Josué 24:11 - CHUYA QELLQA La Biblia en Quechua de Ayacucho 2012

¹¹ Chaymantam Jordán mayuta chimpamuspa Jericó llaqtaman chayamurqankichik. Hinaptinmi chay llaqtapi yachaq amorreokuna, ferezeokuna, cananeokuna, heteokuna, gergeseokuna, heveokuna chaynataq jebuseokunapas qamkunawan pelearqaku. Ñoqam ichaqa paykunata makikichikman churarqani.

Quechua Ayacucho Bible 1987

¹¹ Chaymantam Jordan Mayuta chimparuspa chayamurankichik Jerico llaqtaman. Chay llaqtapi yachaqkunam qamkunawan pelearqaku, pelearqakutaqmi Amor casta runakunapas, Ferez casta runakunapas, Canaan casta runakunapas, Het casta runakunapas, Girges casta runakunapas, Hiv casta runakunapas chaynataq Jebus casta runakunapas. Ñoqam ichaqa paykunata makikichikman churarqani.

Chuya Qellqa 1992

¹¹ Chaymantam Jordán mayuta chimpamuspa Jericó llaqtaman chayamurqankichik. Hinaptinmi chay llaqtapi yachaq amorreokuna, ferezeokuna, cananeokuna, heteokuna, gergeseokuna, heveokuna chaynataq jebuseokunapas qamkunawan pelearqaku. Ñoqam ichaqa paykunata makikichikman churarqani.

Josué 24:11 Iomraidhean Croise

Génesis 15:19

Qosaqtaqmi ceneokunapa, cenezeokunapa, cadmoneokunapa,

Éxodo 13:5

Tayta Diosmi cananeokunapa, heteokunapa, hititakunapa hinaspa jebuseokunapa allpanman pusasunkichik. Ñawpaq taytaykichikmanmi jurarqa tukuy imakunapa kanan chaynataq tukuy kawsaypa qespinan allpata qosunaykichikpaq. Chay allpaman yaykuspaykichikmi kay fiestata Abib killapi ruwankichik.

Éxodo 23:23

Angelniymi puntaykita rispa amorreokunapa, heteokunapa, ferezeokunapa, cananeokunapa, hititakunapa hinaspa jebuseokunapa kasqanman pusasunki. Paykunataqa ñoqam puchukachisaq.

Éxodo 23:28

Qampa ñawpaqnikitam wayliskunata kachasaq, chaynapim heveokunata, cananeokunata hinaspa heteokunata ñawpaqnikimanta wischusaq.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Éxodo 33:2

Angelniytam kachamusaq ñawpaqnikita rispa cananeokunata, amorreokunata, heteokunata, ferezeokunata, heveokunata hinaspa jebuseokunata wischunanpaq.

Hechos 13:19

Canaán allpapi qanchis nacionkunata chinkachispam chay allpata ñawpaq taytanchikkunaman qorqa.

Hechos 7:45

Kay carpatam ñawpaq taytanchikkuna herenciata hina chaskirqaku, hinaspam Josueywan hamuspanku, huk casta runakunata allpanmanta qarqoruspanku, kay allpanchikman apamurqaku. Diosmi qayllanmanta chay runakunata qarqorqa, kay allpata ñawpaq taytanchikkunaman qonanpaq. Chaypim karqa rey Davidpa tiemponkama.

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Josué 3:10

Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

Josué 4:1

Jordán mayuta llapa runa chimpayta tukuruptinkum, Josueyta Tayta Dios nirqa:

Josué 4:19

Israelpa mirayninkunam punta kaq killapa chunka kaq punchawninpi, Jordán lawmanta lloqsispanku, Gilgalpi campamentonkuta sayachirqaku, Jericó llaqtapa intipa qespimunan lawninpi.

Josué 4:23

Tayta Diosmi, qamkunapa Diosnikichikmi, chimpayta tukumunaykukama Jordán mayuta qayllaykupi chakirachirqa, imaynam Puka lamar qochatapas lliw chimpay tukumunaykukama chakichisqanta hina.

Josué 9:2

Hinaspam huk runa hinalla, Josueypa chaynataq Israelpa contranpi peleanankupaq huñunakururqaku.