Josué 24:31 - CHUYA QELLQA La Biblia en Quechua de Ayacucho 2012

³¹ Josueypa kawsanankamaqa chaynataq wiñaymasin ancianonkunapas kawsanankamaqa, Israelpa mirayninkunam Tayta Diosta servirqaku; chay ancianokunaqa rikurqakum Israelpa mirayninkunapaq Tayta Diospa tukuy ima ruwasqanta.

Quechua Ayacucho Bible 1987

³¹ Israelpa castankunam adorarqaku Tayta Diosta Josuey kawsanankama chaynataq Josueypa ancianomasinkuna kawsanankamapas. Chay ancianokunam qawarqaku Israel castakunapaq Tayta Dios tukuy ima rurasqankunata.

Chuya Qellqa 1992

³¹ Josueypa kawsanankamaqa chaynataq wiñaymasin ancianonkunapas kawsanankamaqa, Israelpa mirayninkunam Tayta Diosta servirqaku; chay ancianokunaqa rikurqakum Israelpa mirayninkunapaq Tayta Diospa tukuy ima ruwasqanta.

Josué 24:31 Iomraidhean Croise

Génesis 14:10

Sidim qechwaqa brea qochakunawan huntam tarikurqa, chaymi Sodomapa reyninwan Gomorrapa reynin lluptichkaspanku chayman wichiykurqaku, wakiqninñataqmi orqokunaman lluptirqaku.

2~Crónicas 24:2

Sacerdote Joiada kawsanankamaqa, Tayta Diospa munayninman hinam Joasqa allin kaqta ruwarqa.

2~Crónicas 34:33

Rey Josiasmi Israelpa mirayninkunapa yachasqan allpapi kaq millakuypaq kaqkuna ruwasqankuta chinkarachirqa, hinaspam Israel nacionpi llapallan runakunata kamachirqa Tayta Diosta yupaychanankupaq. Rey Josías kawsa-nankamaqa manam Diosmanta rakikurqakuchu, aswanqa ñawpaq taytankupa yupaychasqan Tayta Diostam kasukurqaku.

Hechos 20:29

Yachanim, ñoqa pasakuptiyqa pantachikuqkuna hamunanta, paykunam yarqasqa atoqkuna hina, iñiqkunata chinkarachiyta munanqaku.

Deuteronomio 11:2

Tayta Diospa corregisusqaykichikta reqsikuychik, chaykunataqa manam churikichikkunaqa yachankuchu nitaqmi rikurqakuchu. Tukuy atiyninwan ruwasqankunata hinaspa hatun kaynintayá yuyariychik,

Deuteronomio 11:7

Qamkunam testigo kankichik Tayta Diospa admirakuypaq kaqkuna ruwasqankunamantaqa.

Deuteronomio 31:13

Chaynapim kay yachachikuykunata manaraq yachaq miraynikichikkunapas uyarispanku Tayta Dios manchakuyta yachanqaku, Jordán mayuta chimpaspa Tayta Diospa qosqan allpapi kawsananku punchawkama.

Deuteronomio 31:29

Wañukuptiyqa cheqaptapunipas huchallikuspaykichikmi kay kamachisqayman hina kawsaymantapas karunchakurunkichik. Yachanitaqmi Tayta Diospa qayllanpi mana allinkunata ruwaspa payta piñachinaykichiktapas, chayraykum hamuq punchawkunapi castigasqa kankichik, nispa.

Filipenses 2:12

Kuyasqay wawqe-panillaykuna, qamkunawan kaptiymi tukuy tiempo kasuwarqankichik, ichaqa manam qamkunawan kaptillaychu, chaynaqa karupi kaptiypas aswanraqyá kasuwaychik. Manchakuywan hinaspa respetowanyá salvasqa kasqaykichikta allinta waqaychaychik,

Jueces 2:10

Josueypa wiñaymasinkunapas, ñawpaq taytanku hina wañukuptinkum paykunapa qepanta huk miraykunaña nacemurqa, paykunaqa manam Tayta Diosta reqsirqakuchu, nitaqmi Israelpa mirayninkunapaq Tayta Diospa imakunam ruwasqantapas yacharqakuchu.

Jueces 2:6

Runakunata Josué aviaruptinmi Israelpa mirayninkuna, tupaqninku allpaman sapakama pasakurqaku.

Jueces 2:7

Josueypa kawsanankamaqa chaynataq wiñaymasin ancianonkunapas kawsanankamaqa, Israel runakunam Tayta Diosta servirqaku; chay ancianokunaqa rikurqakum Israelpa mirayninkunapaq Tayta Diospa tukuy ima ruwasqanta.