Josué 3:3 - CHUYA QELLQA La Biblia en Quechua de Ayacucho 2012

³ Israelpa mirayninkunata kaynata kamachirqaku: Tayta Diospa pacto ruwasqan Arcata Leví ayllu sacerdotekunapa apasqanta rikuspaykichikmi qamkunapas maymi kasqaykichikmanta lloqsispa qatinkichik,

Quechua Ayacucho Bible 1987

³ Hinaspam runakunata kamachirqaku: —Yupaychasqanchik Tayta Diospa contrato baulninta Leviy casta sacerdotekunapa apasqanta qawarispaykichikmi qamkunapas lloqsinkichik maymi kasqaykichikmanta

Chuya Qellqa 1992

³ Israelpa mirayninkunata kaynata kamachirqaku: Tayta Diospa pacto ruwasqan Arcata Leví ayllu sacerdotekunapa apasqanta rikuspaykichikmi qamkunapas maymi kasqaykichikmanta lloqsispa qatinkichik,

Josué 3:3 Iomraidhean Croise

2~Samuel 6:13

Tayta Diospa Arcan apaqkuna soqta ichiyta puriruptinkum, Davidqa huk torotawan huk poqosqa carnerota Diospaq sacrificarqa.

2~Samuel 6:3

Moqopi kaq Abinadabpa wasinmantam Diospa Arcanta musoq carretaman churaykuspanku aparqaku.

1~Reyes 8:3

Maypacham Israelpa ancianonkuna chayaramuptinkum Arcata hoqarispa llapa sacerdotekuna aparqaku.

Jeremías 33:18

Leviypa mirayninmanta kaq sacerdotekunapas manam chinkanqachu, paykunam lliw kañana sacrificiokunatawan kawsaykunamanta ofrendakunata chaynataq wakin ofrendakunatapas sapa punchaw ofrecewanqaku, nispa.

Números 10:33

Tayta Diospa orqonmantam kimsa punchaw puriyta rirqaku. Chay kimsan punchawmi Tayta Diospa Arcan ñawpaqninkuta rirqa, samanankupaq sitiota maskastin.

Números 4:15

Santuariopi llapa serviciokunata huklawman apanankupaq Aaronwan churinkuna tapayta tukuruptinkum, Coatpa mirayninkuna yaykuspanku apanqaku. Ñoqapaq sapaqchasqa kaqkunatam ichaqa ama llapchanqakuchu, chaynapi ama wañurunankupaq. Chaynaqa, ñoqaman asuykuwanaykichik carpapi kaq tukuy ima kaqkunatam Coatpa mirayninkuna apanqaku.

Mateo 16:24

Chaymantam discipulonkunata nirqa: Pipas qatiwayta munaspaqa amaña kikillanpaq kawsaspayá cruzninta qepikuykuspa qatiwachun.

Mateo 8:19

Diospa leynin yachachiqñataqmi Jesusman asuykuspan nirqa: Yachachikuq, maymanña riptikipas qatisqaykipunim, nispan.

Deuteronomio 31:25

Tayta Diospa pacton waqaychana Arca apaq Levita-kunata nirqa:

Deuteronomio 31:9

Moisesmi kay yachachikuykunata qellqarqa, hinaspam Tayta Diospa pacton waqaychana Arca apaq Leví ayllu sacerdotekunaman chaynataq Israelpa llapallan ancianonkunaman qorqa.

Josué 3:4

chaynapi maynintam rinaykichikta yachanaykichikpaq. Qamkunaqa manam haykapipas chay ñannintaqa purirqankichikchu. Amam Arcamanqa asuykunkichikchu, huk kilómetro qepallatam rinkichik, nispa.

Josué 3:6

Sacerdotekunatapas kaynatam kamachirqa: Diospa pacto ruwasqan Arcata hoqarispa runakunapa ñawpaqninta chimpaychik, nispa. Chaymi paykuna, Diospa pacto ruwas-qan Arcata hoqarispanku runakunapa ñawpaqninta rirqaku.

Josué 3:8

Qanmi pacto ruwasqay Arca apaq sacerdotekunata kaynata kamachinki: Jordán mayupa patanman chayaruspaykichikmi yaku ukupi sayankichik, nispa.

Josué 4:10

Diospa Arcanta apaq sacerdotekunañataqmi Jordán mayupa chawpinpi sayarurqaku, llapa runakuna ruwananpaq Josueyman Tayta Diospa kamachisqanta ruway tukunankukama. Josueyman Moisespa kamachisqanman hinam imapas ruwasqa karqa. Chaymi llapa runa utqayllamanña chimparurqaku.

Josué 6:6

Chaymi sacerdotekunata qayaykuspan Nunpa churin Josué nirqa: Diospa Arcanta apaychik, qanchis sacerdotekunañataqyá carnerokunapa waqranmanta cornetayuqkama, Tayta Diospa Arcanpa ñawpaqninta richunku, nispa.

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.

1~Samuel 6:15

Levitakunañataqmi Tayta Diospa Arcanta uraykachirqaku chaynataq qori alhajakuna waqaychaq cajatapas, hinaspam chay hatun rumipa hawan-man churaykurqaku. Chay punchaw-mi Bet-semes llaqtayuqkuna, ofren-dakunata chaynataq animalkunata kañaspanku sacrificiota Tayta Diosman qorqaku.