Josué 21:44 - CHUYA QELLQA La Biblia en Quechua de Ayacucho 2012

⁴⁴ Tayta Diosmi paykunaman hawkayayta qoykurqa, imaynam ñawpaq taytankuman prometesqanman hina, Tayta Dios paykunata yanapasqanraykum enemigonkunapas mana ima ruwaytapas atirqakuchu.

Quechua Ayacucho Bible 1987

⁴⁴ Abuelonkuman tukuy jurasqanta hinam muyuriqninkupi nacionkunawan hawkaña kanankupaq Tayta Dios chaynata rurarqa. Chaymi llapallan enemigonkunapas paykunawan peleayta manaña atirqakuchu, Tayta Dios yanapaptinmi enemigonkunatapas vencerqaku.

Chuya Qellqa 1992

⁴⁴ Tayta Diosmi paykunaman hawkayayta qoykurqa, imaynam ñawpaq taytankuman prometesqanman hina, Tayta Dios paykunata yanapasqanraykum enemigonkunapas mana ima ruwaytapas atirqakuchu.

Josué 21:44 Iomraidhean Croise

2~Crónicas 13:16

Hinaptinmi Israel tropakuna Judá runakunapa qayllanmanta ayqekurqaku, chaynatam paykunata Judá soldadokunapa makinman Tayta Dios churaykurqa.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Éxodo 33:14

Chaymi Dios nirqa: Ñoqam qanwan risaq hinaspam samachisqayki, nispa.

Isaías 63:14

Tayta Diospa Espiritunmi paykunata, pampaman uraykuq animalta hina michirqa. Diosnilláy, chaynatam llaqtaykita pusarqanki, chaynatam sutikitapas ancha reqsisqata ruwarqanki.

Deuteronomio 2:36

Arnón mayu patanpi Aroer llaqtamanta chaynataq wayqopi kaq llaqtamanta Galaad lawpi llaqtakunakamam mayqan llaqtapas mana imanayta atiwarqanchikchu, Señorninchik Tayta Diosmi llapallanta munaychakunanchikpaq qoykuwarqanchik.

Deuteronomio 21:10

Sichum enemigoykichikwan peleaptikichik Señornikichik Tayta Dios hapiy-kachisuptikichik presocharunkichik hinaptinñataq

Hebreos 4:9

Chaywanpas Diospa llaqtanpaqqa kachkanraqmi samana punchawqa.

Josué 1:13

Tayta Diospa serviqnin Moisespa kamachisusqaykichiktayá yuyariychik, paymi nisurqankichik: Diosnikichikmi hawkayayta kay allpapi qoykusunkichik.

Josué 1:15

chaynapi imaynam qamkunaman qosusqaykichikta hina paykunamanpas hawkayayta Tayta Dios qoptin, Diospa qosqan allpata hapinankupaq. Chayñam Jordán mayupa kaylawninpi, intipa qespimunan lawpi allpaykichikman kutimuspa munaychakunkichik. Chay allpatam Tayta Diospa serviqnin Moisés qosurqankichik, nispa.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Josué 11:12

Josueyqa wakin llaqtakunatapas purmarachispanmi reyninkunatapas espadawan wañurachirqa, Tayta Diospa serviqnin Moisespa kamachisqanman hina.

Josué 11:23

Josueymi llapallan allpata hapikuykurqa, Moisesman Tayta Diospa nisqa-nman hina. Chay allpatam Israelpa mirayninkunaman herencianku kananpaq sapa aylluman tupaqninta qorqa. Chaymantapunim chay allpapiqa manaña guerra karqachu.

Josué 11:8

Tayta Diosmi Israelpa mirayninkunaman qoykurqa, chaymi Sidón sutiyuq hatun llaqtakama, Misrefot-maim lawkama chaynataq intipa qespimunan lawpi Mizpa qechwakama wañuchistin qatirqaku. Lliwtam wañurachirqaku manam chullapas puchurqachu.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

Josué 22:4

Kayqaya Tayta Diosqa prometesqanman hina wakin aylluykichikmanpas hawkayayta qoykunña. Kunanqa Jordán mayupa intipa qespimunan lawninpi, Tayta Diospa serviqnin Moisespa qosusqaykichik allpaykichikman chaynataq carpaykichikmanñayá kutikuychik.

Josué 22:9

Chaynatam Manasespa wakin ayllu-manta, Rubén ayllumanta, Gad ayllumanta kaqkuna, wakin ayllumasinkumanta Canaán lawpi kaq Silo llaqtapi rakikuykuspanku Galaad lawpi allpankuman kutikurqaku. Chaypim paykunapa allpan karqa Moisesman Tayta Diospa kamachisqanman hina.

Josué 23:1

Israelpa mirayninkunata muyuriqninkupi enemigonkuwan Tayta Dios hawkayayta qoykuptinmi, Josueypas llumpaytaña machuyaruspanmi,