Josué 3:8 - CHUYA QELLQA La Biblia en Quechua de Ayacucho 2012

⁸ Qanmi pacto ruwasqay Arca apaq sacerdotekunata kaynata kamachinki: Jordán mayupa patanman chayaruspaykichikmi yaku ukupi sayankichik, nispa.

Quechua Ayacucho Bible 1987

⁸ Qanmá kamachinki contrato baul apaq sacerdotekunata chaynapi Jordan Mayupa patanman chayaruspanku Jordan Mayupa chawpinpi sayanankupaq —nispa.

Chuya Qellqa 1992

⁸ Qanmi pacto ruwasqay Arca apaq sacerdotekunata kaynata kamachinki: Jordán mayupa patanman chayaruspaykichikmi yaku ukupi sayankichik, nispa.

Josué 3:8 Iomraidhean Croise

2~Reyes 2:6

Chaymantam Eliseota Elías nirqa: Tayta Diosmi Jordán mayuman kachawachkan, ama hina kaspayki kayllapi kachkay, nispa. Eliseoñataqmi nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaymi kuskanku pasarqaku.

2~Crónicas 29:15

Paykunam wawqenkuta huñuruspa reypa kamachisqanman hina chuyanchakurqaku, hinaspam Tayta Diospa templonman yaykurqaku pichamunankupaq, chaytaqa ruwarqaku reypa chaynataq Tayta Diospa nisqanman hinam.

2~Crónicas 29:27

Rey Ezequiasmi kamachikurqa lliw kañana altarpi ofrecenankupaq. Lliw kañana sacrificiota ofreceyta qallaykuptinkum Tayta Diospaq takiyta qallaykurqaku trompetakunawan hinaspa Israel nacionpa reynin Davidpa qosqan tocanakunawan.

2~Crónicas 29:30

Rey Ezequiaswan kamachikuqkunam llapa levitakunata kamachirqaku Davidpa takisqankunawan chaynataq profeta Asafpa takisqankunawan Tayta Diosta yupaychanankupaq, chaymi hatun kusikuywan takispanku yupaychanankupaq kumuykurqaku.

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

Nehemías 13:22

Levitakunatapas kamachirqanim chuyanchakuspanku punkukunata waqaychanankupaq chaynapi samana punchawta Diosllapaqña sapaqcha-nankupaq. ¡Dios Taytalláy! Amayá qonqaruychu kay ruwasqaytapas, hinaspa kuyapayakuynikiman hina llakipayariykullaway, nispa.

Nehemías 13:28

Sacerdote Eliasibpa churin Joiadapa huknin churintam, Horón llaqtayuq Sanbalatpa masan kasqanrayku ladoymanta qarqorurqani.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Lamentaciones 3:26

Tayta Dios yanapawananchikpaqqa upallalla suyaymi aswan allinqa.

Josué 3:17

Tayta Diospa Arcanta apaq sacerdotekunañataqmi, Jordán mayupa chawpinpi, chaki allpapi hina sayarqaku, Israelpa mirayninkuna mayuta chimpay tukunankukama.

Josué 3:3

Israelpa mirayninkunata kaynata kamachirqaku: Tayta Diospa pacto ruwasqan Arcata Leví ayllu sacerdotekunapa apasqanta rikuspaykichikmi qamkunapas maymi kasqaykichikmanta lloqsispa qatinkichik,

Josué 3:7

Hinaptinmi Josueyta Tayta Dios nirqa: Kunan punchawmanta qepamanmi, Israelpa mirayninkuna qawanankupaq anchata hatunchasqayki, chaynapim Moiseswan kasqayta hina qanwanpas kasqayta yachanqaku.

Josué 3:9

Chaymi Israelpa mirayninkunata Josué nirqa: Asuykamuspa Tayta Diospa nisqankunata uyariychik.

Josué 4:11

Llapa runakuna chimpayta tukuruptinkuñam, Tayta Diospa Arcan apaq sacerdotekunapas chimparurqaku, hinaspam llaqtapa ñawpaqninman churakuykurqaku.