Josué 22:18 - CHUYA QELLQA La Biblia en Quechua de Ayacucho 2012

¹⁸ ¿Allinpaqchu hapinkichik Tayta Diosmanta rakikuruyta? Sichum kunan Tayta Diospa contranpi hatariptikichikqa, paypas piñakuruspanmi Israelpa mirayninkunata castigarunqa.

Quechua Ayacucho Bible 1987

¹⁸ Tayta Diospa contranpi kunan mana kasukuptikichikqa paypas paqarinchiki piñakurunqa Israelpa llapallan mirayninkunapa contranpi.

Chuya Qellqa 1992

¹⁸ ¿Allinpaqchu hapinkichik Tayta Diosmanta rakikuruyta? Sichum kunan Tayta Diospa contranpi hatariptikichikqa, paypas piñakuruspanmi Israelpa mirayninkunata castigarunqa.

Josué 22:18 Iomraidhean Croise

2~Samuel 24:1

Tayta Diosmi Israel nacionpa contranpi huktawan piñakururqa, hinaspam Davidpa sonqonman Israel runakunata yuparuy munayta churarurqa.

1~Reyes 9:6

Sichum qamkunapas otaq miray-nikichikkunapas ñoqata qepanchawas-pa kamachikuykuna hinaspa yacha-chikuykuna qosqayta mana kasukuspa huk dioskunataña qatispa yupaychaptikichikqa,

2~Reyes 17:21

Davidpa mirayninmanta Israel nacionta Tayta Dios rakiruptinmi, Israel runakunaqa Nabatpa churin Jeroboamtaña reyninkupaq churarurqaku. Jeroboammi Israel runakunata Tayta Diosmanta rakiruspan llumpayta huchallichirqa.

1~Crónicas 21:1

Satanasmi Israelpa contranpi hatarispan, Israel nacionpi runakunata yupachinanpaq Davidta kallpancharurqa.

1~Crónicas 21:14

Chaymi peste onqoyta Israel runakunaman Tayta Dios kachaykamuptin qanchis chunka waranqa runakuna wañururqaku.

2~Crónicas 25:27

Tayta Diosmanta Amasiaspa rakikusqan punchawmantam Jerusalén llaqtapi yachaqkuna paypa contranpi hoqarikururqaku, chaymi Amasiasqa Laquis llaqtaman lluptikurqa, ichaqa qatispankum chaypi wañurachimurqaku.

2~Crónicas 34:33

Rey Josiasmi Israelpa mirayninkunapa yachasqan allpapi kaq millakuypaq kaqkuna ruwasqankuta chinkarachirqa, hinaspam Israel nacionpi llapallan runakunata kamachirqa Tayta Diosta yupaychanankupaq. Rey Josías kawsa-nankamaqa manam Diosmanta rakikurqakuchu, aswanqa ñawpaq taytankupa yupaychasqan Tayta Diostam kasukurqaku.

Levítico 10:6

Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Números 32:15

Tayta Diosmanta karunchakuptikichikqa huktawanmi chunniqpi saqerusunkichik. Qamkunaraykutaqmi kay llaqtatapas chinkarachinqa, nispa.

Deuteronomio 7:4

Yanqañataqmi churikichikta Tayta Diosmanta karuncharachispa diosninkunataña yupaychachinmanku, hinaptinqa Tayta Diosmi contraykichikpi piñakuspan qayllanmanta chaylla chinkarachisunkichikman.

Josué 22:15

Paykunam Galaad lawpi kaq Rubén aylluman, Gad aylluman hinaspa Manasespa wakin aylluman chayaruspanku nirqaku:

Josué 22:16

Tayta Diospa llapallan runankunam kaynata nin: ¿Imanasqataq kaykunata ruwaspa Israelpa Diosninpa contranpi hatarirunkichik? ¿Imanasqataq Tayta Diosta qepanchaspa kay hatun altarta ruwakuruspa Tayta Diospa contranpi hatarirunkichik?

Josué 22:20

Zerapa churin Acán sutiyuq runapa huchallikusqantayá yuyariychik. Paymi chinkachisqa kananpaq rakisqa kaqkunata hapikuykuspan huchallikururqa. Chayraykum Israelpa mirayninkunapa contranpi Tayta Dios piñakurqa. Chay runaqa manam sapallanchu huchallikusqanmantaqa wañurqa, nispa.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:11

Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.

Josué 7:21

Jericó llaqtamanta apamusqanchik kaqkunamantam, Babiloniamanta kaq kuyayllapaq capata, iskay chunka kimsayuq kilo qollqeta hinaspa medio kilo pesaq qorita rikururqani. Chaykunatam kuyaruspay hapikurqani, hinaspaymi carpaypa chawpinpi allpa ukupi pamparurqani, qollqepas chaykunapa ukunpim pakasqa kachkan, nispa.

1~Samuel 12:14

Sichum qamkuna reynikichikpiwan Tayta Diosllataña yupaychaspa kamachikuyninkunata kasukuspa Diosllataña servispaykichikqa, bendecisqam kankichik, hawkayaypitaqmi kawsakunkichikpas.

1~Samuel 12:20

Samuelñataqmi nirqa: Amayá manchakuychikchu. Cheqaptam qamkunaqa mana allinta ruwarunkichik, chaywanpas Diosmantaqa amayá karunchakuychikchu, tukuy sonqoykichikwanyá payta serviychik.