Josué 24:17 - CHUYA QELLQA La Biblia en Quechua de Ayacucho 2012

¹⁷ Señorninchik Tayta Diosmi ñawpaq taytanchikkunatapas ñoqanchiktapas esclavo kachkaptinchik Egipto nacionmanta hurqomuwarqanchik. Paymi qayllanchikpi admirakuypaq kaqkunata ruwaspa hamusqanchik ñanpipas chaynataq pasamusqanchik allpapi runakunamantapas waqaychawarqanchik.

Quechua Ayacucho Bible 1987

¹⁷ Yupaychasqanchik Tayta Diosmi ñoqanchiktaqa chaynataq abuelonchikkunatapas Egipto nacionmanta sirviente kachkaptinchik horqomuwarqanchik. Paymi qayllanchikpi chay hatun milagrokunata rurarqa, paytaqmi waqaychawarqanchik hamusqanchik ñanpipas hinaspa pasamusqanchik allpapi runakunamantapas.

Chuya Qellqa 1992

¹⁷ Señorninchik Tayta Diosmi ñawpaq taytanchikkunatapas ñoqanchiktapas esclavo kachkaptinchik Egipto nacionmanta hurqomuwarqanchik. Paymi qayllanchikpi admirakuypaq kaqkunata ruwaspa hamusqanchik ñanpipas chaynataq pasamusqanchik allpapi runakunamantapas waqaychawarqanchik.

Josué 24:17 Iomraidhean Croise

2~Crónicas 13:10

Ñoqaykupa Diosniykuqa Tayta Diosmi, paytaqa manam saqerqanikuchu. Tayta Diospa serviqnin sacerdotekunapas kachkan Aaronpa mirayninkunam, yanapaqninkunapas kachkan levitakunam.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 19:4

“Qamkunaqa qawarqankichikmi Egipto runakunata imam ruwasqayta, qawarqankichiktaqmi ankapa rapranpi hina ñoqapa kasqayman qamkunata apamusqaytapas.

Isaías 46:4

Yuyaqña kanaykichikkamapas ñoqaqa hina kaqllam kasaq, soqo umaña kachkaptikichikpas nanachikusqaykichikmi; unanchaqnikichik kasqayraykum apasqaykichik, nanachikuspaymi waqaychasqaykichik.

Deuteronomio 29:2

Chaymi Israelpa miraykunata huñuruspan Moisés nirqa: Egipto nacionpi kaspaykichikmi rikurqankichik imaynam rey Faraonta, serviqninkunata chaynataq llapallan runankunatapas Tayta Dios castigasqanta.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.

Deuteronomio 7:19

Kaytam yuyarinkichik: Señornikichik Tayta Diosmi Egipto nacionmanta hatun milagrokunawan chaynataq admirakuypaq señalkunawan hurqomuwarqanchik, chaykunataqa rikurqankichikmi. Chaynatam manchakusqaykichik nacionkunatapas ruwanqa.

Josué 24:16

Chaymi llapa runakunañataq nirqaku: Tayta Diospas amayá munachunchu payta saqeruspa idolokunataña servinaykutaqa.

Josué 24:18

Tayta Diosmi llapa llaqtakunata chaynataq amorreokunatapas qayllanchikmanta qarqorqa. Chayraykum ñoqaykuqa Tayta Diosllata servisaqku. Payllam ñoqaykupa Diosniykuqa, nispanku.