Josué 3:10 - CHUYA QELLQA La Biblia en Quechua de Ayacucho 2012

¹⁰ Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

Quechua Ayacucho Bible 1987

¹⁰ Kunanmi yachankichik kawsaq Diosqa ñoqanchikwan kasqanta. Paymi qamkunapa ñawpaqnikichikmanta qarqonqapuni Canaan casta runakunata, Het casta runakunata, Hiv casta runakunata, Ferez casta runakunata, Amor casta runakunata chaynataq Jebus casta runakunatapas.

Chuya Qellqa 1992

¹⁰ Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

Josué 3:10 Iomraidhean Croise

Génesis 15:21

amorreokunapa, cananeokunapa, gergeseokunapa chaynataq jebuseokunapa allpantapas, nispa.

1~Reyes 22:28

Chaymi Micaías nirqa: Sichum hawkalla kutimunki hinaptinqa manam Tayta Dioschu ñoqantakama rimarirqa. Chaynaqa, llapa runakuna nisqayta uyariychik, nispa.

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

1~Crónicas 1:14

Canaanmanta miramuqkunam karqa jebuseokuna, amorreokuna, gergeseokuna,

Éxodo 17:7

Chay sitiotam “Meriba” nispa suticharqaku, Israelpa mirayninkuna chaypi atipanakusqankurayku. Suticharqakutaqmi “Masah” nispapas, Tayta Diosta chaypi tentasqankurayku. Paykunam nirqaku: “¿Ñoqanchikwanchu Tayta Dios kachkan icha manachu?” nispanku.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Éxodo 33:2

Angelniytam kachamusaq ñawpaqnikita rispa cananeokunata, amorreokunata, heteokunata, ferezeokunata, heveokunata hinaspa jebuseokunata wischunanpaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Oseas 1:10

Chaywanpas, Israelpa mirayninkunaqa lamar qochapa patanpi mana yupay atina aqo hinañam kanqaku. “Qamkunaqa manam llaqtanchu kankichik nisusqaykichik sitiopim”, “qamkunaqa kawsaq Diospa llaqtanñam kankichik nispa”, nisunkichik.

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Mateo 16:16

Hinaptinmi Simón Pedro nirqa: Qamqa kanki kawsaq Diospa Churin Cristom, nispa.

Juan 6:69

Ñoqaykuqa ñam creenikuña, yachanikutaqmi kawsaq Diospa Churin kasqaykitapas, nispa.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.

Deuteronomio 5:26

Kawsaq Diospa ninapa chawpinmanta rimamusqanta ñoqayku hina uyarispaqa manam pipas kawsanmanchu.

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Deuteronomio 7:21

Paykunapa qayllanpiqa ama katkatataychikchu. Qamkunawan kaq Señornikichik Tayta Diosmi manchakuypaq hatu-hatun Diosqa.

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

Hebreos 10:31

¡Mayna mancharikuypaqmi kawsaq Diospa makinman wichiykuyqa!

Josué 11:3

hinaspa intipa qespimunan hinaspa seqaykunan lawpi kaq cananeokunamanpas. Paykunam karqaku amorreokuna, heteokuna, ferezeokuna, orqokunapi kaq jebuseokuna chaynataq Hermón orqopa waqtan Mizpa lawpi kaq heveokuna.

Josué 12:8

Chay allpapim tarikurqa orqokuna, moqokuna, Jordán mayupa patanpi qechwakuna, waqtakuna, chunniqkuna chaynataq Neguev law allpakunapas. Chaykunapim heteokuna, amorreokuna, cananeokuna, ferezeokuna, heveokuna hinaspa jebuseokuna yacharqaku.

Josué 21:45

Tayta Diosqa Israelpa mirayninkunaman prometesqantaqa lliwtam cumplirqa.

Josué 22:31

Chaymi paykunata sacerdote Eleazarpa churin Finees nirqa: Kunanmi yachaykuniku Tayta Diosqa ñoqanchikwan kasqanta, chayta ruwaspaykichikqa manam Tayta Diospa contranpi hatarinaykichikpaqchu nitaqmi payta qepan-chanaykichikpaqchu ruwarqankichik. Kunan-mi Tayta Diospa castigonmanta Israelpa wakin mirayninkunata libraruwankiku, nispa.

Josué 24:11

Chaymantam Jordán mayuta chimpamuspa Jericó llaqtaman chayamurqankichik. Hinaptinmi chay llaqtapi yachaq amorreokuna, ferezeokuna, cananeokuna, heteokuna, gergeseokuna, heveokuna chaynataq jebuseokunapas qamkunawan pelearqaku. Ñoqam ichaqa paykunata makikichikman churarqani.

Josué 3:9

Chaymi Israelpa mirayninkunata Josué nirqa: Asuykamuspa Tayta Diospa nisqankunata uyariychik.

Josué 9:1

Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 26:6

Chaymi David tapurqa, Het casta Ahimelecta chaynataq Sarviapa wawan Joabpa wawqen Abisaita kaynata: ¿Mayqannikichiktaq riraysiwanman Saulpa campamentonman? nispa. Hinaptinmi Abisai nirqa: Haku ñoqawan uraykusunchik, nispa.