Josué 24:27 - CHUYA QELLQA La Biblia en Quechua de Ayacucho 2012

²⁷ hinaspam llapallan runa-kunata nirqa: Kay rumim testigo kanqa Tayta Dios-pa niwasqanchik palabrakunata uyaris-qanrayku. Kay rumim qamkunapa contraykichikpi testigo kanqa, chaynapi Diosninchikpa contranpi ama llullakunaykichikpaq, nispa.

Quechua Ayacucho Bible 1987

²⁷ hinaspam llapallan runakunata nirqa: —Kay rumim serviwasunchik testigomanta Tayta Diospa niwasqanchik palabrakunata uyarisqanrayku. Kay rumimá testigo kanqa qamkunapa contraykichikpi chaynapi Diosninchiktaqa ama traicionanaykichikpaq —nispa.

Chuya Qellqa 1992

²⁷ hinaspam llapallan runakunata nirqa: Kay rumim testigo kanqa Tayta Diospa niwasqanchik palabrakunata uyarisqanrayku. Kay rumim qamkunapa contraykichikpi testigo kanqa, chaynapi Diosninchikpa contranpi ama llullakunaykichikpaq, nispa.

Josué 24:27 Iomraidhean Croise

Jobwan Sutichasqa Libro 31:23

Ñoqallayqa Diospa castigontam manchakurqani, paypa qayllanpiqa manam hoqarikuyta atiymanchu.

Jobwan Sutichasqa Libro 31:28

Chay ruwayqa castigopaqcha kanman, hanaq pachapi kaq Diosta negaycha kanman.

Proverbios 30:9

Yanqañataq saksanaykama mikuruspa qamta qepanchaspay niyman: ¿Pitaq Tayta Diosqa? nispay; otaq wakchayaspay suwakuyman, hinaspay sutikita penqayman churayman.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Isaías 59:13

Mana kasukuspam qepancharqaykiku, iskay uya kaspaykum traicionarqaykiku; contraykipim hatarirqaniku, runamasiykuta ñakarichinaykupaqmi rimarqaniku, engañanaykupaqmi sonqoykupipas tantearqaniku.

Habacuc 2:11

Perqapi rumikunapas wasikunapi qerukunapas contraykipim rimanqaku.

Números 11:20

Aswanqa killantinmi senqankutapas lloqsinankama hinaspa millakuspa aminankukama mikunqaku. Ñoqa Tayta Dios paykunawan kachkaptiymi qepanchawaspanku qayllaypi waqaspa nirqaku: “¿Imapaqraq Egipto nacionmanta lloqsimurqanchik?” nispanku.

Mateo 10:33

Runakunapa qayllanpi negaqniytam ichaqa ñoqapas hanaq pachapi kaq Taytaypa qayllanpi negasaq.

Lucas 19:40

Chaymi Jesusñataq nirqa: Sichum paykuna upallaruptinkuqa rumikunachá qaparinmanku, nispa.

Deuteronomio 30:19

Chaynaqa, cielokunatawan kay pachatam qamkunapa contraykichikpi testigota churani, kawsayta otaq wañuyta, bendecisqa kayta otaq ñakasqa kayta akllakunaykichikpaq qamkunaman nisqaymanta. Chaynaqa, kawsaytayá akllakuychik, qamkunapas miraynikichikkunapas kawsanaykichikpaq.

Deuteronomio 31:19

Kunanyá kay takita qellqaspa Israelpa mirayninkunaman takinankupaq yachachiychik, chaynapi Israelpa mirayninkunapa contranpi testigo kananpaq.

Deuteronomio 31:21

Chay hatun sasachakuykunapi chaynataq ñakariykunapi kaptinkum kay taki testigo kanqa, chaynapi mirayninkupas mana qonqanankupaq. Ñoqaqa yachaniñam qonaypaq jurasqay allpaman manaraq yaykuchkaspa imam tanteasqankutapas, nispa.

Deuteronomio 31:26

Kay kamachikuy librota Señornikichik Tayta Diospa Arcanman churaychik. Chaypi kachun, contraykichikpi testigo kananpaq.

Deuteronomio 32:1

¡Cielokuna, rimarisqayta uyariychik! ¡Kay pacha, rimarisqayta uyariy!

Deuteronomio 4:26

Kunanmi cielotawan kay pachata testigopaq churani, sichum chayta ruwaspaykichikqa Jordán mayupa waklaw chimpanpi yachanaykichik allpamantam chinkachisqa kankichik. Manam unaychu chaypiqa kankichikpas, aswanqa chinkachisqapunim kankichik.

Tito 1:16

Paykunam ninku: “Diostam reqsiniku” nispanku, ruwasqankuwanmi ichaqa Diosta neganku. Paykunaqa chiqnikuqmi, mana kasukuqmi hinaspa allin kaqkuna mana ruway munaqmi kachkanku.

Josué 22:34

Rubén aylluwan Gad ayllu hinaspa Manasespa wakin aylluñataqmi chay altarta “Ed” nispa suticharqaku. Chaynataqa suticharqaku: Kay altarmi testigo kanqa Tayta Dioslla ñoqanchikpaq cheqap Dios kasqanmanta, nispanku.

Josué 24:28

Chaymantam Josueyqa runakunata aviarurqa allpankuman sapakama kutikunankupaq.

Apocalipsis 3:8

Ñoqaqa yachanim imam ruwasqaykita. Qawariyá punkutam kichaykapuyki, chaytaqa manam pipas wichqanmanchu; pisi kallpayuq kachkaspaykipas pala-braykunatam kasukurqanki, manataqmi sutiytapas negawarqankichu.

1~Samuel 7:12

Chaymantam Samuelqa huk rumita hapispan señalpaq churarqa Mizpaman chaynataq Sen llaqtaman riq ñanpi. Hinaspam suticharqa “Eben-ezerwan”. Chaynataqa suticharqa “kunankamam Dios yanapaykuwanchik”, nispanmi.