Josué 5:1 - CHUYA QELLQA La Biblia en Quechua de Ayacucho 2012

¹ Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Quechua Ayacucho Bible 1987

¹ Jordan Mayupa waklaw chimpanpi otaq intipa seqaykunan lawpi kaq Amor casta runakunapa llapallan reyninkunam yacharurqa Israelpa mirayninkuna Jordan Mayu chimpayta tukunankukama imaynatam Tayta Dios chay mayu chakirachisqanta. Yacharurqakutaqmi lamar qochapa otaq Mediterraneo sutiyoq lamar qochapa patanpi kaq Canaan casta runakunapa llapallan reyninkunapas. Chay reykunam pasaypaqta hukmanyarurqaku Israelpa mirayninkunawan manaña peleanankupaq.

Chuya Qellqa 1992

¹ Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Josué 5:1 Iomraidhean Croise

Génesis 12:6

Chay allpanta pasaruspanmi Abram chayarurqa Siquem llaqtapi yupaychana sitiokama, chaymi tarikun More lawpi encina sachapa kasqanpi. Chaypiqa cananeokunam yacharqaku.

Génesis 48:22

Wawqekikunaman qosqaymantapas mastaqa qanmanmi qoyki, chay allpaqa amorreokunamanta espadaywan chaynataq flechaywan qechusqay Siquem orqokunam karqa, nispa.

2~Samuel 21:2

Gabaón llaqtayuqkunaqa manam Israel castamantachu karqaku, paykunaqa Amor castamanta puchuqkunam karqaku. Israel runakunam paykunaman jurarqaku mana wañuchinankupaq. Saulmi ichaqa Israelpa mirayninkunamanta chaynataq Judapa mirayninkunamanta sientisqanrayku, Gabaón runakunata chinkarachiypi rirqa. Chaymi Gabaón llaqtayuqkunata David qayachimuspan paykunawan rimaspan

1~Reyes 10:5

mesanpi tukuy rikchaq mikuykunatapas, palacionpi yanapaqninkunapa imaynam kawsasqankutapas, criadonkunapa imaynam rikchaynintawan imaynam pachakusqankutapas, reyman copa serviqkunatapas, rikurqataqmi Tayta Diospa templonpi animalkunata ofrecesqankutapas. Chaykunawan admirakuspanmi

Esdras 9:1

Chaykuna ruwayta tukuruptinkum, llapa kamachikuqkuna asuykamuwaspa niwarqaku: Israel runakunawan sacerdotekuna hinaspa levitakunaqa manam rakikunkuchu millakuypaq ruwaq cananeokunamanta, heteokunamanta, ferezeokunamanta, jebuseokunamanta, amonitakunamanta, moabitakunamanta, egipciokunamanta hinaspa amorreokunamantaqa, aswanqa paykunapa millakuypaq ruwasqankutam qatipakunku.

Éxodo 23:28

Qampa ñawpaqnikitam wayliskunata kachasaq, chaynapim heveokunata, cananeokunata hinaspa heteokunata ñawpaqnikimanta wischusaq.

Isaías 41:5

Lamar qochapa patanpi nacionkunam rikuykuspanku mancharikunku, llapallan kay pachapi kaqkunapas pasaypaqtam mancharikunku, paykunam huñunakuruspa hamuchkanku.

Ezequiel 16:3

Ñoqa Tayta Diosmi Jerusalén llaqtapa contranpi kaynata nini: Canaán allpapim qamqa nacerqanki, taytaykipas Amor casta runam karqa, mamaykiñataqmi Het castamanta.

Ezequiel 21:7

Sichum pipas tapusunki: “¿Imanasqataq kaynatañaqa waqachkanki?” nispa hinaptinqa kaynatam ninki: Ñoqaqa waqachkani imam pasakunanmanta willakuy uyarisqaywanmi. Chaykuna chayamuptinqa llapa runakunam hukmanyanqaku, manam ima ruwakuytapas atinqakuñachu, muspaypi hinam rikurirunqaku, manchakuymantam moqonkupas katkatatanqa. Ñam chayaykamuchkanña, chaynapunim kanqa. Ñoqa Tayta Diosmi chaynata nini.

Daniel 5:6

reyqa llumpayta hukmanyarurqa, manchakuymantam umanmanta chaki pampankama katkatatarqa.

Amós 2:9

Israel llaqta, ñoqam qamkunata Egiptomanta hurqomurqaykichik, hinaspaymi mana imapa kanan chunniqninta tawa chunka wata pusamurqaykichik. Ñawpaqnikichikpim Amor casta runakunatapas, encina sacha hina allin poqosqa kachkaptinkupas, cedro hina sayayniyuqña kachkaptinkupas, sapinmanta chinkarachispay munaychakunaykichikpaq allpantapas qorqaykichik.

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Josué 17:12

Manasespa mirayninkunaqa manam chay llaqtakunapi yachaq runakuna qarqoyta atirqakuchu, chayraykum cananeokunaqa mana lloqsiyta munaspa hinapi yachakurqaku.

Josué 17:18

Aswanqa chay montekunapas qamkunapam kanqa, chaynaqa kichamuspaykichik patankunakama hapikamuychik. Cananeokunataqa fierromanta carretayuqkuna kaptinkupas chaynataq kallpasapa kaptinkupas qarqonkichikmi, nispa.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Josué 3:16

hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku.

Josué 3:17

Tayta Diospa Arcanta apaq sacerdotekunañataqmi, Jordán mayupa chawpinpi, chaki allpapi hina sayarqaku, Israelpa mirayninkuna mayuta chimpay tukunankukama.

Apocalipsis 18:10

Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.

Jueces 1:1

Josué wañukuptinmi, Tayta Diosta Israelpa mirayninkuna kaynata tapurqaku: ¿Mayqanniykutaq puntata risaqku cananeokunawan peleamunaykupaq? nispanku.

Jueces 11:23

Chaynaqa, ¿Israelpa yupaychasqan Tayta Diospa qowasqankutachu qechuruwaykuta munachkanki? Chaytaqa Tayta Diosmi amorreokunamanta qechururqa.

Jueces 3:3

Filisteamanta pichqa kamachikuqkunata, cananeokunata, sidoniokunata chaynataq Líbano orqopi yachaq heveokunatapas Baal-hermón orqomanta qallarispa Hamat lawman yaykuna qasakama.

Jueces 4:2

chaymi paykunata cananeokunapa reynin Jabinpa makinman Tayta Dios qoykurqa. Jabinqa Hazor llaqtapim munaychakurqa, Sisarañataqmi tropankunapa kamachiqnin karqa, payqa Haroset-goim llaqtapim yacharqa.

1~Samuel 25:37

Paqarinnintinpaq Nabal mallaqyaruptinmi warmin Abigail tukuy chaykunata willarqa. Chaymi Nabal hukmanyaruspan kaskitakururqa.