Josué 23:13 - CHUYA QELLQA La Biblia en Quechua de Ayacucho 2012

¹³ Señorninchik Tayta Diospas manam qamkuna ukumanta chay nacionkunata qarqonqachu, aswanqa paykunam qamkunapaq kanqa wichinaykichikpaq toqlla hina, malla hina, wasaykichikpaq azote hina, ñawikichikpaq kichka hina. Chaynaqa, kanqaku Señornikichik Tayta Diospa qosusqaykichik allin allpamanta chinkanaykichikkamam.

Quechua Ayacucho Bible 1987

¹³ yupaychasqanchik Tayta Diosqa manam qarqonqachu qamkunawan yachaq chay runakunata aswanqa paykunam kanqa qamkunapaq toqlla hina, hapisunaykichikpaq malla hina, wasaykichikpaq azote hina chaynataq ñawikichikpaqpas kichka hina. Chaynaqa kanqaku yupaychasqanchik Tayta Diospa qosusqaykichik kay allin allpamanta chinkanaykichikkamam.

Chuya Qellqa 1992

¹³ Señorninchik Tayta Diospas manam qamkuna ukumanta chay nacionkunata qarqonqachu, aswanqa paykunam qamkunapaq kanqa wichinaykichikpaq toqlla hina, malla hina, wasaykichikpaq azote hina, ñawikichikpaq kichka hina. Chaynaqa, kanqaku Señornikichik Tayta Diospa qosusqaykichik allin allpamanta chinkanaykichikkamam.

Josué 23:13 Iomraidhean Croise

1~Reyes 11:4

Yuyaqyaruptinmi Salomonta chay warminkuna sapaq dios-kunataña yupaychachirqaku, chaynapim payqa mana taytan David hinachu tukuy sonqonwan Tayta Diosman hapipakurqa.

2~Reyes 17:18

Chayraykum Israelpa contranpi anchallataña piñakuruspan qayllanmanta Tayta Dios chinkarachirqa, Judá ayllullañam puchururqa.

2~Reyes 17:20

Chayraykum Israelpa mirayninkunata Tayta Dios qepancharurqa. Ñakarichispanmi qayllanmanta chinkarachinankama salteaqkunaman qoykurqa.

2~Reyes 25:21

Babilonia nacionpa reynin kamachiptinmi Hamat law Ribla llaqtapi paykunata wañurachirqaku. Chaynatam Judá nacionniyuq runakunata llaqtankumanta huklawman presota aparqaku.

2~Reyes 25:26

Hinaptinmi Babilonia runakunata manchakuspanku llapa runakuna taksapas hatunpas tropakunapa capitanninkunapiwan Egipto nacionman lluptikurqaku.

Éxodo 10:7

Chaymi Faraonta serviqninkuna nirqaku: ¿Haykapikamataq kay runa sasachakuyllata qowasunchik? Israelpa mirayninkunata kachariy, chaynapi Tayta Diosta yupaychamunankupaq. ¿Manachu rikunki paykunarayku lliw Egipto nacionqa purmachisqa kasqanta? nispanku.

Éxodo 23:33

Amam allpaykipipas yachanqakuchu, yanqañataq idolonkuta yupaychaspayki contraypi huchallikuwaq. Chayqa pantaymanmi aparusunkiman.

Éxodo 34:12

Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urma-chisuqnikichik rumi hina kanmanku.

Éxodo 34:16

Yanqataq churikichikkunatapas chaypi kaq warmikunawan casarachiwaqchik, hinaptin chuchumikayaruq casada warmi hina churikichikkunatapas diosninkunaman pusanman hinaspa chaykunataña yupaychachinman.

Ezequiel 28:24

Israel nacionqa manañam haykapipas muyuriqninpi nacionkunapa cheqnikuyninkuta chaskinqañachu, chay cheqnikuyninkum kichka hina tuksirqa, puyapa tuksisqan hinam nanakurqa. Chaynapim Tayta Dios kasqayta yachanqaku, nispayki.

Números 33:55

Chay allpapi yachaq runakunata mana qarqoptikichikqa hinalla kaspankum ñawikichikpi astilla otaq waqtaykichikmanta tipasuqnikichik kichka hina kanmanku, hinaspam yachasqaykichik allpapi ñakarichisunkichikman.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 29:28

Tayta Diosmi anchallataña piñakuruspan allpankumanta qarqorurqa, hinaspam kunan qawasqaykichikpi hinapas huklaw nacionkunamanña wischururqa”, nispa.

Deuteronomio 30:18

kunanmi nikichik: Wañunkichikpunim. Jordán mayuta chimparuspa Tayta Diospa qosusqaykichik allpapipas manam unaychu kawsankichik.

Deuteronomio 4:26

Kunanmi cielotawan kay pachata testigopaq churani, sichum chayta ruwaspaykichikqa Jordán mayupa waklaw chimpanpi yachanaykichik allpamantam chinkachisqa kankichik. Manam unaychu chaypiqa kankichikpas, aswanqa chinkachisqapunim kankichik.

Deuteronomio 7:16

Qamkunam ichaqa Señornikichik Tayta Diospa qosusqaykichik allpapi llaqtakunata chinkachinkichik, amam llakipayankichikchu, nitaqmi diosninkunatapas yupaychankichikchu, yanqañataqmi urmachisuqnikichik kanman.

2~Timoteo 2:26

chaynapi pantaypi kasqankuta reqsikuspanku diablopa presochasqanmanta lluptinankupaq. Paykunaqa diablopa watasqanmi kachkanku paypa munayninta ruwanankupaq.

Jueces 2:21

chayraykum ñoqapas mana qarqosaqchu Josueypa mana qarqosqan nacionkunataqa, nispa.