Josué 22:15 - CHUYA QELLQA La Biblia en Quechua de Ayacucho 2012

¹⁵ Paykunam Galaad lawpi kaq Rubén aylluman, Gad aylluman hinaspa Manasespa wakin aylluman chayaruspanku nirqaku:

Quechua Ayacucho Bible 1987

¹⁵ Paykunam pasarqaku Galaad lawpi kaq Ruben aylluman, Gad aylluman hinaspa Manases parten aylluman, chayaruspankum nirqaku:

Chuya Qellqa 1992

¹⁵ Paykunam Galaad lawpi kaq Rubén aylluman, Gad aylluman hinaspa Manasespa wakin aylluman chayaruspanku nirqaku:

Josué 22:15 Iomraidhean Croise

1~Crónicas 21:3

Joabñataqmi reyta nirqa: Tayta Diosyá kay nacionpi runakunata kunan kasqankumantapas pachak kuti mastaraq mirachichun. Reynilláy, ¿manachum paykunaqa llapallankupas serviqnikikuna? ¿Imapaqtaq runakuna yupachiyta munanki, chaynapi Israelta huchallichinaykipaq? nispa.

2~Crónicas 10:19

Chaynatam Israel runakunaqa Davidpa ayllunmanta rakikururqaku. Chaynam kunankamapas kachkanku.

2~Crónicas 25:27

Tayta Diosmanta Amasiaspa rakikusqan punchawmantam Jerusalén llaqtapi yachaqkuna paypa contranpi hoqarikururqaku, chaymi Amasiasqa Laquis llaqtaman lluptikurqa, ichaqa qatispankum chaypi wañurachimurqaku.

2~Crónicas 26:18

paykunam rey Uziaspa contranpi sayarispanku nirqaku: Rey Uzías, Tayta Diospaq inciensotaqa manam qamchu kañanayki, chaytaqa Aaronpa miraynin sacerdotekunallam ruwananku, ñoqallaykum chaykunata ruwanaykupaqqa sapaqchasqa kaniku. Chaynaqa, kay santuariomanta lloqsiy, kay ruwasqaykiwanqa Tayta Diospa contranpim sayarirunki, chayraykum Tayta Diosqa manaña hatunchasunkiñachu, nispanku.

2~Crónicas 28:13

Hinaspankum nirqaku: Chay presokunataqa ama kaymanqa pusaykamuychikchu, Tayta Diospa contranpi huchallikusqaykichikmi ñoqaykupa hawaykupi karunman. Hatu-hatun huchayuq hinaspa huchasapa kachkaptiykupas aswan yapaytaraqmi munachkankichik, Diospa piñakuyninqa nina hinam kachkan Israel nacionpa contranpi, nispanku.

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Esdras 9:2

Paykunapas churinkupas chay nacionniyuq runakunapa warmi churinkunawanmi casarakurunku, chaynapim Diospa llaqtan huklaw llaqtayuq runakunawan chaqrukurunku. Kamachikuqkunawan gobernadorkunaraqmi puntataqa chay hucha ruwaytaqa qallaykurqaku, nispanku.

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Levítico 26:40

Mana allin ruwasqankumanta chaynataq ñawpaq taytankupa mana allin ruwasqankumanta reqsikuptinkupas, qepanchawasqankuta hinaspa mana kasukusqankuta reqsikuptinkupas,

Levítico 5:19

Chay carneroqa huchamanta ofrendam. Chay runaqa ñoqa Tayta Diospa contraypim huchallikurqa, nispa.

Números 14:43

Amalecitakunawan cananeokunam ñawpaqnikichikpi kachkanku peleaspa wañuchisunaykichikpaq. Tayta Diosta manaña qatisqaykichikraykum payqa mana yanapasunkichikñachu, nispa.

Números 32:15

Tayta Diosmanta karunchakuptikichikqa huktawanmi chunniqpi saqerusunkichik. Qamkunaraykutaqmi kay llaqtatapas chinkarachinqa, nispa.

Mateo 18:17

Paykunatapas mana kasuptinqa huñunakuypiyá llapallanman niy, paykunatapas mana kasuptinqa Diosta mana reqsiqpaq otaq impuesto cobraqpaqñayá hapiychik.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

1~Corintios 5:4

Señor Jesucristopa sutinpi huñunakuychik, hinaptinqa ñoqapas espiritupim qamkunawan kasaq, qamkunawantaqmi kanqa Señorninchik Jesucristopa atiyninpas.

Deuteronomio 30:17

Sichum Tukuy kay nisqaykunata mana kasukuspa, idolokunataña qonqorakuspa yupaychaptikichikqa,

Deuteronomio 7:4

Yanqañataqmi churikichikta Tayta Diosmanta karuncharachispa diosninkunataña yupaychachinmanku, hinaptinqa Tayta Diosmi contraykichikpi piñakuspan qayllanmanta chaylla chinkarachisunkichikman.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Josué 22:12

Chay ruwasqankuta yacharuspankum Canaán lawpi kaq Israelpa wakin mirayninkuna, paykunawan peleanankupaq Silo llaqtapi huñunakururqaku.

Josué 22:14

Fineeswan kuskam rirqaku chunka kamachikuqkuna, paykunaqa sapa ayllupi kamachikuqkunam karqaku.

Josué 22:16

Tayta Diospa llapallan runankunam kaynata nin: ¿Imanasqataq kaykunata ruwaspa Israelpa Diosninpa contranpi hatarirunkichik? ¿Imanasqataq Tayta Diosta qepanchaspa kay hatun altarta ruwakuruspa Tayta Diospa contranpi hatarirunkichik?

Josué 22:18

¿Allinpaqchu hapinkichik Tayta Diosmanta rakikuruyta? Sichum kunan Tayta Diospa contranpi hatariptikichikqa, paypas piñakuruspanmi Israelpa mirayninkunata castigarunqa.

1~Samuel 15:23

Layqanakuy hucha hinam Diospa contranpi sayariyqa, idolokunata yupaychay hucha hinam mana kasukuyqa. Chaynaqa, Tayta Diospa Chuya siminta mana kasukusqaykiraykum rey kaynikimanta qarqosunki.