Josué 24:7 - CHUYA QELLQA La Biblia en Quechua de Ayacucho 2012

⁷ Chaymi ñawpaq taytaykichikkuna qayakamuwaptinku hatun tutayaywan Egipto runakunamanta rakirqani. Lamar qochatam Egipto runakunapa hawanman kutiykachispay chaywan pamparachirqani. Qamkunaqa rikurqankichikmi Egipto runakunawan imam ruwasqaytaqa. Unay watam chunniqpi karqankichik.

Quechua Ayacucho Bible 1987

⁷ Chaymi tayta-mamaykichik qayakamuwaptinku churarqani tutayayta paykunapa qepanpi otaq Egipto runakunapa ñawpaqninpi. Lamar qochatam paykunapa hawanman kutiykachirqani chaymi paykunata taparurqa. Tayta-mamaykichikmi qawarqaku Egipto runakunawan imam rurasqayta. Paykunaqa chunniqpim karqaku unay watakuna.

Chuya Qellqa 1992

⁷ Chaymi ñawpaq taytaykichikkuna qayakamuwaptinku hatun tutayaywan Egipto runakunamanta rakirqani. Lamar qochatam Egipto runakunapa hawanman kutiykachispay chaywan pamparachirqani. Qamkunaqa rikurqankichikmi Egipto runakunawan imam ruwasqaytaqa. Unay watam chunniqpi karqankichik.

Josué 24:7 Iomraidhean Croise

Éxodo 14:10

Faraón hichpaykuptinñam, Israelpa mirayninkuna musyakururqaku Egipto runakuna paykunapa qepanta hamusqanta, chayraykum hatu-hatunta mancharikuspanku qaparispa Tayta Diosta mañakurqaku.

Éxodo 14:20

Egipto tropakunapa campamentonpa hinaspa Israel tropakunapa campamentonpa chawpinpim chay puyu churakuykurqa, chaymi Egipto runakunapaq tutayay karqa, Israel runakunapaqñataq achkiy; chaynapim chay tuta, israel runakunata Egipto tropakuna mana haypayta atirqakuchu.

Éxodo 14:31

Israel runakunaqa Tayta Diospa hatun atiyninwan Egipto runakunapa contranpi ruwasqanta qawaykuspankum Tayta Diosta manchakurqaku, hinaspam Tayta Diosman chaynataq serviqnin Moisespipas hapipakurqaku.

Deuteronomio 1:46

Chaynapim Cades lawpi unay yacharqankichik.

Deuteronomio 2:14

Cades-barnea lawmanta hamuspa Zered mayuta chimpamunanchikkamam kimsa chunka pusaqniyuq wataña pasarurqa. Chay watakunakamaqa guerrapaq akllasqa miraykunapas lliwñam wañururqaku, imaynam Tayta Diospa jurasqanman hina.

Deuteronomio 29:2

Chaymi Israelpa miraykunata huñuruspan Moisés nirqa: Egipto nacionpi kaspaykichikmi rikurqankichik imaynam rey Faraonta, serviqninkunata chaynataq llapallan runankunatapas Tayta Dios castigasqanta.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Hebreos 3:17

¿Pikunapaqtaq Diosqa tawa chunka watapuni piñakururqa? Payqa piñakururqa contranpi huchallikuqkunapaqmi, paykunam chunniqpi wañururqaku.

Josué 5:6

Israelpa mirayninkunaqa, tawa chunka watam chunniqpi purirqaku guerraman lloqsiq qarikuna tukunankama. Mana kasukusqankuraykum Tayta Dios jurarqa ñawpaq taytankuman prometesqan tukuy imapa kanan chaynataq tukuy imapa qespinan allpata mana qawachinanpaq.