Josué 24:18 - CHUYA QELLQA La Biblia en Quechua de Ayacucho 2012

¹⁸ Tayta Diosmi llapa llaqtakunata chaynataq amorreokunatapas qayllanchikmanta qarqorqa. Chayraykum ñoqaykuqa Tayta Diosllata servisaqku. Payllam ñoqaykupa Diosniykuqa, nispanku.

Quechua Ayacucho Bible 1987

¹⁸ Tayta Diosmi qayllanchikmanta qarqorqa llapallan runakunata otaq chay allpapi *f**yachaq Amor casta runakunata. Chaynaqa ñoqaykuqa adorasaqku Tayta Diosllatam. Payllam ñoqaykupa Diosniykuqa —nispa.

Chuya Qellqa 1992

¹⁸ Tayta Diosmi llapa llaqtakunata chaynataq amorreokunatapas qayllanchikmanta qarqorqa. Chayraykum ñoqaykuqa Tayta Diosllata servisaqku. Payllam ñoqaykupa Diosniykuqa, nispanku.

Josué 24:18 Iomraidhean Croise

Éxodo 10:2

Chaynapi Egipto nacionpi tukuy imam ruwasqaymanta churikikunaman hinaspa willkaykikunaman willanaykipaq. Chaynapim ñoqa Tayta Dios kasqayta yachankichik, nispa.

Éxodo 15:2

Tayta Diosmi kallpanchaqniyqa, Tayta Diosmi salvawaqniyqa, chaymi payman takipusaq. Payqa ñoqapa Diosniymi, chayraykum yupaychasaq; payqa ñawpaq taytaykunapa Diosninmi, chayraykum hatunchasaq.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Miqueas 4:2

Llapallan nacionkunam chayman rispanku ninqaku: Tayta Diospa akllakusqan orqoman hakuchik, Jacobpa Diosninpa wasinman risunchik; paymi yachachiwasun paypaq hina kawsakuyta, paypa munasqanman hinaña purisunchik, nispanku. Sión moqomantam kamachikuy lloqsimunqa, Jerusalenmantañataqmi Tayta Diospa Chuya simin lloqsimunqa.

Zacarías 8:23

Tukuy Atiyniyuq Tayta Diosmi kaynata nin: Chay punchawkunapim, tukuy rikchaq rimayniyuq huklaw nacionkunamanta chunka runakuna, Judá nacionniyuq runata capanmanta hapipakuruspa ninqaku: “Qamkunawan riytam munaniku, qamkunawan Dios kasqantam uyariruniku”, nispanku.

Hechos 7:45

Kay carpatam ñawpaq taytanchikkuna herenciata hina chaskirqaku, hinaspam Josueywan hamuspanku, huk casta runakunata allpanmanta qarqoruspanku, kay allpanchikman apamurqaku. Diosmi qayllanmanta chay runakunata qarqorqa, kay allpata ñawpaq taytanchikkunaman qonanpaq. Chaypim karqa rey Davidpa tiemponkama.

Deuteronomio 10:21

Qamkunaqa payllatam yupaychankichik, Diosnikichikqa qamkunaraykum hatun manchakuypaq kaqkunata ruwarqa, qawachkaptikichikmi chaykunataqa ruwarqa.

Deuteronomio 33:27

Wiñaypaq kawsaq Diosmi pakakunaykiqa, wiñaypaq atiyninwanmi marqasunki. Ñawpaqnikichikmantam enemigoykichikta wischunqa, chinkachinaykichikpaqmi kamachikunqa.

Josué 23:9

Tayta Diosmi hatun hinaspa atiyniyuq nacionkunata qayllaykichikmanta qarqorqa.

Josué 24:17

Señorninchik Tayta Diosmi ñawpaq taytanchikkunatapas ñoqanchiktapas esclavo kachkaptinchik Egipto nacionmanta hurqomuwarqanchik. Paymi qayllanchikpi admirakuypaq kaqkunata ruwaspa hamusqanchik ñanpipas chaynataq pasamusqanchik allpapi runakunamantapas waqaychawarqanchik.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.