Josué 4:6 - CHUYA QELLQA La Biblia en Quechua de Ayacucho 2012

⁶ Chay rumikunam qamkunapaq huk señal kanqa. Sichum hamuq punchawkunapi miraynikichikkuna tapusunkichik: “¿Ima ninantaq kay rumikunaqa?” nispanku,

Quechua Ayacucho Bible 1987

⁶ Chay rumikunaqa señal hinam qamkunapaq kanqa, hamuq punchawkunapim churikichik tapusunkichik: “Qamkunapaqqa ¿ima ninantaq kay rumikunaqa?” nispa.

Chuya Qellqa 1992

⁶ Chay rumikunam qamkunapaq huk señal kanqa. Sichum hamuq punchawkunapi miraynikichikkuna tapusunkichik: “¿Ima ninantaq kay rumikunaqa?” nispanku,

Josué 4:6 Iomraidhean Croise

Éxodo 12:14

Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:9

Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Éxodo 31:13

Isrelpa mirayninkunata kaynata nimuy: Samana punchawniykunapiqa samankichikpunim, chaymi qamkunapaqpas chaynataq miraynikichikkunapaqpas señal kanqa ñoqa Tayta Diosllapaqña sapaqchasqa kasqaykichikmanta.

Isaías 38:19

Kawsaqkunam ichaqa yupaychasunki imaynam kunan yupaychamusqayta hina. Hapipakunapaq kaynikimantam churinkuman taytan yachachin.

Isaías 55:13

Kichkakunapa rantinpim ciprés sachakunaña wiñanqa, itanakunapa rantinpim arrayankunaña wiñanqa, chaykunawanmi Tayta Diosqa ancha reqsisqa kanqa, wiñaypaq mana tukuq señal hinam chaykunaqa kanqa.

Ezequiel 20:12

Paykunamanmi samana punchawniykunata qorqani, chaymi huk señal karqa ñoqapaq chaynataq paykunapaqpas, chaynapi paykunata ñoqallapaqña sapaqchasqayta yuyanankupaq.

Ezequiel 20:20

Samana punchawniy-kunatapas sapaqchapuwaychik, chaynapi qamkunapaqwan ñoqapaq huk señal kananpaq; chaynapim ñoqa Tayta Diosqa Diosnikichik kasqayta yachankichik, nispay.

Números 16:38

Huchallikuruspa wañuq runakunapa qontichinankuqa, inciensota ñoqa Tayta Diosman ofrecemuwasqankuraykum chuyanchasqa kachkan. Chaynaqa, llaspayachispa chaywan altarpa hawanman laqachun, Israelpa mirayninkunapaq señal kananpaq, nispa.

Hechos 2:39

Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayas-qakunapaqwanmi.

Deuteronomio 11:19

Kay kamachikuykunatam sapa kutilla churikichikkunaman yachachinkichik, wasipi kaspaykichik, ñanpi purispaykichik, puñuq yaykuspaykichik chaynataq hatarispaykichikpas.

Josué 22:27

Aswanqa ñoqaykupaqpas qamkunapaqpas chaynataq mirayninchikkunapaqpas testigo kananpaqmi, chaynapi lliw kañana sacrificiokunawan chaynataq Dioswan allinlla kasqaykumanta ofrendakunawan, Tayta Diosta santuarionpi yupaychamunaykupaqmi. Chaynapim hamuq punchawkunapi miraynikichikkuna ñoqaykupa mirayniykuta mana ninqakuchu: “Israelpa yupaychasqan Tayta Diospa kaqkunawanqa manam imapas ruwanaykichik kanchu” nispankuqa.

Josué 4:21

Hinaspam Israelpa mirayninkunata nirqa: Sichum qepa punchawkunaman miraynikichikkuna tapusunkichik: “¿Ima ninantaq kay rumikunaqa?” nispa,

Josué 4:5

Josué nirqa: Jordán mayupa chawpinman, Diosni-kichikpa Arcanpa ñawpaqninkama yaykuspa chaymanta rumita hurqomuychik hinaspa Israelpa mirayninkunamanta sapa aylluman hina, sapakama hukta hombromuychik.