria nacionpa reyninman watan-watan paganan impuestotapas manañam pagarqachu. Chaykunata rey Salmanasar yacharuspanmi rey Oseasta carcelpi wichqarurqa.

2~Reyes 2:4

Huktawanmi Eliseota Elías nirqa: Tayta Diosmi Jericó llaqtaman kachawachkan, ama hina kaspayki kayllapi kachkay, nispa. Hinaptinmi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaymi kuskanku Jericó llaqtaman chayarurqaku.

Josué 16:7

Atarot llaqtaman chaynataq Naarat llaqtaman uraykurqa, hinaspam Jericó llaqtapa patanta Jordán mayuman lloqsirqa.

Josué 18:21

Benjamín aylluman tupaq llaqtakunam karqa: Jericó, Bet-hogla, Casis wayqo,

Josué 2:1

Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa: Jericó llaqtatawan muyuriqninpi allpakunata qawaramuychik, nispa. Chaymi rispanku Rahab sutiyuq chuchumika warmipa wasinman chayaruspanku chaypi samarurqaku.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 2:7

Reypa kachasqan runakunañataqmi, Jordán mayupa vadonkunakama qatirqaku. Chay qatiqninku runakuna lloqsiruptillankum punkutapas wichqarurqaku.

Josué 5:15

Chaymi Tayta Diospa tropankunapa kamachiqnin nirqa: Usutaykita hurqokuy, kay sayasqayki allpaqa chuyam, Tayta Diospaq sapaqchasqa sitiom, nispa. Hinaptinmi Josué chaynata ruwarqa.

Josué 6:2

Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.