Josué 3:16 - CHUYA QELLQA La Biblia en Quechua de Ayacucho 2012

¹⁶ hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku.

Quechua Ayacucho Bible 1987

¹⁶ Chaymi hanaymanta hamuq yaku qocharurqa. Qocharurqaqa Zaretan llaqtapa hichpan Adam llaqtapa hichpanpim otaq chimpaqkunapa karu hanayninpim. Kachi Qochaman otaq Araba lawpi qochaman riq yakuñataqmi allin richkaspan chakirurqa. Chaynapim mayu rakikururqa. Hinaptinmi runakuna Jerico llaqtapa chimpan lawman chimparurqaku.

Chuya Qellqa 1992

¹⁶ hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku.

Josué 3:16 Iomraidhean Croise

Génesis 14:3

Chay pichqantin reykunam Sidim qechwapi, Puchqo lamar qochapa kasqanpi huñunakururqaku.

1~Reyes 4:12

Ahiludpa churin Baanam kamachikurqa Taanacpi, Meguidopi hinaspa Jezreelpa urayninpi tarikuq Saretán llaqtapa hichpanpi kaq Bet-seanpi. Kamachikurqaqa Bet-seanmanta qallarispa Abel-mehola lawkamam chaynataq Jocmeampa waklawninkamam.

1~Reyes 7:46

Reymi kamachikurqa bronceta chulluchispa llinkumanta ruwasqa moldekunapi tukuy chaykunata ruwa-nankupaq. Chaykunataqa ruwarqa-ku Jordán mayupa patan pampakunapim Sucotmanta Saretanman rinapi.

Éxodo 14:21

Moisesmi lamar qochapa hawanman makinta haywarirqa, hinaptinmi tukuy tuta intipa qespimunan lawmanta Tayta Dios sinchi wayrawan lamar qochata iskayman rakinarurqa, hinaptinmi chaki allpa rikurirurqa.

Éxodo 14:22

Chaymi Israelpa mirayninkuna lamar qochapa chawpinta, chaki allpanta pasarqaku, yakukunam alleq lawninkupi hinaspa ichoq lawninkupi perqa hina karqa.

Éxodo 14:29

Israelpa mirayninkunam ichaqa lamar qochapa chawpinta, chaki allpanta pasarurqaku. Yakukunam alleq lawninkupi hinaspa ichoq lawninkupi perqa hina karqa.

Éxodo 15:8

Piñakuywan pukuruptikim yakukunapas iskayman rakikururqa, lamar qochapa olankunam perqa hina sayarurqa.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Ezequiel 47:8

Hinaptinmi niwarqa: Kay mayuqa richkan intipa qespimunan lawmanmi, hinaspam Jordán mayupa kallpanan wayqoman uray-kuchkan, chaymantam Puchqo lamar qochaman yaykunqa. Chayman chayaruptinmi chay qochapa yakunkuna miski yakumanña tikrakurunqa.

Nahúm 1:4

Lamar qochapas mayukunapas qaqchaptinqa chakirunmi, Basanpiwan Carmelo orqopi sachakunapas qawirunmi. Líbano orqopi waytakunapas qawirunmi.

Habacuc 3:8

Dios Taytalláy, ¿mayukunapa contranpichum piñakurunki? ¿Lamar qochapa contranpichum rabiakurunki? ¿Chayraykuchu caballoykikunapi sillakuspa kallpanki? ¿Chayraykuchu venceruq carretaykikunapi kallpanki?

Números 34:3

Sur lawmanmi kanqa Zin chunniqmanta qallarispa Edom nacionpa patankama; intipa qespimunan lawmanta qallarispam Puchqo lamar qochakama chayanqa.

Deuteronomio 1:1

Kaykunatam Israelpa mirayninkunaman Moisés rimarirqa Jordán mayupa waklawnin intipa qespimunan law chunniqpi, Puka lamar qochapa hanaynin Arabá lawpi chaynataq Parán, Tofel, Labán, Hazerot hinaspa Dizahab llaqtakunapa chawpinpi kachkaptinku.

Deuteronomio 3:17

Arabá qechwatapas paykunamanmi qorqani, chaypa linderonqa tukuy Jordán mayum kachkan. Chay mayuqa richkan Cineret qochamanta Arabá lamarkamam otaq Puchqo lamar qochakama. Chay lamarqa kachkan intipa qespimunan lawpi kaq Pisga orqopa uray waqtanpim.

Josué 12:3

Munaychakurqataqmi Jordán mayupa intipa qespimunan law qechwakunapipas, Cineret qochamanta qallarispa Puchqo lamar qochakama, sur lawmanñataq Bet-jesimot lawmanta qallarispa Pisga orqopa waqtankama.

Josué 15:2

Sur lawman linderonmi, Puchqo lamar qochamanta qallarirqa,

Josué 16:7

Atarot llaqtaman chaynataq Naarat llaqtaman uraykurqa, hinaspam Jericó llaqtapa patanta Jordán mayuman lloqsirqa.

Josué 3:13

Tukuy Atiyniyuq Diospa Arcanta apaq sacerdotekuna Jordán mayuta saruykuptinkum hinallapi takyarunqa. Hanaymanta kallpamuq yakukunam qocharuspan perqa hina churakurunqa, nispa.

Josué 4:22

hinaptinqa paykunamanmi kaynata willankichik: “Israelpa mirayninkunam Jordán mayupa chawpinta chaki allpantakama chimpamurqaniku.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Jueces 7:22

Israel castakunamanta kimsa pachak runakuna trompetankuta tocaptinkum, campamentopi kaq madianitakunata kikinkupurata Tayta Dios peleanarachirqa. Ayqespankuñataqmi Zerera lawman riq Bet-sita lawkama lluptirqaku, Tabat lawpa hichpanpi kaq Abel-mehola llaqtapa linderonkama.