Josué 22:11 - CHUYA QELLQA La Biblia en Quechua de Ayacucho 2012

¹¹ Israelpa wakin mirayninkunam yacharurqaku, Manasespa wakin ayllupa, Rubén ayllupa, Gad ayllupa, Jordán mayupa patanpi, allpanku ukupi hatun altarta hatarirachisqankuta.

Quechua Ayacucho Bible 1987

¹¹ Chay Ruben ayllupa, Gad ayllupa chaynataq Manases parten ayllu runakunapa altar hatarirachisqankutam Israelpa wakin mirayninkuna uyarirurqaku. Chay altartaqa rurarurqaku Jordan Mayupa patan Israelpa mirayninkunapa *f**yachasqanku lawpim otaq intipa seqaykunan law Canaan allpanpim.

Chuya Qellqa 1992

¹¹ Israelpa wakin mirayninkunam yacharurqaku, Manasespa wakin ayllupa, Rubén ayllupa, Gad ayllupa, Jordán mayupa patanpi, allpanku ukupi hatun altarta hatarirachisqankuta.

Josué 22:11 Iomraidhean Croise

Juan 1:28

Chaykunaqa pasakurqa Jordán mayupa waklawnin Betábara lawpim, chaypim Juan bautizachkarqa.

Juan 20:1

Domingo punchawtam tuta-tuta manaraq runa reqsiy horata sepulturaman rirqa Magdala llaqtayuq María, paymi rikururqa sepultura tapasqanku rumiqa suchurachisqaña kasqanta.

Juan 20:12

Chaynapim rikururqa yuraq pachayuq iskay angelkunata. Paykunam tiyachkasqaku Jesuspa cuerpon churasqankupi, hukninmi kachkasqa sawnan lawpi hukninñataqmi haytan lawpi.

Deuteronomio 12:11

Señornikichik Tayta Diospa sutin reqsisqa kananpaq, kikinpa akllasqan sitiopi, imaynam kamachisqayman hina, lliw kañana sacrificiota, wakin ofrendakunata, diezmoykichikkunata, ofrendaykichikkunata chaynataq payman prometesqaykichik allinnin kaqkunatapas ofrecenkichik.

Josué 2:7

Reypa kachasqan runakunañataqmi, Jordán mayupa vadonkunakama qatirqaku. Chay qatiqninku runakuna lloqsiruptillankum punkutapas wichqarurqaku.

Josué 22:10

Manasespa wakin ayllumanta, Rubén ayllumanta, Gad ayllumanta kaqkunam, Canaán lawpi Jordán mayupa patanman chayaruspanku hatun altarta hatarichirqaku.

Josué 22:16

Tayta Diospa llapallan runankunam kaynata nin: ¿Imanasqataq kaykunata ruwaspa Israelpa Diosninpa contranpi hatarirunkichik? ¿Imanasqataq Tayta Diosta qepanchaspa kay hatun altarta ruwakuruspa Tayta Diospa contranpi hatarirunkichik?

Josué 22:19

Sichum Tayta Diosta kay allpaykichikpi yupaychayta mana atispaykichikqa, Tayta Diosman asuykuna carpapa kasqanman hamuspa chaypi yupaychaychik hinaspa ñoqaykuwan kuska yachaychik, ichaqa ama kay sapaq altarkunata hatarichispaykichik Tayta Diospa contranpi nitaq ñoqaykupa contraykupipas hatariychikchu.

Jueces 12:5

Hinaptinmi Galaad lawmanta kaqkuna, Efraín castakuna mana chimpanankupaq Jordán mayupa vadonkunapi churakururqaku. Efraín castamanta lluptiqkuna “pasaytam munaniku” niptinkupas, Galaad lawmanta kaqkunam tapuqku: “¿Efraín ayllumantachu kankichik?” nispanku. “Manam” niptinkuqa,