Josué 22:9 - CHUYA QELLQA La Biblia en Quechua de Ayacucho 2012

⁹ Chaynatam Manasespa wakin ayllu-manta, Rubén ayllumanta, Gad ayllumanta kaqkuna, wakin ayllumasinkumanta Canaán lawpi kaq Silo llaqtapi rakikuykuspanku Galaad lawpi allpankuman kutikurqaku. Chaypim paykunapa allpan karqa Moisesman Tayta Diospa kamachisqanman hina.

Quechua Ayacucho Bible 1987

⁹ Ruben ayllumanta, Gad ayllumanta chaynataq Manases parten ayllumanta runakunam kutikurqaku. Pasakurqakumá Galaad law allpankuman. Chay allpatam chaskirqaku Moisesman Tayta Diospa kamachisqanta hina.

Chuya Qellqa 1992

⁹ Chaynatam Manasespa wakin ayllumanta, Rubén ayllumanta, Gad ayllumanta kaqkuna, wakin ayllumasinkumanta Canaán lawpi kaq Silo llaqtapi rakikuykuspanku Galaad lawpi allpankuman kutikurqaku. Chaypim paykunapa allpan karqa Moisesman Tayta Diospa kamachisqanman hina.

Josué 22:9 Iomraidhean Croise

2~Samuel 2:9

Paytam Galaadpi, Aserpi, Jezreelpi, Efraín ayllupi, Benjamín ayllupi hinaspa lliw Israel nacionpi munaychakunanpaq churarurqa.

1~Crónicas 5:9

Intipa qespimunan lawmanñataqmi chayarqa Eufrates mayumanta qallariq chunniqkama, uywankuna Galaad allpapi llumpayta mirarusqanrayku.

Números 32:1

Rubenpa chaynataq Gadpa mirayninkunam animalsapa kasqankurayku, Jazer lawpi hinaspa Galaad lawpi allpakunata animalkunapaq kusallaña kasqanta qawaykurqaku.

Números 32:20

Chaymi Moisés nirqa: Chaynaqa, nisqaykichikpi hinayá allinta armakuspa guerrapi peleanaykichikpaq Tayta Diospa ñawpaqninta riychik.

Números 32:22

Chay allpakunata Tayta Dios qoykusuptikichikñam kuti-kamunkichik, chaynapim kay prometekusqaykichikmanta Tayta Diospaqpas chaynataq Israel miraykunapaqpas libreña kankichik, hinaptinmi kay allpaqa qamkunapaña kanqa imaynam Tayta Diospa nisqanman hina.

Números 32:26

Churiykuwan warmiykum ichaqa lliw animalniykupiwan Galaadpi qepanqaku.

Números 32:29

Sichum Gadpa chaynataq Rubenpa mirayninkuna guerrapaq armasqa qamkunawan kuska Tayta Diospa ñawpaqninta Jordán mayuta chimpaptinku, chay allpakuna makikichikpiña kaptinqa, Galaad allpatam paykunaman qonkichik.

Deuteronomio 3:18

Chaypim kay kamachikuykunata nirqaykichik: “Señornikichik Tayta Diosmi kay allpata qamkunaman qoykusunkichik; ichaqa aylluykichik Israel miraykunapa ñawpaqnintam guerrapaq allin armasqakama llapallaykichik rinkichik.

Deuteronomio 3:20

Tupaqnikichik allpamanqa kutimunkichik, qamkunaman qosusqaykichikta hina wakin aylluykichikmanpas hawkayayta Tayta Dios qoykuptinñam, Jordán mayupa chimpanpi Señornikichik Tayta Diospa qosqan allpata hapikuykuptinkuñam”, nispa.

Deuteronomio 34:1

Moisesmi Moab lawpi Nebo orqoman rirqa, hinaspam Pisga orqopa puntanman qespirqa, chay orqokunaqa Jericó llaqtapa chimpanpim kachkan. Chaymantam Tayta Dios qawachirqa Galaad lawpi allpamanta qallaykuspa Danpa,

Josué 13:11

Qorqataqmi Galaad allpatapas, gesuritakunapa hinaspa maacateokunapa allpantapas, Hermón orqomanta qallaykuspa Basán allpatapas Salca llaqtakama,

Josué 13:25

Paykunapam karqa Jazer llaqtawan Galaad lawpi llapallan llaqtakunapas chaynataq amonitakunapa allpanpa partenpas, Rabá llaqtapa chimpanpi kaq Aroer llaqtakama.

Josué 13:31

Paykunapataqmi karqa Galaad allpapa partenpas, Astarot llaqtapas chaynataq Edrei llaqtapas. Chaykunaqa karqa Basán lawpi rey Ogpa munaychakusqan llaqtakunam. Chay allpakunam karqa Manasespa churin Maquirpa wakin ayllunkunapaq haykam kasqankuman hina.

Josué 22:10

Manasespa wakin ayllumanta, Rubén ayllumanta, Gad ayllumanta kaqkunam, Canaán lawpi Jordán mayupa patanman chayaruspanku hatun altarta hatarichirqaku.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Jueces 5:17

Galaad ayllukunam Jordán mayupa chimpanpi qeparamurqaku, Dan ayllukunam barcokunapa waqtanpi qeparamurqaku; Aser ayllukunapas lamar qochapa patanpim qeparamurqaku, barconkunapa sayananpim qeparamurqaku.