Josué 22:6 - CHUYA QELLQA La Biblia en Quechua de Ayacucho 2012

⁶ Chaynata nispanmi Josueyqa bendeciykuspan paykunata wasinkuman aviarurqa.

Quechua Ayacucho Bible 1987

⁶ Josueymi paykunapaq Tayta Diospa bendicionninta mañakuspa paykunata aviaykurqa. Hinaptinmi paykunaqa pasakurqaku wasinkuman.

Chuya Qellqa 1992

⁶ Chaynata nispanmi Josueyqa bendeciykuspan paykunata wasinkuman aviarurqa.

Josué 22:6 Iomraidhean Croise

Génesis 14:19

Paymi Abramta bendecispan nirqa: Abram, kay pacha hanaq pacha unanchaq Diosyá bendecisunki.

Génesis 47:10

Faraonta bendeciykuspanmi qayllanmanta Jacob lloqsimurqa.

Génesis 47:7

Joseymi taytan Jacobta Faraonpa qayllanman pusaykurqa, hinaptinmi Faraonta Jacob bendeciykurqa.

2~Samuel 6:18

Ofrendakuna ofreceyta tukuruspanmi, Davidqa llapa runakunata Tukuy Atiyniyuq Tayta Diospa sutinpi bendeciykurqa.

2~Samuel 6:19

Hinaspanmi chaypi tarikuq Israel runakunaman, qarimanpas warmimanpas, huk tantanka, huk parten aychata chaynataq uvas pasasmanta huk parten tortillata aypurqa. Chaymantam lliw runakuna sapakama wasinkuman kutikurqaku.

2~Samuel 6:20

Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: Israelpa reynin, ¡mayna alabasqam kunan punchaw karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

1~Reyes 8:66

Fiesta tukuypa paqarinnintin pun-chawtam llapa runakunata rey Salomón aviarurqa, chaymi llapa runakunaqa kusisqallaña wasinkuman sapakama ripukurqaku. Paykunaqa kusikurqaku serviqnin Davidpaqpas chaynataq Israelpa mirayninkunapaqpas Tayta Dios tukuy allinkuna ruwasqanrayku.

2~Crónicas 30:18

Achka runakunam Efraín, Manasés, Isacar hinaspa Zabulón ayllukunamanta mana chuyanchasqachu karqaku, chayna kachkaspankupas Pascua animalpa aychantam mikurqaku, chaynataqa manam qellqaman hinachu ruwarqaku. Aswanqa rey Ezequiasmi paykunapaq mañakurqa kaynata: Dios Taytalláy, qamqa kuyapayakuqmi kanki, tukuy sonqonwan maskasuqnikikunatayá pampachaykuy.

Éxodo 39:43

Tukuy chaykunata, Tayta Diospa kamachisqanman hina ruwarusqankuta qawaykuspanmi Moisés bendeciykurqa.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Lucas 24:50

Chaymantam paykunata Betania llaqtakama pusarqa. Chaypim makinkunata hoqariykuspan paykunata bendeciykurqa.

Josué 14:13

Chaymi Josueyqa, Jefonepa churin Calebpaq Tayta Diospa bendicionninta mañakuspan Hebrón allpata herencianpaq qoykurqa.

Josué 24:28

Chaymantam Josueyqa runakunata aviarurqa allpankuman sapakama kutikunankupaq.

1~Samuel 10:25

Chaymantam Samuelqa llapa runakunaman willaykurqa reypa imaynam ruwananmanta kamachikuykunata, hinaspam huk libropi qellqaykuspan Diospa santuarionpi churaykurqa. Chaymantam Samuelqa runakunata kamachirqa wasinkuman kutikunankupaq.

1~Samuel 13:2

Israel runakunamanta kimsa waranqa qarikunata akllaykurqa. Chay qarikunamantam iskay waranqa Micmas llaqtapi hinaspa Bet-elpa orqonkunapi Saulwan karqaku, waranqañataqmi Jonatanwan Benjamín ayllupa allpan Gabaa llaqtapi karqaku. Puchuq runakunatañataqmi wasinkuman Saúl aviarurqa.

1~Samuel 2:20

Chaymi sacerdote Elí, Elcanatawan warmin Anata bendecispa kaynata nirqa: Tayta Diosyá kay warmikipi, Diosmanta mañakusqan wawapa rantinpi, achka churikikunata qosunki, nispa. Chaymantam wasinkuman kutikurqaku.