Josué 23:10 - CHUYA QELLQA La Biblia en Quechua de Ayacucho 2012

¹⁰ Nisusqaykichikman hinam qamkunamanta chulla runalla waranqa runakunata qatikacharunqa, Señorninchik Tayta Diosmi qamkunarayku peleanqa.

Quechua Ayacucho Bible 1987

¹⁰ Paypa prometesusqaykichikpi hinam qamkunamantaqa chullalla runa lluptichinqa waranqa runata. Yupaychasqanchik Tayta Diosmi peleanqa qamkunamanta.

Chuya Qellqa 1992

¹⁰ Nisusqaykichikman hinam qamkunamanta chulla runalla waranqa runakunata qatikacharunqa, Señorninchik Tayta Diosmi qamkunarayku peleanqa.

Josué 23:10 Iomraidhean Croise

2~Samuel 23:8

Kaykunam Davidpa allinnin qari-qari soldadonkuna karqaku: Tacmón casta Joseb-basebet, paymi Davidpa tropankunapa kimsa capitanninkunapa kamachiqnin karqa. Paymi huk kutipi pusaq pachak soldadokunata lanzanwan wañurachirqa.

1~Crónicas 5:20

Paykunam peleachkaspanku Diosta mañakurqaku, chaymi Diosman hapipakusqankurayku yanapaptin, Agarta yanapaqninkunatawan kuskata vencerurqaku.

1~Crónicas 5:22

Ene-migonkuqa nana-nanaqmi wañururqaku, Tayta Dios peleasqanrayku. Chaynapim paykunaña chaypi yacharqaku preso apasqa kasqankukama.

Éxodo 14:14

Tayta Diosmi rantikichikpi peleanqa, qamkunaqa hawkalla kaychik, nispa.

Isaías 30:17

Chullalla runapa manchachisqanmi waranqa runakuna lluptinqaku; pichqa runakunapa manchachisqanñataqmi llapallaykichik ayqenkichik, orqopa puntanpi chullalla kaspi hina kanaykichikkama, moqopi sayarachisqa bandera hina kanaykichikkama.

Levítico 26:7

Enemigoy-kichikkunatapas qatispam espadawan wañuchinkichik.

Levítico 26:8

Pachak enemigoykichiktam pichqalla qatikacharunkichik, chunka waranqatañataqmi pachaklla qatikacharunkichik. Chay-natam enemigoykichikta espadawan wañuchinkichik.

Zacarías 12:8

Chay punchawpim Jerusalenpi yachaqkunata Tayta Dios waqaychanqa; chay tiempopiqa manchati runapas rey David hinam allinnin qari-qari kanqa, rey Davidpa mirayninkunañataqmi Dios hinaraq kanqaku, ñawpaqninkuta riq Tayta Diospa angelnin hinaraqmi kanqaku.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 20:3

ninqa: “Israelpa mirayninkuna uyariychik, kunanmi enemigoykichikwan peleamunkichik. Ama hukmanyaychikchu nitaq manchakuychikchu. Amataq paykunapa qayllanpiqa katkatataychikchu.

Deuteronomio 20:4

Señornikichik Tayta Diosmi qamkunawan kachkan, paymi enemigoykichikpa contranpi peleaspan vencechisunkichik”, nispa.

Deuteronomio 28:7

Tayta Diosmi enemigoykichikkunata vencechisunkichik. Huk ñanllantam contraykichikpi hamunqaku, ichaqa qanchis ñannintam qamkunamanta ayqenqaku.

Deuteronomio 3:22

Amam paykunataqa manchakunkichikchu, Señornikichik Tayta Diosmi qamkunapa rantikichikpi peleanqa”, nispa.

Deuteronomio 32:20

Chayraykum Tayta Dios nirqa: Paykunatam qepanchakurusaq, imatas ruwanqaku; paykunaqa mana allin ruwaqkunam, paykunaqa iskay uya churikunam.

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

Josué 10:42

Josueymi chay llaqtakunata patanmanta qallaykuspa lliwta chinkarachirqa. Chaynataqa ruwarqa Israelpa yupaychasqa Tayta Dios yanapasqanraykum.

Josué 23:11

Chaynaqa, mana allinkunamanta waqaychakuspayá Señorninchik Tayta Diosta kuyaychik.

Josué 23:3

Qamkunaqa rikurqankichikmi Señor-ninchik Tayta Diospa llapallan chay nacionkunata qamkunarayku tukuy ima ruwasqantaqa. Señorninchik Tayta Diosmi qamkunarayku pelearqa.

Jueces 15:15

Chaymantam wañusqa asnopa kakichunta tariruspa, chaywan waranqa filisteokunata wañurachirqa.

Jueces 3:31

Aodpa qepantañataqmi Anatpa churin Samgarña hatarirqa, paymi torokunata tuksina puyawan filisteokunamanta soqta pachak runakunata wañurachirqa, paypas Israelpa mirayninkunatam librarqa.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.