Josué 24:33 - CHUYA QELLQA La Biblia en Quechua de Ayacucho 2012

³³ Aaronpa churin Eleazarpas wañu-kuptinmi churin Fineespa allpanpi pamparurqaku, Fineespa allpanqa karqa Efraín law orqokunapim, chay allpatam Fineesman Josué qorqa.

Quechua Ayacucho Bible 1987

³³ Wañukurqataqmi Aaronpa churin Eleazarpas hinaptinmi pamparurqaku churin Fineespa allpan moqopi otaq Efrain ayllupa allpan orqopi, chay allpataqa Josueymi qorqa Fineesman.

Chuya Qellqa 1992

³³ Aaronpa churin Eleazarpas wañukuptinmi churin Fineespa allpanpi pamparurqaku, Fineespa allpanqa karqa Efraín law orqokunapim, chay allpatam Fineesman Josué qorqa.

Josué 24:33 Iomraidhean Croise

2~Samuel 20:21

Manam chaynachu kanqa, Efraín orqokunapi yachaq Bicripa churin Sebam rey Davidpa contranpi hoqarikurun, payllata qoykamuwaychik, hinaptinqa kutikusaqmi kay llaqtamanta, nispa. Chaymi Joabta chay warmi nirqa: Chay runapa umanta qoruruspaykum perqapa hawanta wischuramusaqku, nispa.

1~Reyes 4:8

Paykunam kay llaqtakunapi kamachikurqaku: Hurpa churinqa kamachikurqa Efraín law orqokunapim.

2~Reyes 5:22

Hinaptinmi Gieziñataq nirqa: Allinllam kachkaniku, patronniy Eli-seom kachamuwachkan qanman kaynata willanaypaq: Kunanmi Efraín law orqokunamanta iskay joven profetakuna chayaramuwan, ama hina kaspaykiyá paykunaman qoykunaypaq kimsa chunka kimsayuq kilo qollqetawan iskay musoq pachakunata apachimuway, nispa.

Esdras 7:5

Buquim karqa Abisuapa churin, Abisuañataqmi Fineespa, Fineesñataqmi karqa Eleazarpa churin. Eleazarmi karqa punta kaq sacerdote Aaronpa churin.

Jobwan Sutichasqa Libro 30:23

Yachakunim wañuymanña apawasqaykita, yachakunim wañuqkunapa kasqanmanña apawasqaykita.

Éxodo 6:23

Aaronmi casarakurqa Aminadabpa churin hinaspa Naasonpa panin Elisabetwan. Paymi wachakurqa Nadabta, Abiuta, Eleazarta hinaspa Itamarta.

Éxodo 6:25

Aaronpa churin Eleazarpas Futielpa huknin warmi churinwanmi casarakurqa chaymi wachakurqa Fineesta. Paykunam Leví ayllukuna ukupi kamachikuqkuna karqaku.

Zacarías 1:5

Kunanqa, ¿maytaq chay ñawpaq taytaykichikkuna? ¿Profetakunapas wiñaypaqchu kawsanqaku?

Números 3:32

Leví ayllumanta kamachikuqkunapa kamachiqninmi karqa sacerdote Aaronpa churin Eleazar. Paymi santuario nanachikuqkunata kamachirqa.

Hechos 13:36

Cheqaptam Davidqa Diospa munasqanman hina wiñaymasinkunata yanaparqa, ichaqa ñawpaq taytankunapa hinam wañuruptinqa cuerpon ismururqa.

Hebreos 7:24

Jesusmi ichaqa wiñay kawsaq kasqanrayku mana pimanpas sacerdote kaynintaqa saqen-manchu.

Josué 14:1

Canaán allpatam Israelpa mirayninkunaman paykunapaña kananpaq, sacerdote Eleazarwan Nunpa churin Josué chaynallataq Israelpa mirayninkunapa kamachiqninkuna qorqaku.

Josué 22:13

Ichaqa manaraq richkaspankum Israelpa mirayninkunaqa, Galaad lawpi kaq Rubén aylluman, Gad aylluman chaynataq Manasespa wakin aylluman, sacerdote Eleazarpa churin Fineesta ñawpachirqaku.

Jueces 17:8

Paymi Judá lawpi Belén llaqtamanta lloqsirqa maypim yachananpaq maskastin, chaymi richkaspan Efraín law orqokunapi yachaq Micaiapa wasinman chayarurqa.

Jueces 18:13

Chaymanta pasaspankum Efraín law orqokunapi yachaq Micaiapa wasinman chayarurqaku.

1~Samuel 1:1

Efraín law orqonkunapim, Ramá llaqtapi yacharqa Elcana. Paymi karqa Jerohampa churin, Jerohamñataqmi Eliupa, Eliuñataqmi Tohupa, Tohuñataqmi Zufpa. Zufqa karqa Efratamantam.

1~Samuel 9:4

Chaymi Saúl rirqa Efraín law orqokunaman, chaymantam pasarqa Salisa lawkama, ichaqa manam asnokunata tarirqachu. Saalim lawman rispapas, Benjamín castakunapa allpanman rispapas manam tarirqachu.