Josué 4:14 - CHUYA QELLQA La Biblia en Quechua de Ayacucho 2012

¹⁴ Chay punchawmi Israelpa mirayninkunapa qayllanpi, Josueyta Tayta Dios hatuncharqa. Chaymi Moisesta hina Josueytapas kawsanan punchawkama respetarqaku.

Quechua Ayacucho Bible 1987

¹⁴ Chay punchawmi Israelpa llapallan mirayninkuna qawachkaptinku Josueyta Tayta Dios hatuncharqa chaynapi Moisesta respetasqankuta hina Josueytapas kawsanan punchawkama respetanankupaq.

Chuya Qellqa 1992

¹⁴ Chay punchawmi Israelpa mirayninkunapa qayllanpi, Josueyta Tayta Dios hatuncharqa. Chaymi Moisesta hina Josueytapas kawsanan punchawkama respetarqaku.

Josué 4:14 Iomraidhean Croise

1~Reyes 3:28

Israelpa mirayninkunam reypa allin arreglo ruwasqanta yacharurqaku, chayraykum anchata reyta respetarqaku, chaynapim qawarqaku Tayta Diospa yachay qosqanwan allinta munaychakusqanta.

2~Reyes 2:15

Jericó llaqtapi kaq profetakunañataqmi waklaw chimpamanta qawamuspanku ninakurqaku: Eliaspa espiritunmi Eliseopiña kachkan, nispanku. Chaymi Eliseoman taripaspanku ñawpaqninpi qonqoranpa kumuykurqaku.

1~Crónicas 29:25

Tayta Diosmi Israel runakunapa qayllanpi rey Salomonta llumpayta hatuncharqa, munaychakuynintapas ancha reqsisqatam ruwarqa, payta hinaqa manam mayqan reytapas Israel nacionpiqa hatuncharqachu.

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

Éxodo 11:3

Israelpa mirayninkunatam Egipto runakunawan Tayta Dios favorecechirqa. Moisespas Egipto nacionpiqa, Faraonpa serviqninkunapa hinaspa lliw runakunapa respetasqanmi karqa.

Éxodo 14:31

Israel runakunaqa Tayta Diospa hatun atiyninwan Egipto runakunapa contranpi ruwasqanta qawaykuspankum Tayta Diosta manchakurqaku, hinaspam Tayta Diosman chaynataq serviqnin Moisespipas hapipakurqaku.

Proverbios 24:21

Churilláy, Tayta Diosta hatunchay, reytapas kasukuytaq; mana kasukuqkunawanqa ama hukllawakuychu.

Romanos 13:4

Paykunaqa Diosta servinanpaq churasqam kachkanku qamkunapa allinnikichikpaq, chaynaqa mana allinta ruwaspaqa manchakunaykim. Kamachikuqkunaqa manam yanqapaqchu atiyniyuq kanku, aswan-qa mana allin ruwaqkunata castigananku-paqmi.

1~Corintios 10:2

Chaynapim llapallanku Moiseswan huklla kanankupaq puyupi hinaspa lamar qochapi bautizasqa karqaku.

Josué 3:7

Hinaptinmi Josueyta Tayta Dios nirqa: Kunan punchawmanta qepamanmi, Israelpa mirayninkuna qawanankupaq anchata hatunchasqayki, chaynapim Moiseswan kasqayta hina qanwanpas kasqayta yachanqaku.

Josué 4:13

Guerrapi peleanankupaq armasqakamam yaqa tawa chunka waranqa soldadokuna Tayta Diospa ñawpaqninta chimparqaku, hinaspam Jericó lawpi pampaman chayarurqaku.

Josué 4:15

Chaymantam Josueyta Tayta Dios nirqa:

1~Samuel 12:18

Samuelmi Tayta Diosta mañakurqa, hinaptinmi Diosqa rayokunatawan parata chaypunilla kachaykamurqa. Chaymi llapa runakuna Diostawan Samuelta anchallataña manchakurqaku.