Josué 3:15 - CHUYA QELLQA La Biblia en Quechua de Ayacucho 2012

¹⁵ Cosecha tiempopiqa, Jordán mayuqa tukuy patanman llimpanankamam huntan. Ichaqa Diospa Arcan apaq sacerdotekuna Jordán mayuman yaykuykuspa yakuta saruykuptinkum

Quechua Ayacucho Bible 1987

¹⁵ Baul apaq runakunam mayuman yaykuykurqaku chaymi baul apaq sacerdotekunapas mayupa patan yakuta saruykurqaku. Cosecha tiempopiqa Jordan Mayupa tukuy patankamam huntaq.

Chuya Qellqa 1992

¹⁵ Cosecha tiempopiqa, Jordán mayuqa tukuy patanman llimpanankamam huntan. Ichaqa Diospa Arcan apaq sacerdotekuna Jordán mayuman yaykuykuspa yakuta saruykuptinkum

Josué 3:15 Iomraidhean Croise

2~Reyes 2:6

Chaymantam Eliseota Elías nirqa: Tayta Diosmi Jordán mayuman kachawachkan, ama hina kaspayki kayllapi kachkay, nispa. Eliseoñataqmi nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaymi kuskanku pasarqaku.

1~Crónicas 12:15

Paykunam Jordán mayuta punta kaq killapi chimparurqaku, mayupas kuchun-kuchun llimparichkaptin, hinaspam qechwapi yachaqkunata intipa qespimunan lawman hinaspa intipa seqaykunan lawman cheqerachirqaku.

1~Crónicas 12:16

Chaynataqmi Benjaminpa hinaspa Judapa wakin mirayninkunapas Davidpa maymi pakakusqanman rirqaku.

Isaías 26:6

Ñakarichisqa runakunawan wakchakunam paykunataqa sarunqaku.

Jeremías 12:5

Sichum chakiwallawan kallpaqkunawan kallpaspa pisipachkaspaqa, ¿imaynataq caballopi kallpaqkunawanqa llallinakuwaq? Hawkayaypa kanan allpapi mana hawka kachkaspaqa, ¿imaynatataq Jordán mayupa patan montekunapiqa tarikuwaq?

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Nahúm 1:4

Lamar qochapas mayukunapas qaqchaptinqa chakirunmi, Basanpiwan Carmelo orqopi sachakunapas qawirunmi. Líbano orqopi waytakunapas qawirunmi.

Josué 3:13

Tukuy Atiyniyuq Diospa Arcanta apaq sacerdotekuna Jordán mayuta saruykuptinkum hinallapi takyarunqa. Hanaymanta kallpamuq yakukunam qocharuspan perqa hina churakurunqa, nispa.

Josué 4:18

Tayta Diospa Arcan apaq sacerdotekuna Jordán mayumanta chaki allpaman lloqsiramuptinkum, Jordán mayuqa manaraq chakichkaspan kallpasqanta hina, kaqllamanta kuchun-kuchun kallpayta qallaykurqa.