Josué 22:20 - CHUYA QELLQA La Biblia en Quechua de Ayacucho 2012

²⁰ Zerapa churin Acán sutiyuq runapa huchallikusqantayá yuyariychik. Paymi chinkachisqa kananpaq rakisqa kaqkunata hapikuykuspan huchallikururqa. Chayraykum Israelpa mirayninkunapa contranpi Tayta Dios piñakurqa. Chay runaqa manam sapallanchu huchallikusqanmantaqa wañurqa, nispa.

Quechua Ayacucho Bible 1987

²⁰ Yuyariychikyá Zarapa miraynin Acan sutiyoq runata, paymi chinkachisqa kananpaq Tayta Diospaq rakisqa kaqkunata hapikuykuspan Tayta Diosta traicionarqa. Chayraykum Israelpa llapallan mirayninkunapa contranpi Tayta Dios piñakurqa. Chay runaqa manataqmi sapallanchu wañurqa mana allin rurasqanmantaqa —nispa.

Chuya Qellqa 1992

²⁰ Zerapa churin Acán sutiyuq runapa huchallikusqantayá yuyariychik. Paymi chinkachisqa kananpaq rakisqa kaqkunata hapikuykuspan huchallikururqa. Chayraykum Israelpa mirayninkunapa contranpi Tayta Dios piñakurqa. Chay runaqa manam sapallanchu huchallikusqanmantaqa wañurqa, nispa.

Josué 22:20 Iomraidhean Croise

2~Crónicas 24:18

Hinaptinmi ñawpaq taytankupa yupaychasqan Tayta Diospa templonta qepanchaspanku, Asera sutiyuq idolokunatawan tukuy rikchaq idolokunataña yupaycharqaku. Chay huchankuraykum Judá nacionmanwan Jerusalenman Tayta Diospa piñakuynin chayarqa.

Jobwan Sutichasqa Libro 35:8

Mana allin ruwasqaykiqa qam hina runallatam qachachan, allin ruwaynikipas runallatam yanapan.

Levítico 10:6

Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

1~Corintios 10:6

Chaykunaqa pasakurqa ñoqanchikpaq huk ejemplo hina kananpaqmi, chaynapi paykunapa mana allin munapayasqanta hina ñoqanchikpas mana munapayananchikpaq.

Josué 22:21

Chaymi Rubén ayllumanta, Gad ayllumanta hinaspa Manasespa wakin ayllumanta kaqkuna, Israelpa wakin mirayninkunapa kachamusqan kamachikuqkunata nirqaku:

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:18

Zabdipa churinkunamanta qarikuna asuykuptinkum, Carmipa churin Acán akllasqa karqa. Carmiqa karqa Zabdipa churinmi hinaspa Judá ayllumanta kaq Zerapa willkanmi.

Josué 7:24

Chaymi Josueywan Israelpa mirayninkuna, Zerapa churin Acanta, churinkunatawan, vacankunatawan, asnonkunatawan, ovejankunatawan kuskata, Acor sutiyuq qechwaman pusarqaku. Aparqakutaqmi suwakusqan qollqeta, capata, qorita, carpanta hinaspa tukuy ima kapuqninkunatapas.

Josué 7:5

Hai llaqtayuqkunam urayninpaman qatimuspa Israel tropakunata venceruspa yaqa kimsa chunka soqtayuqta wañurachimurqaku, hinaspam llaqtapa pun-kunmanta Sebarim lawkama qatiramurqaku. Chayraykum llapa runakuna pasaypaqta hukmanyarurqaku.

2~Pedro 2:6

Chaynataqmi Sodoma Gomorra llaqtakunatapas uchpayanankama kañaspa chinkarachirqa, chaynapi qepa punchawkunapi Diosta mana kasukuq runakuna manchakuy yachanankupaq.